Tito 2:10 - Seysyo No Tao

¹⁰ Ji sira manakaw, ta ori o peyhanhanan da nira no mapeyvazay sira mahap so vazay na. No akman sang o makakaday a vazay a apiya am jyabo kaji da azwazwayan so nanao na ni Ama ta do to a mapatazadang jyaten do teyngato a.

Tito 2:10 ပူးပေါင်းရင်းမြစ်များ

Matay 24:45

“Sino ipeyhanhan a tey mapatak a lamlamsoy. Iya rana am ipeyhanhan no lawpan a omaponged no vahay na do kapeyyangangay na so isovo da kanen no karwan no lamlamsoy na.

Matay 5:16

Akman kamo so zezak ang a peycitacittan da no tao. So inaran nyo si Ama ta do to a tey yapya. Ta no si macita da inyo no tao a tey yapiya so ahahapan sya am admadmain da rana si Ama ta do to.

Locya 1:47

a manoyong a Tao do to, do yana mapatazadang jyaken do teyngato,

Locya 1:80

Makaveyvow rana o anak na ni Sacyadiya am meypakatkat o nakenakem na. Nimeyvahay do kabwan no nihakawan no tao a mangay do nipeytotwaw na rana mangnanao so Isedi a tao.

Locya 16:10

“O ji liklik so alikey a vazay a tao am ipeyhanhan o akman sang a mapeyvazay so rako a vazay. O ji ngezkezsang no alikey a vazay a kapangalalas na am ji meyhanhanan o akman sang a mapakavos so rako a vazay.

Yowani 12:6

To na mancyan ori am beken a meyngongyod o karilaw na no makasi a tao. Ta iya rana am manakaw a tao. Ta iya rana am masangib a tomakaw so italamozong na nizpi no kararay na.

1 Kedinto 4:2

O kakzeben no lawpan do lamlamsoy na am manoyong so onowned.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Veydipi 4:8

Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.

1 Timotay 1:1

Yaken rana am si Pawlo ko a lamlamsoy ni Ama ta do to a manoyong a mapatazadang jyaten do teyngato. Yana nipamnekan yaken ni Yeso Kizisto a omlivolivon no ciriciring na. So ikanoyong na ni Yeso Kizisto a hanhan ta.

1 Timotay 5:17

O tomalamozong rana no kyokay a tao a makateneng do ahahapan da so vazay da do kyokay a yamowyat a meylimwang no ciriciring na ni Ama ta do to a kano mateneng amnanao so sinjya am ikanig nyo sira, kapanta nyo nira so apyahen da no nakem.

1 Timotay 6:1

Omraralay ni Yeso a peylamsoin da am amizngen da o mapeylamsoy sira tao an. Ta ori o ji da rehrehci so ngaran na ni Ama ta do to a kano nanao na ni Ama ta do to.

1 Timotay 6:3

Ano amyan so tao a meylimwang no macisala do ciriciring na ni Yeso Kizisto a Panirsirngen ta, kapacitarek na do ipangnanao ta ciriciring na ni Ama ta do to am,

Tito 1:3

So peylimwangan no akman sang sicyaikwaya. Ori ko pangozayan do ngaran na ni Ama ta do to a nitomovoy jyaken a yameylimwang no akman sang a nanao na. Ta iya rana am mapatazadang jyaten do teyngato.

Tito 3:4

O ipakateneng ta do pangangarilawan na kano pangangasyan na ni Ama ta do to am

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Pite 3:16

Am panalawbowen nyo o nakem nyo a tomovis do akman sang a tao. Ji kamo meylimoteng so onowned a kanig da no mapanyanig jinyo, do kapiya no icicirawat nyo a omahap so nanao ni Kizisto.

2 Yowani 1:9

O ji ngahap so nanao ni Kizisto a mapasala jya tao am abo do onowned na si Ama ta do to. O mahap so nanao na ni Ama ta do to a tao am manoyong sira akma ney anak ni Ama ta do to a macikaop ji Yeso Kizisto.