Tito 2:15 - Seysyo No Tao

¹⁵ Nanawen mo sira no yamakakaday a vazay. No myan so ivavaga mo jira kano oyaoyyan mo nira am manakem mo o yada kownot jimo a yamizngen so ciring. Ta ji mo akwan o kalavayo mo.

Tito 2:15 ပူးပေါင်းရင်းမြစ်များ

Matay 7:29

Ta tey rako oyowyat na no ipangnanao na, do kapacitarek na no ipangnanao na kano aro a mangnanao no iwawalam ni Ama ta do to a tao.

Make 1:22

Isavasavak da no makamizing so ciring na ni Yeso o ipangnanao na. Ta tey rako oyowyat na no ipangnanao na, do kapacitarek no ipangnanao na kano aro a mangnanao no iwawalam ni Ama ta do to a tao.

Make 1:27

Isavasavak da no aro a tao. Am ori o nipeysingsingkad da manci no, “Asyo o akman sya vazay. Abo pa o akman sya nimamizing ta a nanao. Asyo oyowyat na ori yato makavozwaw so kalamsoyan ni Satan ang. Na to ngamiznga pa no kalamsoyan ni Satan o ciring na ang.”

Locya 4:36

Abo tao ji meyzokab nya. So nipancyan da no, “Asyosyo o ciriciring na ang. A ikongo ori a tao, yana katey rako no oyowyat na yamamozwaw so kalamsoyan ni Satan.”

1 Kedinto 16:11

Ji nyo ngolala. Ta sidongen nyo a meypangay jyaken do jya. Ta yako nanalahen si Timotay a kano kakehza na a mai jyaken do jya.

1 Timotay 5:20

No amyan so meyraraten a tomalamozong no kyokay am vavagan nyo sira do ipacikaop no aro a sinjya. Ta ipaziman so aro a tao.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

Tito 1:13

Yabwata o kalalasan na no ciring na. Am ori o ji mo anigi nira ioya. Ta ori o ikanoyong no nakenakem da ji Ama ta do to,

1 Pite 4:11

O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.