Tito 1:1 - Seysyo No Tao

¹ Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

Tito 1:1 ပူးပေါင်းရင်းမြစ်များ

Locya 18:7

Manngwa, ji na amiznga ni Ama ta do to o meyhanhan nya mapasyasi jya do araraw a kado ahehep? Manngwa, peypananayan na sira sidongen?

Nimlivolivon 13:48

Mamizing da no beken a tao do Yotay am masaray sira. Ori o nyazwazwayan da so ciring na ni Ama ta do to. Sira rana aro a tao am nakenakem na ni Ama ta do to o kapamnek na jira a mahap so to meyyonong a ikavyay no pahad da, do kanoyong da rana ji Yeso.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

Ivoso 2:8

Na nyahap inyo do peyraratenan nyo, ta nyo rana ipeyhanhan si Kizisto. O nyo ipakahap so sang am beken a oyowyat nyo, ta omagaz do pangangarilawan na ni Ama ta do to a na yazaw jinyo.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Kelosi 2:2

O ko ikakman sang am ko kakzeben o kasaray nyo so onowned a masicyakarilaw. So ikapinpin na no nang a ko tey kakza inyo a manoyong rana makateneng do nanao ni Ama ta do to a omagaz ji Kizisto.

1 Timotay 2:4

Ta na ikakza o na kasidong so tao do karawan, kapakateneng da do manoyong a nanao.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Timotay 6:3

Ano amyan so tao a meylimwang no macisala do ciriciring na ni Yeso Kizisto a Panirsirngen ta, kapacitarek na do ipangnanao ta ciriciring na ni Ama ta do to am,

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

2 Timotay 2:23

Ji nyo ngahapa o malas a ciriciring a ipacinekanekad nyo. Ta katenngan mo o akman sang a vazay a mapeyliliman.

2 Timotay 2:25

No akman sang o inanao na so ji ngahap so nanao a tao am ala ipanta na sira ni Ama ta do to so ipamlis da so nakenakem, kapakateneng da rana do manoyong a nanao na ni Ama ta do to.

Yake 1:1

Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.

2 Pite 1:3

Na rana nipazanod yaten ni Ama ta do to no oyowyat na, akma ney anak do karawan. Am ori o ji tamo meylimotengi so onowned do araraw. O tamo ipakahap so sang am yaomagaz do tamo rana kapakateneng ji Ama ta do to a yanimapanop jyaten a yamapazanod jyaten do inawan na kano azwazway na ni Ama ta do to,

2 Pite 3:11

No si manoyong o kakman na sang a mabalinas no makakaday am makongo kamo so wanjin a tao. Am ori an, kakzan nyo no ji meylimoteng so onowned a tao a omraralay ni Ama ta do to,

1 Yowani 2:23

O ji nganoyong do Anak ni Ama ta do to am akman sang si Ama ta do to a ji da nganoyngi. Omanoyong do Anak ni Ama ta do to am akman sang si Ama ta do to a anoyngan da.

Ipaziman 1:1

O vakong rana ya am na adketan no nipatwaw ni Yeso Kizisto a vazay. O na nitorwan nya jya ni Ama ta do to so akman sang a vazay am mangay na ipanci do aro a lamlamsoy na o yarana makeykai a makaranes a vazay. Si Kizisto rana am nimapahanhan so tinsi a mangay mapacita no aro a vazay eya do lamlamsoy na si Yowani.