Tito 3:2 - Seysyo No Tao

² Vavagan mo sira ji manamwad so icyatatao da, kaji da macivaivaitan. Manganyanig sira so tao. Ji sira mapahama so nakem do icyatatao da.

Tito 3:2 ပူးပေါင်းရင်းမြစ်များ

Matay 11:29

Ahapen nyo o vazay ko. Inarahen nyo yaken. Ta o nakenakem ko am mapanadnad so nakem a ji makazyazyak. No si akman kamo sang am manoyong kamo a keyhepawan so kataotao.

Nimlivolivon 23:5

Maniring si Pawlo am, “Manga kakteh, no ko nikatenngan ori a panirsirngen no mapatanatanang so nakem si Ama ta do to am ko jya nioya. Ta o ciring do Seysyo am, ‘Ji nyo ngavaya o panirsirngen nyo.’ ”

1 Kedinto 6:10

manakaw, mangamkam, masakisakin a kano manraherahet so icyatatao a kano amgacigat do tao a tomoro am o akman rana sang a tao am ji sira macikaop do italamozong na ni Ama ta do to no makwa.

1 Kedinto 9:19

Yaken rana am yabo mapeylamlamsoy jyaken a tao. Am nakenakem ko o kakma koy lamlamsoy da no aro a tao, do ko kapanop sira.

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Cyalatay 6:1

Manga kakteh, inyo rana yamakdeng so nakem ji Ama ta do to am no myan so tao a to meyraraten am ji nyo anigan a pamizngen. Am taosya o kapahama nyo so onowned nyo a mapamizing sya. So ipeytataziman nyo, ta kalittan kamo.

Cyalatay 6:10

Am ori an, no myan so sidongan ta so icyatatao ta am sidongen ta sira an. Am arakorako pa o sidongan ta so akma tey kakteh do cinai an.

Ivoso 4:2

Taosya o kapahama nyo so nakem nyo. Apyapya pa kapiya no nakem nyo do icyatatao nyo. Ji kamo meyoyaoya. Ta karilaw nyo no kadwan jinyo.

Ivoso 4:31

Ablisan nyo na o oyaoyyan nyo no kadwan jinyo. Ji nyo macizagzagi o icyatatao nyo a meyoyaoyan. Ji kamo na lololos a mangavay. Taosya rana o kapeyyan nyo sya do onowned nyo so pacioyyan nyo do tao.

Veydipi 4:5

Manakem nyo o kapangarilaw nyo so tao an. Ta yana makeykai si Yeso a yamai.

1 Tesalonicya 2:7

Am no kapacikaop namen pa jinyo am apiya namen so nakem jinyo, akman so inyapwan a mavakes a omazwazovo so minapodpod jya.

1 Timotay 3:11

O katovong da do vahay a mavakes am apiya o icicirawat da. Ji sira manamwadan. Taosya o kapangalalas da no makakaday a vazay.

1 Timotay 3:3

jyasaki, ji macililiman, apiya o nakenakem so icyatatao, ji mangamkam so nizpi.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

Yake 4:11

Ji kamo maciraherahet, manga kakteh an. No amyan so tao a amraherahet so kakteh na do cinai am akma ney to rehrehta o Ciriciring na ni Ama ta do to. No rehrehten nyo o Ciriciring na ni Ama ta do to am manoyong o kapasobna nyo ji Ama ta do to.

1 Pite 2:1

Am ori o karwan nyo do makakaday a marahet a vazay. Taosya o kapangononong so malas. Taosya o kapakatanteneteneng nyo. Taosya o kapanginanahet nyo. Taosya o kapanraherahet nyo so tao.

1 Pite 3:10

Akman so ciring do Seysyo. Maniring am, “No kakzeben o kasaray do karawan am taosya o kapatwaw so marahet a ciring. Taosya o kapangalalas.

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.

1 Pite 4:4

So yada na savasavakan ninyo no yaji manaralay a tao, do yanyo na kaji macikaopan jira a somagpyan so vazay. Am ori o da kazyakan ninyo.

2 Pite 2:10

Tarek pa sira o to mangozangozay do onowned da a ji mapanadnad so oyowyat ni Ama ta do to. Ta jyabo kaji nakdekdengan pa no pasingsingtan na jira. Pahamahen da o nakem da no malas so ipangnanao a tao a ji mapanadnad so tinsi na ni Ama ta do to.

Yota 1:10

Am sira rana a malas so ipangnanao a tao ori am da to rehrehta o yada jyatenngi a vazay. So da icyakmey omalalam a ji makateneng do apya kano marahet. Ori rana o ipakasapa da so peyoyaoyyan na ni Ama ta do to.

Yota 1:8

O yamalas so ipangnanao a tao am akman sira so sang. Ta da to mangozangozai o aktokto da yamapasagpyan so kataotao da. Da kolalahen o oyowyat na ni Ama ta do to. Da ipeyzozominyak o tinsi do teyngato.