Tito 2:3 - Seysyo No Tao

³ Vavagan mo sira o rarakeh a mavakes a kapiya da so nakenakem. Ji sira manamwad. Ji da macikeyyani o saki. Ta naknakmen da o kapeycitacita da jira no malalavayo a mavavakes.

Tito 2:3 ပူးပေါင်းရင်းမြစ်များ

Loma 1:29

Yamakakaday o raraten do onowned da akman so mangagom, manginanahet, manwakwak so tao, mapatongtonggal, mangalalas a kano mangamaog no tao so ciring.

Loma 16:2

Taotawwen nyo ori an, ta ori o vazay ta akmey meyketeketeh do cinai. No amyan so kakzeben na am sidongen nyo. Ta iya rana ori am ney makdeng a nisomidong so aro a tao. So nisidongan na jyakehen.

Ivoso 5:3

Ji nyo pasngesngena o mangzakza kano pangagoman nyo. Ta o akman rana sang am no peyyanen do onowned ori a kapeynyagamo nya am tey marahet o akman sang. Ta akmey anak na rana inyo ni Ama ta do to. So ikapyapya na no kasaray nyo no sidongan na jinyo ni Ama ta do to.

1 Timotay 3:11

O katovong da do vahay a mavakes am apiya o icicirawat da. Ji sira manamwadan. Taosya o kapangalalas da no makakaday a vazay.

1 Timotay 3:8

O somidong rana so tomalamozong no kyokay a tao am akman sang, ta apiya o icicirawat da. So ji da mangononongi so malas a ciriciring. Jyasakisakin. Beken a nizpi o manakem da.

1 Timotay 5:23

Beken a ka ranom na no yopen mo. Ta amyop ka so alikey a potaw cyo a kosozi no velek mo a kaji mo a sangiban a meyngen so kataotao.

Tito 1:7

Ta o manoyong a yamahap so vazay na ni Ama ta do to a yatomalamozong no kyokay am abo o karatan na. Ta iya rana am ji mapahama so nakem. Jyaoyaoyahen. Ji mapeyvazay so keyyop so saki. Ji mamakbak so tao. Ji mangamkam so nizpi no icyatatao na.

Tito 2:4

Nanawen da sira o malalavayo a mavavakes a marilaw no kahanghangan da kano ananak da.

Sipolay 5:12

No kamo mowyat a yamacinanao am kamo na mangnanao. Am asyosyo kamo eya a yada pananawen no tao no yatodalapit a ciring na ni Ama ta do to. So nyo icyakmey metdeh a yapa somoso.

Ipaziman 2:20

Am yasa ka vazay pa o yako oyyan ninyo. Inyo rana am nyo to amyapya o malas so ciring a mavakes a meyngaran so Yesipi. Na cirarahen o lamlamsoy ko a mapasagpyan so kataotao da a yakoman so pazos da no yamalas a da iraralay.