Tito 1:10 - Seysyo No Tao

¹⁰ Ta yaro o tao a yaji manganoyong a yamapeyzavozavoz so ciring da a omalalas do manoyong a nanao. Da ipanci o beken a tao do Yotay a amyongkad do kataotao.

Tito 1:10 ပူးပေါင်းရင်းမြစ်များ

Matay 23:14

[To kamo makasi an. Nyo littan o vao a mavakes a yahapen so kangangay. Nyo to ngida o inozi nyo a to napyapya so nakem. So ikanoyong nyo a peydednan no rako a peyoyaoyyan na ni Ama ta do to.]

Nimlivolivon 11:2

Meysinaoli si Pite do Yelosaleng am nioya da no tey makdeng a omahap so iwawalam da no tao do Yotay.

Nimlivolivon 15:1

Amyan so tao a apo do Yotay a nimai do Antia a omnanao so sinjya do dang. Maniring sira am, “No si ji nyo mangozai o iwawalam na ni Moyse a amyongkad do kataotao nyo a meyngongyod a Isedi am ji na patazadanga inyo ni Ama ta do to do teyngato.”

Nimlivolivon 15:24

Namen nimamizing sira o yatatasa ka tao a mangononong so malas a yanyo ikarahet so onowned. Am yabo o asa ka tao a namen nitovoy.

Nimlivolivon 20:29

Ta ko katenngan si karwan ko rana inyo am amyan so mangalalas a tao a mai a omnanao jinyo a mapeycyakawad jinyo a amraralay ni Yeso a tao.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Cyalatay 3:1

Inyo rana abwata so kapsepsekan a tao do Cyalatay am yamanoyong na kanidomket ni Yeso Kizisto do jyojika. Am sinosino yamapeykawaw jinyo. Manngwa, kamo mavota saon?

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

1 Timotay 1:4

Ta peymakarwan da rana o abo so angangayan a kavavatanen a kano katatapilan no ineynapo da a ononongan da. Ta o akman rana sang am mapeyliliman. So ji na makasidongi so tao a makateneng do vazay na ni Ama ta do to. Ta no anoyngan ta am ori o ipakateneng ta jya.

1 Timotay 1:6

Ta yamyan so tao a yaji ngonot jya. So da ikanoyong a yanisomala do manoyong a nanao a da kaononong do abo so peypeypangayan a ciriciring da.

1 Timotay 1:9

Am ori o naknakman ta sya an. Ta o iwawalam rana ni Moyse am beken a isidong so apya so nakenakem a tao an. Ta o marahet so nakenakem am ori o cinamaog na a izazat do marahet a vazay da. O ipanci da marahet so nakenakem a tao a kano ji mangozay do iwawalam na ni Moyse am ji ngahap so nanao, ji raralay ni Ama ta do to, meyraraten, komolala so ipeylimwang da ciriciring na ni Ama ta do to, makza no marahet a icicirawat no tao do karawan, manwakwak so inyapwan a kano icyatatao,

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

2 Timotay 4:4

So bengbengan da so cicilwan da ji ngamizing so manoyong a nanao a kamizing da so nipapo no tao a kavavatanen.

Tito 1:6

O tomalamozong rana no kyokay am abwata o karatan na. Asa o kahanghangan na. O ananak na am mamimin sira omanoyong ji Yeso. Abwata o iraherahet da sira no tao a kamizing da so ciring no inyapwan da.

Yake 1:26

No myan so tao a mapakakdekdeng so nakem ji Ama ta do to a kaji na amzatan do ciring na am alalasan na o kataotao na. So ikabo no peypeypangayan na no kararalay na ni Ama ta do to.

1 Yowani 2:18

Manga ovay, yarana makeykai o na pangavosan no karawan. Nimamizing nyo na o na kai no Omalalas ji Kizisto a tao. So yada ikanoyong no omalalas ji Kizisto a yarana meytotwaw. O vazay rana ori am ipakateneng ta na do kasngen na rana no pangavosan no karawan.

1 Yowani 2:4

No amyan so tao a manci no kapakateneng na jya kaji na ngonotan do ciring na am mangalalas o akman sang a tao, do kaji na mangozayan jya peyvazain so nanao na ni Ama ta do to a nimamizing na.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.

Ipaziman 2:14

Am yamyan pa so yako oyyan ninyo. Yamyan jinyo so yana nicirara ni Palang a yaomonot do nanao ni Palake. Si Palang am yamanci no Isedi a tao a meyraraten a nikoman so mina pazos da so malas a iraralay da a da kapasagpyan so aktokto da.

Ipaziman 2:6

Am yasa o yanyo kapyan, ta yakamo akman jyaken a yamaoya no iwawalam no Nikela tao.