Tito 1:2 - Seysyo No Tao

² O peypeypangayan na rana no nanao eya am ipakahap ta so to meyyonong a ikavyay no pahad ta. Manoyong o nipanci na a itoro na jyaten no kaji na pa mangamaogan so karawan. Ta si Ama ta do to rana am abo kalalasan na.

Tito 1:2 ပူးပေါင်းရင်းမြစ်များ

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Matay 25:46

O akman rana sang a tao am todangay no makwa o pasingsingtan jira. Am sira rana o ji meylimoteng so onowned a tao am mahap da o to meyyonong a ikavyay no pahad da.”

Make 10:17

To rana jyangay si Yeso am to ngyan so asa ka tao a malayo a mangay a meylilitod do tangain na. Maniring jya am, “Mo Mangnanao a tey yapya so nakenakem. Makongo ko so wanjin a kapakahap ko so to meyyonong a ikavyay no pahad ko.”

Make 10:30

arwaro pa o makadpeh jya do karawan a vahay na kano kakakteh na kano inyapwan na kano minapodpod jya kano nihakawan na. Am amyan so alalaw na do karawan. Am cyaha, ta mahap na no makwa o to meyyonong a ikavyay no pahad na.

Yowani 10:28

Ipanta ko sira so to meyyonong a ikavyay no pahad da. So ji rana meydednai jira no peyoyaoyyan na ni Ama ta do to. So ikabo no tao a makapehes sira do lima ko.

Yowani 17:2

Nitoro mo na o oyowyat jya a tomalamozong no tao do karawan. O icyakman na sang am itoro na o to meyyonong a ikavyay no pahad da no tao a nipamnekan mo a omanoyong jya.

Yowani 17:24

“Mo Ama, o mo nitoro jyaken a tao am inaoy si amyan sira do angayan ko. So ikanoyong da makacita so azwazway ko a nitoro mo jyaken. Ta nimanoma rana o aglaglaw mo jyaken no kaji na pa amaogan no karawan.

Yowani 5:39

O nyo ipeyvilang a Seysyo am nyo naknakmen o nyo kapakahap do dang so to meyyonong a ikavyay no pahad nyo. Am na malavat no Seysyo am yaken.

Yowani 6:54

O koman so kataotao ko a kano amyop so rala ko am amyan jira rana so to meyyonong a ikavyay no pahad da. No makaranes rana o araraw no kapeykapyapinpin na ni Ama ta do to so tao am peyvangonen ko sira.

Yowani 6:68

Maniring si Simong Pite am, “Mo Panirsirngen, imo saon na yanan no nanao no to meyyonong a ikavyay no pahad namen. Sino pa o pacilolwan namen.

Nimlivolivon 15:18

Ori rana am ciring na ni Ama ta do to a nipamizing na jira no kakwa pa.’ ”

Loma 1:2

O Mapasaray a Ciriciring na ni Ama ta do to am nipatwaw da no panoyonoywan na so ciring na do nivatvatkan da Seysyo no kakwa pa a omagaz do Anak na si Yeso Kizisto a Panirsirngen ta. No hapen do itetngehan ta do tao am iya o sivovoong na ni Tawey.

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

Loma 5:2

O ta ikakman sang sicyaikwaya am pangangarilawan na ni Ama ta do to, do ta kapeyhanhan ni Kizisto. Am ori o ikasaray ta, ta katenngan ta o kahap na jyaten ni Ama ta do to do teyngato a macikasaray do azwazway na.

Loma 5:21

No kakwa pa am niharag no raraten o tao do karawan. Am ori o ikamimin da mawakwak no tao. Am o pangangarilawan na ni Ama ta do to am na nitoro do meyhanhan nya tao. So ikamimin da rana vonasen na so raraten. So ipakahap da rana so to meyyonong a ikavyay no pahad da, do da kanoyong ji Yeso Kizisto a Panirsirngen ta.

Loma 5:4

Ta si myan rana so peyneynaran ta sya do alalaw ta am mowyat ta na so onowned a omnanala so itoro na jyaten ni Ama ta do to sarasaray ta,

Loma 6:23

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

1 Tesalonicya 2:15

Sira rana tao do Yotay am niwakwak da si Yeso a Panirsirngen ta kano aro a panoyonoywan na so ciring ni Ama ta do to a da kavozwaw pa jyamehen. So da ikanoyong a yameyraraten do tangain na ni Ama ta do to. So icyakma dey kavosoyan no tao do karawan.

1 Tesalonicya 5:8

No ta manoyong amyan do kazngangan am meytataziman ta an. O nakenakem ta ji Ama ta do to a kano pangangarilawan na am akma tey sirong. Akma tey sakop o jyagonay a onowned ta a mapanala sya mahap jyaten do teyngato. So ikabo rana no oyaoyyan na nyaten.

1 Timotay 6:12

Makowyowyat ka omahap so vazay na ni Yeso akman so macipalayolayo a komakzeb so kangay na do pacipanmanma na. Ji mo to nazibwan o nitoro na rana jimo a to meyyonong a ikavyay no pahad mo. Ta ori o na agagazan no na nipamnekan jimo ni Ama ta do to. So mo na nipeylimwangan no nang do tangain no aro a tao. So ikanoyong no akman sang.

1 Timotay 6:19

No si akman sira sang am akma dey peyparwen o peymeymasaodan da ji Ama ta do to a keyyan na pa no to meyyonong a ikavyay no pahad da.

2 Timotay 1:1

Yaken rana am si Pawlo ko a lamlamsoy na ni Ama ta do to a nipamnekan na ni Yeso Kizisto a omlivolivon no ciriciring na. Yaken rana am yako ipeylimwang o mina ciring na jyaten ni Kizisto a ipakahap ta so to meyyonong a ikavyay no pahad ta a omraralay nya.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

2 Timotay 2:13

Tana malas o onowned ta jya am jyablis o ciring na, ta ji na mamyapyan o kaji na mangononongan no ciring na.

2 Timotay 2:15

Makowyowyat ka pa do tangain na ni Ama ta do to a mapacita no kaji mo ablisan no nakenakem jya a abo so karatan a mahap so vazay na a mapatak a mangnanao no manoyong a nanao na.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Tito 2:7

Imo rana am tana makakaday o vazay mo am ji ka rahet so icicirawat an. Ta manakem mo o kapeycitacita da jimo no tao. Makapiya ka so nakenakem a omnanao sira an.

Tito 3:7

O pangangarilawan na ni Ama ta do to am ori o ikapya ta na so nakenakem jya, ta abwata rana o raraten ta do tangain na. So ikanoyong ta mapananala so kapakahap ta rana so to meyyonong a ikavyay no pahad ta.

1 Yowani 2:25

Ta o ipanci na jyaten a mahap ta ni Kizisto am to meyyonong a ikavyay no pahad ta.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

Yota 1:21

Ji nyo ngawawan do onowned nyo o pangangarilawan na ni Ama ta do to a meyhanhan ni Yeso Kizisto a Panirsirngen ta a marilaw ninyo a manta ninyo so to meyyonong a ikavyay no pahad nyo.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 17:8

O nimacita mo a omalalam am nimavyay pa no kakwa am yarana maliman sicyaikwaya. So ikakeykai na rana mai a apo do abo so takadan a gazawagaw a jyatenngi so karaherahem a meypangay do kararatan a ipasingkad na sya ni Ama ta do to. O tao do teyrahem a jidket so ngaran do vakong a yanan na rana no to meyyonong a ikavyay no pahad da no kaji na pa amaogan no karawan am mamimin sira malak no omalalam a nimavyay pa no kakwa yarana maliman sicyaikwaya. So ikanoyong da malak nya no meytotwaw no makwa.