Tito 1:7 - Seysyo No Tao

⁷ Ta o manoyong a yamahap so vazay na ni Ama ta do to a yatomalamozong no kyokay am abo o karatan na. Ta iya rana am ji mapahama so nakem. Jyaoyaoyahen. Ji mapeyvazay so keyyop so saki. Ji mamakbak so tao. Ji mangamkam so nizpi no icyatatao na.

Tito 1:7 ပူးပေါင်းရင်းမြစ်များ

Matay 24:45

“Sino ipeyhanhan a tey mapatak a lamlamsoy. Iya rana am ipeyhanhan no lawpan a omaponged no vahay na do kapeyyangangay na so isovo da kanen no karwan no lamlamsoy na.

Locya 12:42

Maniring si Yeso am, “Sino o ipeyhanhan a tey mapatak a lamlamsoy. Iya rana am ipeyhanhan no lawpan a omaponged no vahay na do kapeyyangangay na so isovo da kanen no karwan no lamlamsoy na.

Ivoso 5:18

Ji ta todasaki, ta makararahet so tao o akman sang. Apyapya pa o kakza ta no Seyzi a tomalamozong nyaten.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Tito 1:5

Nivezed ko imo do Kedite a pongso no kakwa, ta pakavosen mo pa o ji ta pa nipakavos a vazay a kapamnek mo pa do peycyeylilyan na so tomalamozong no kyokay a tao, akman so mina ciring ko jimo no kakwa pa.

Tito 2:3

Vavagan mo sira o rarakeh a mavakes a kapiya da so nakenakem. Ji sira manamwad. Ji da macikeyyani o saki. Ta naknakmen da o kapeycitacita da jira no malalavayo a mavavakes.

1 Pite 4:10

To ta mangozai o teneteneng a nitoro na jyaten ni Ama ta do to a somidong so tao.

1 Pite 5:2

Pakapyahen nyo sira nanawen o akma ney kagling ni Ama ta do to a yana nitoro jinyo a yaponged nyo. Am taosya o kasalit nyo so onowned a mapeyveyveken sira. Beken a no panizpin da inyo o ipeyvazay nyo. Ta manoyong o kasaray no onowned nyo a somidong sira.

2 Pite 2:10

Tarek pa sira o to mangozangozay do onowned da a ji mapanadnad so oyowyat ni Ama ta do to. Ta jyabo kaji nakdekdengan pa no pasingsingtan na jira. Pahamahen da o nakem da no malas so ipangnanao a tao a ji mapanadnad so tinsi na ni Ama ta do to.