Tito 1:12 - Seysyo No Tao

¹² Amyan so nipanci no asa ka meynakem a tao do Kedite no kakwa. Maniring ori am, “Sira mamimin o tao do Kedite a yamangalalas. So da ikatey manginanawa. Yatey malma sira. Da kakan so yada naknakmen.”

Tito 1:12 ပူးပေါင်းရင်းမြစ်များ

Nimlivolivon 17:28

Ta maniring o asa ka tao am, ‘Iya o yapwan no inawan ta do karawan a yaomzat jyaten.’ Maniring pa sira o mateneng a tao a macikeylyan jinyo am, ‘Yaten rana am akma ney anak yaten.’

Nimlivolivon 2:11

Amyan jyaten eya so yapo do Kedite a kado Alapo. Am ikongo da todamimini a yamakateneng do aro a ciriciring ta a yamanci no yamapeyzokab a vazay ni Ama ta do to!”

Nimlivolivon 27:12

No ahemyan am masakboz na o minato ang. Am ori o to da lovoci no tao no avang a manci no kapasongay so avang, ta tey kakza da o kapakaranes da do Venici do Kedite a pongso. Ta tey meymatek o minato do dang a nanalan da so kapiya rana no kakawan.

Nimlivolivon 27:13

No kano nang am nimehteng pa. Am ori o ningingitan namen so ipanenbong namen a mangay rana. Am to namen paninida o avang namen do Kedite a pongso.

Nimlivolivon 27:7

O avang rana ori am tey mapakeh a somongay. Am ori o nikahay namen a makaranes do Kenito, ta ji namen a sangoz o pagpag. Am ori o mina to namen meyhavasi do Kedite a pongso a to namen paninida o avang do kehtengan na. Mownay am makaranes namen rana do kananayan do Samoni.

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

Veydipi 3:19

O mapeyvazay so sang a tao am mangay sira do kararatan. Ta o isovo da kanen o da naknakmen. Da azwazwain o yamacimanig a vazay. Da ji ngawawan o kasasaodan da do karawan.

1 Timotay 4:2

O somala a nanao am apo do manlita tao. Sira rana am abwata rana o apya nakenakem da a somengseng do marahet a vazay.

Tito 1:5

Nivezed ko imo do Kedite a pongso no kakwa, ta pakavosen mo pa o ji ta pa nipakavos a vazay a kapamnek mo pa do peycyeylilyan na so tomalamozong no kyokay a tao, akman so mina ciring ko jimo no kakwa pa.

2 Pite 2:12

Am o malas so ipangnanao a tao am sya akmey omalalam a yaji makateneng do kasnekan da a yamapananala so omwakwak sira a tao. Da ikazyak o yada jyatenngi a vazay. So ikanoyong na mangay jira no peyoyaoyyan na ni Ama ta do to,

2 Pite 2:15

Da peymakarwan o apiya rarahan. So da ikanoyong a yamavozaw a yaominara so anak ni Peyley a meyngaran so Palang. Iya rana am ikeykakza na pa o keyyan no nizpi na, ji na ngezsangan o kapeyraraten na.