Nimlivolivon 9:40 - Seysyo No Tao

⁴⁰ Karahan am powboten na sira ni Pite a kapeylilitod na meynozi a somazap so kataotao na ni Tapitay. Maniring am, “Mo Tapitay, peyvangon rana.” Meyratateng am meyvezezeng o mata na a makacita si Pite kapeyvangon na rana amlisna.

Nimlivolivon 9:40 ပူးပေါင်းရင်းမြစ်များ

Matay 6:6

No meynozi kamo am somdep kamo do vahay a kapangneb nyo a mapasyasi ji Ama ta do to. Ta iya o makacita jinyo do sahad no vahay nyo. So amizngan na jinyo.

Matay 9:25

Makarahan am powboten na sira ni Yeso o aro a tao. Somdep si Yeso do itkehan na no kanakan a kahap na so lima na a kapeyvangon na rana.

Make 9:25

Macita ni Yeso o aro a tao a mangay omlimot sya am maniring do kalamsoyan ni Satan am, “Imo rana a na ikateleh a kalamsoyan ni Satan am yako imo sirsirngen a ji ka na meyyahahay a komaro do kataotao no kanakan. So ji mo na peyneynami so kapeysinaoli mo.”

Locya 22:41

Meyratateng am karwan na sira ni Yeso so kabneng no keytan so karairai a kapeylilitod na meynozi.

Locya 8:54

Meyratateng am pinanan na o lima na kalolos na manci no, “Mo ovay, peyvangon rana.”

Nimlivolivon 20:36

Teyka na ori a ciring ni Pawlo am mamimin sira meylilitod a meynozi.

Nimlivolivon 21:5

Karwan namen rana sira am macihza sira jyamen o sinjya a kapalolo da so katovong da do vahay a kano anak da mangay a tomaitaid jyamen. So nikalovot namen a meylilitod do pasalan a meynozi ji Ama ta do to,

Nimlivolivon 28:8

No kanang am nimeyngen o velek na ni ama na ni Popaydi a kapeyingwat na pa sya. Mangay jya si Pawlo am paoptahen na o lima na do kataotao na a meynozi nya. Ori o nikapya na rana.

Nimlivolivon 7:60

a kapeylilitod na amlolos. Maniring am, “Mo Panirsirngen, ji mo naknakma o raraten da jyaken an.” Teyka na ipanci am mawakwak rana.