Tito 2:11 - Seysyo No Tao

¹¹ Peyvazain ta o yamakakaday ang. Ta yarana mapengkad o pangangarilawan na ni Ama ta do to a mapatazadang jyaten a tao do karawan.

Tito 2:11 ပူးပေါင်းရင်းမြစ်များ

Matay 28:19

Am ori o yangay nyo do peycyamahamahatawan na a mapanop so tao a omanoyong jyaken, a kahap nyo so ngaran ni Ama ta do to a kano Anak na kano Seyzi a tomaktak jira,

Make 16:15

Maniring si Yeso jira am, “Mangay kamo do peycyamahamahatawan na a meylimwang no Mapasaray a Ciriciring na ni Ama ta do to do tao do karawan.

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Locya 3:6

So ikamimin no tao a makacita so pangangarilawan na ni Ama ta do to an.’ ”

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 1:9

O zezak rana am manoyong a zezngang apo do teyngato a tomiray so tao do karawan.

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Nimlivolivon 13:43

Meysyasyay rana sira am aro tao a macilolo ji Pawlo a kani Parnapo. Ipait da sira a to ngotokot so nakem a meyhanhan ni Ama ta do to a yasomidong sira. Sira rana am tao do Yotay a kano beken a tao do Yotay a mahap rana so iwawalam no tao do Yotay.

Nimlivolivon 13:47

Ta yamyan so na nipakolivava rana jyamen ni Ama ta do to a ciring na. Maniring jyamen am, ‘Ko na nipamnekan inyo a akma dey zezngang no beken a tao do Yotay. Ipeylimwang nyo do peycyamahamahatawan na o kapatazadang ko sira do teyngato.’ ”

Nimlivolivon 17:30

No kaji da pa makatenngan ji Ama ta do to no tao am ji na naknakma o raraten da. Am sicyaikwaya am na ikakza o tao a yamamlis a komaro rana do peyraratenan da.

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Loma 10:18

Am o ko ipanci am manoyong o kaji da nimakamizngan sya no tao do Yotay so ciriciring na ni Kizisto? Jyabo da kajya nimakamizngan sya. Ta maniring do Seysyo am, “O ciriciring na am yada rana nipeylimwang do aro a tao do karawan. Yakman sang, ta yarana nimeylimwang do peycyamahamahatawan na.”

Loma 5:15

Ta si Adam rana am nimeyraraten. Am ori o nikapwan no ikawakwak no tao. Am si Yeso Kizisto am tey mangarilaw, ta nikawakwak na o raraten no tao. O akman sang a pangangarilawan na ni Ama ta do to a yana nitoro do aro a tao am yabo tonggal na.

Loma 5:2

O ta ikakman sang sicyaikwaya am pangangarilawan na ni Ama ta do to, do ta kapeyhanhan ni Kizisto. Am ori o ikasaray ta, ta katenngan ta o kahap na jyaten ni Ama ta do to do teyngato a macikasaray do azwazway na.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Cyalatay 2:21

Ko ji zazaci o pangangasyan na ni Ama ta do to. No si iwawalam na ni Moyse o abnekan na jyaken ni Ama ta do to a abo rana so raraten do tangain na am manngwa, abo saon o peypeypangayan no na kanimawakwak ni Kizisto am.”

Ivoso 2:8

Na nyahap inyo do peyraratenan nyo, ta nyo rana ipeyhanhan si Kizisto. O nyo ipakahap so sang am beken a oyowyat nyo, ta omagaz do pangangarilawan na ni Ama ta do to a na yazaw jinyo.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

Kelosi 1:6

Beken a inyoo o na peylimwangan no Mapasaray a Ciriciring na ni Ama ta do to, ta yarana nimeylimwang do peycyamahamahatawan na. So da rana ipamlis no tao. So da icyakman jinyo a yarana makateneng do pangangarilawan na ni Ama ta do to.

2 Tesalonicya 2:16

Na ikarilaw yaten ni Ama ta do to a kani Yeso Kizisto a Panirsirngen ta. O pangangarilawan na ni Ama ta do to am ori o yapwan no to meyyonong a sarasaray no onowned ta amnanala so nakem na jyaten.

1 Timotay 1:14

O Panirsirngen ta rana si Yeso Kizisto am yatey rako o pangangarilawan na a na nitoro jyaken a na kapanta pa nyaken so onowned ko a meyhanhan nya kano pangangarilawan ko so icyatatao ko, ta yako macikaop rana jya.

1 Timotay 2:4

Ta na ikakza o na kasidong so tao do karawan, kapakateneng da do manoyong a nanao.

2 Timotay 1:10

Yarana nimangononong o akman sang a na sidongan jyaten. Ta yarana nimeyhekas si Yeso Kizisto a yamapatazadang jyaten. Am ori o ji ta nyahei no kawakwak ta, ta amyan rana jyaten so to meyyonong a ikavyay no pahad ta. Ori rana am ipanci na jyaten do Mapasaray a Ciriciring na.

2 Timotay 4:17

Am si Ama ta do to o yamyan do katangked ko a somidong jyaken a manta nyaken so oyowyat ko a meylimwang no ciriciring na do beken a tao do Yotay a kavyay na pa jyaken no kavovo da jyaken a wakwaken.

Sipolay 12:15

Makapzat kamo, ta mapehes jinyo o pangangarilawan ni Ama ta do to. Makapzat kamo, ta amlida do onowned nyo o raraten nyo. Ta no meyparako ori am makangingit so tao a meyraraten.

Sipolay 2:9

Am o akman sang a vazay am nimangononong rana do mina katazak na tao ni Yeso a yamaveveveh pa kano tinsi. Am jya nimeyyonownay. Na pangozain ni Yeso o pangangasyan ni Ama ta do to so tao do karawan a mawakwak no raraten ta. So nipantan na nya ni Ama ta do to so azwazway na.