Tito 2:12 - Seysyo No Tao

¹² O akman sang a pangangarilawan na ni Ama ta do to am ori o ipakateneng ta do kakaro ta do raten na ni Ama ta do to a vazay ta kano meykamadadayan a ikakza ta do karawan. So ipakateneng ta do kapzat ta do onowned ta a mapeypahagnat so nakenakem ta ji Ama ta do to.

Tito 2:12 ပူးပေါင်းရင်းမြစ်များ

Matay 12:32

O komolala jyaken a Nipamnekan na ni Ama ta do to a tao am mavonas o akman sang a raraten. Am omraherahet so Seyzi na ni Ama ta do to a tao am to rana meyyonong a jyavonas o akman sang a raraten.

Matay 16:24

Karahan am maniring si Yeso do macinanao jya am, “No amyan so tao a omonot jyaken am to na pangawawan o kataotao na a somabway no jyojika na macihza jyaken.

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Locya 1:6

Acyacilban na ni Ama ta do to am katenngan na sira meyyaven do vahay apiya so nakenakem a tao a omahap so inanao na sira ni Ama ta do to.

Yowani 14:30

Alikey rana o yako ipacikaop jinyo a macisirsiring jinyo. Ta yarana myan o yamimong no karawan. Am ji na harag yaken no oyowyat na.

Yowani 6:25

Makala da si Yeso no aro a tao do katovangan no rako a meybebneng a ranom am maniring sira jya am, “Mo Mangnanao, no kango kai mo do jya.”

Nimlivolivon 24:16

Am ori o ko ikakdekdeng a mahap so yapiya vazay do tangain ni Ama ta do to a kado tangain no tao.

Nimlivolivon 24:25

Karahan am ononongan na rana ni Pawlo jira a meyyaven do vahay o kapiya no icicirawat a omzat do onowned mangay do ikarateng no araraw na no ipeykapyapinpin na so tao ni Ama ta do to. Mamizing na ori ni Veydise am manyahey rana o onowned na. Maniring ji Pawlo am, “Angay rana. No ipanci ko imo am mai ka.”

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Loma 6:12

Am ori o ji nyo to amyapyai so kataotao nyo a italamozong no raraten. Ji nyo to ngonongonoci o marahet a onowned nyo.

Loma 6:19

Abo o makdeng a ciring ko jinyo, ta ko ihawa inyo a ji makateneng jya. No kakwa pa am ji nyo amzaci o onowned nyo. Am ori o ikarahet no vazay nyo. So ikanoyong nyo akma ney lamlamsoy no raraten. Am sicyaikwa rana ya am itoro nyo o kataotao nyo ji Ama ta do to a mahap so vazay na. Ta ori o ji nyo rana meylimotengi so onowned a lamlamsoy na ni Ama ta do to.

Loma 8:13

Ta no si to nyo mangozai o adan a onowned nyo am jyabo kaji nyo angayan do kararatan a. Am no si onotan nyo o Seyzi a komaro do raraten nyo am jyabo kaji nyo avyayan do teyngato a.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

Cyalatay 1:4

Si Yeso Kizisto am na pahawahen yaten do raraten do karawan. Am ori o na pangozayan do nakenakem na ni Ama ta do to a mawakwak no raraten ta.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Ivoso 1:4

No kaji na pa amaogan no karawan am nipamnekan na rana yaten ni Ama ta do to a monganay jya. Ta nikawakwak ni Yeso Kizisto o raraten ta. So ikanoyong ta abo rana so karatan do tangain na ni Ama ta do to. Na tey karilaw yaten ni Ama ta do to.

Ivoso 2:2

No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

Kelosi 1:22

Am sicyaikwaya am nikawakwak na rana yaten ni Yeso Kizisto a Anak na ni Ama ta do to. Am ori o yanyo rana ipacikaop ji Ama ta do to. O icyakman na sang am kakzeben na inyo a ji meylimoteng so onowned a abo so karatan do tangain na.

1 Tesalonicya 4:7

O na nipamnekan jyaten ni Ama ta do to am beken a mangay ta pasagpyanen o kataotao ta, ta kakzeben na yaten a ji meylimoteng so onowned.

1 Tesalonicya 4:9

O pasicyakarilawan nyo am tana ji namen mancyan do teygami am cyaha, ta amyan rana o nanao na ni Ama ta do to jinyo do kapasicyakarilawan nyo.

1 Timotay 4:12

Tana malavayo ka am apzatan mo o ciriciring mo a kano icicirawat mo a kano pangangarilawan mo so icyatatao mo. Akman sang o onowned mo. Ta peycitacittan da imo no omanoyong ji Yeso, kaji da rana ngolalai so ipangnanao mo.

1 Timotay 6:17

Pazimanen mo do aro so kangangay sicyaikwaya an, ta ji sira mapakazwazway. Ji da meyhanhanan o aro a apzapzatan da, ta ji da tenngi o kato na meyyonongan no nang a ikapya da. Ta si Ama ta do to o ipeyhanhan da yamanta nyaten so meycyamadadayan.

1 Timotay 6:9

O komakzeb so karo no nizpi da am makeykai sira kalittan, ta masanga sira no abo so angangayan a vazay a maozoz so nakenakem. O kapalit no akman sang am mangay sira do makotokotod a lila no apoy a mangay no makwa.

2 Timotay 3:12

Mamimin o macilolo ji Yeso Kizisto a mapeyvazay so nanao ni Ama ta do to a peyrarehten da.

2 Timotay 4:10

Ta na nikarwan rana yaken ni Temase a mangay do Tesalonicya, do kapyapya na pa so masaod no karawan. Si Keleseke rana am nimangay do Cyalatay. Si Tito am nimangay do Taarmatiya.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

Sipolay 8:11

Abo jira o manci nya do icyatatao da kano akma dey kakteh do cinai so kapanaralay da makateneng jyaken. Ta sira rana am tana kanakan a tana rarakeh am yatodamimin sira yamakateneng jyaken.

Yake 1:27

O ipanci na ni Ama ta do to a manoyong a omraralay nya tao am ji manginanahet do nimasbang a kano vao a mavakes a makapzat do onowned na, ji macikza do tao do karawan a meyraraten.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.

2 Pite 3:11

No si manoyong o kakman na sang a mabalinas no makakaday am makongo kamo so wanjin a tao. Am ori an, kakzan nyo no ji meylimoteng so onowned a tao a omraralay ni Ama ta do to,

1 Yowani 2:27

Am inyo am na rana nitoro jinyo ni Yeso Kizisto o Seyzi. No si myan jinyo o Seyzi am ji nyo na ngakdaya o nanao da no tao. Ta nanawen na inyo no Seyzi a ipakateneng nyo do makakaday a vazay. O inanao na jinyo no Seyzi am abo do dang malas. Onotan nyo o nanao no Seyzi. Ta ori o ikanoyong nyo a macikaop ji Kizisto.

1 Yowani 2:6

O tao rana manci no kapacikaop na ji Ama ta do to am inarahen na an o icicirawat ni Kizisto no keyyan na pa do teyrahem eya.

1 Yowani 5:19

Tamo katenngan o kapacikaop ta ji Ama ta do to. So ta pakatenngan do kapacikownongan da ji Satan no yaji manganoyong a tao do karawan.

Yota 1:18

Maniring sira jinyo am, “Do kavosan no karawan am amyan so tao a komolala si Ama ta do to a meykeykaming ninyo.”

Ipaziman 14:12

Inyo rana a omonot do ciriciring na ni Ama ta do to a ji na lilis so nakem ji Yeso a tao am makowyowyat kamo pa omraralay nya.