Sipolay 12:28 - Seysyo No Tao

²⁸ Am ori o sarayan ta no to meyyonong a ji rana gonagonay a italamozong na ni Ama ta do to a yanan ta do teyngato. To ta mangozai o isaray na ni Ama ta do to a peyvazain, kowyat ta amraralay nya.

Sipolay 12:28 ပူးပေါင်းရင်းမြစ်များ

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Locya 1:33

So peypanirsirngan da sya no sivosivovoong na ni Yakebo mangay no kaidan no karawan. So ikabo na no tao a makataha sya panirsirngen.”

Loma 11:20

Jyabo na kalalasan no ciring nyo a. O yada polcingan sya am sira ji manganoyong o tao do Yotay. Inyo am apya kamo, ta kamo manganoyong. Am ko ipanci jinyo am ji kamo mapahama so nakenakem an. Ta manginanawa kamo.

Ivoso 1:6

So ikanoyong ta somaray no akman sang a pangangarilawan na ni Ama ta do to, do na kabo no ngina na no Anak na, na to norwan jyaten.

Ivoso 5:10

Naknakmen nyo o kahap nyo so apiya vazay a isaray na ni Yeso Kizisto a Panirsirngen ta. Ta ori o ahapen nyo.

Veydipi 4:18

O nyo nyazaw jyaken a apzapzatan am ko na nimamimin a yanimahap. So ko to meypanpani jya. Si Ipaloti a akma tey kakteh am ori o yanimai no aro a azaw ko. So na sarayan nya ni Ama ta do to so akma nyoy nakem jya.

Sipolay 10:19

Manga kakteh, o peypeypangayan no cinawakwak na ni Yeso am ipakateneng ta do kaji ta rana vokahawan a mangay do tangain ni Ama ta do to.

Sipolay 13:15

Am ori o ipangday ta so araraw a somaray ni Ama ta do to a nitomovoy si Yeso a nimangay mawakwak nyaten. O itoro ta ji Ama ta do to am apya anwanood ta a idmadmay ta sya.

Sipolay 13:21

Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Sipolay 4:16

Am ori an, ji tamo a mogawi a omasngen do tangain ni Ama ta do to a omahap so itoro na jyaten a pangangasyan na kano pangangarilawan na a isidong ta so kataotao ta no makasazi ta so alalaw ta.

Sipolay 5:7

No keyyan na pa ni Yeso do karawan am nimlolos a mapasyasi ji Ama ta do to a mapatastas sya do kawakwakan na. So niiteng no kaoo na mapasyasi ji Ama ta do to. Ikongo do nipehbo na o kataotao na, am ori o nyamizngan na sya ni Ama ta do to so ciring na.

1 Pite 1:17

No kamo meynozi am nyo abneken si Ama ta do to a Ama nyo. Iya rana am ji mapeycyakaban a yamanita so mina vazay no tao. Am ori o panadnadan nyo sya an, do iyan nyo pa do karawan.

1 Pite 2:20

No si kalasan mo o bakbakan da jimo a kato mo liliwan sya am cyaha, ta kalasan mo o akman sang. Am no abo o kalasan mo a kato da oyyan nimo a kato mo peykabobwan sya am cyaha, ta isaray na o akman sang ni Ama ta do to.

1 Pite 2:5

Inyo rana a tao a na yanan no to meyyonong a ikavyay no pahad nyo am itoro nyo o kataotao nyo ji Ama ta do to. So icyakma nyoy vato a ipatnek na so panaralayan. So nyo icyakmey mapatanatanang so nakem ji Ama ta do to. Am o patanangen nyo am sarasaray nyo. So sarayan na nya jinyo ni Ama ta do to so akman sang a nakem nyo sya, ta kamo na macikaop ji Yeso Kizisto a na rana yanan no Seyzi.

Ipaziman 1:6

Na nipamnekan yaten ni Yeso a to ngonongonong do kangay ta do tangain na ni Ama ta do to a omraralay nya. Inaoy si omaing o azwazway a kano oyowyat ji Yeso Kizisto a mangay do kaidan no karawan. Amin.

Ipaziman 15:4

Mo Panirsirngen, sino makadket jimo a ji raralayan. Sino ji nganood so ngaran mo. Imo saon o ji meylimoteng so onowned a Tao do to am. So ikamimin no tao do peycyamahamahatawan na a mangay do tangain mo a omraralay nimo. Ta yarana nimamimin o tao a yarana nimeymatamata do iwawalam mo a yaji mapeycyakaban so tao.”

Ipaziman 5:10

Imo yada nipamlis a yada to ngonongonongi do kangay da do tangain na ni Ama ta do to a amraralay nya. So talamozongan da no teyrahem no makwa.”