Tito 3:3 - Seysyo No Tao

³ Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

Tito 3:3 ပူးပေါင်းရင်းမြစ်များ

Matay 21:29

Maniring ori am, ‘Sino mangay.’ Manakenakem am, ‘Jyabo kaji ko angayan a.’ Karahan am mangay ori.

Locya 21:8

Maniring si Yeso am, “Azimanen nyo an. Ta ji kamo a litai an. Ta mangay o keyyan no aro a tao amvood so ngaran ko a manci no, ‘Yaken am si Kizisto ko,’ a kapanci da pa no, ‘Yamasngen rana o araraw no kavosan no karawan.’ Am ji nyo ngonoci sira an.

Yowani 8:34

Maniring si Yeso jira am, “To ko na macitangayan jinyo am o meyraraten a tao am mamimin sira ori a lamlamsoy no raraten.

Loma 11:30

No kakwa am ji nyo ngonoci si Ama ta do to a beken a tao do Yotay. Am nyo na mahap o pangangasyan na ni Ama ta do to. Ta da ji ngonoci si Ama ta do to no tao do Yotay.

Loma 6:12

Am ori o ji nyo to amyapyai so kataotao nyo a italamozong no raraten. Ji nyo to ngonongonoci o marahet a onowned nyo.

Loma 6:17

Am ta isaray ji Ama ta do to. Ta no kakwa am akma ney lamlamsoy inyo no raraten. Am sicyaikwa rana ya am yasa rana o onowned nyo a yaomonot do manoyong a nanao.

Loma 6:22

Am inyo rana sicyaikwaya am ji na rana peylamlamsoya inyo no raraten. Ta yanyo rana kakzeben si Ama ta do to a mapeylamlamsoy jinyo. So yanyo rana ipeyngongyod a yaomonot rana ji Ama ta do to. So ikanoyong nyo a makahap so to meyyonong a ikavyay no pahad nyo.

Loma 6:6

Tamo na katenngan o adan ta onowned a yarana akmey nimacizanod ji Kizisto a nipadket do jyojika. So ikanoyong ta na a nikomaro rana do raraten ta. So ikabo na rana no oyowyat no raraten a tomalamozong nyaten.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

Cyalatay 6:3

O mapakateneteneng a tao am akma ney littan o kataotao na.

Kelosi 1:21

No kakwa pa am abo kasngesngenan nyo ji Ama ta do to, do karahet no onowned nyo a kano vazay nyo. So nikanoyong nyo akmey mapeykavosoyan si Ama ta do to.

Kelosi 3:7

No kakwa pa am nimakman kamo so sang a nitalamozong no adan a nakenakem nyo.

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

2 Timotay 3:6

Ta amyan so mahakay a mangnanao no malas a ciring so jyahadpet so nakem a mavavakes a ipeyzavozavoz da so nakenakem da. Am ori o to da anwanoyngi jira, do keyyan na pa jira no raraten da no kakwa pa.

Tito 1:16

O akman rana sang a tao am o ciriciring da am akmey macyanoyong ji Ama ta do to. Am o aktokto da am ori o omalalas jya. So ikanoyong da pacioyyan na ni Ama ta do to, do kaji da ngahapan so nanao na. So ikabwata no apya vazay a peyvazain da.

Tito 2:12

O akman sang a pangangarilawan na ni Ama ta do to am ori o ipakateneng ta do kakaro ta do raten na ni Ama ta do to a vazay ta kano meykamadadayan a ikakza ta do karawan. So ipakateneng ta do kapzat ta do onowned ta a mapeypahagnat so nakenakem ta ji Ama ta do to.

Yake 1:26

No myan so tao a mapakakdekdeng so nakem ji Ama ta do to a kaji na amzatan do ciring na am alalasan na o kataotao na. So ikabo no peypeypangayan na no kararalay na ni Ama ta do to.

1 Pite 1:14

Onotan nyo si Ama ta do to. Ji nyo to nginara o marahet a icicirawat nyo no kaji nyo pa manaralayan.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 13:14

So nipakahap na so rako a oyowyat a meyvazay so mapangyangyalak a vazay do tangain no nimanma na omalalam. Am ori o nilittan na do tao do karawan. Ipanci na o tao do karawan a mamaring so kamamagenan no nimatavaz no ipangan a omalalam.

Ipaziman 18:2

Maniring ori a amlololos am, “Yarana nimabalinas o rako a ili a meyngaran so Papilon. Ori rana am yamanoyong a yada peyvahayan no makakaday a kararay na ni Satan a da peyvahayan no yamapaoya a meyyasasalap.