Nimlivolivon 9:39 - Seysyo No Tao

³⁹ So nipacihza da rana ji Pite a mangay do Dita. Makaranes sira am yangay da do kavava no vahay na ni Tapitay. So nikamimin da no vao a mavakes amlimot sya amlavi a mapacita no nitapang na ni Tapitay a ayob da no kapeyigegen na pa do karawan.

Nimlivolivon 9:39 ပူးပေါင်းရင်းမြစ်များ

Matay 17:17

Maniring si Yeso am, “Kamo tey yalikey pa so nakenakem ji Ama ta do to a tao sicyaikwaya do yanyo kapeyraraten. Akman rana so wanjin o kownownay ko a macikaop jinyo. Akman ko rana so wanjin a marilaw ninyo. Ayyan kamo o kanakan do jya.”

Matay 26:11

Ta yamasangib sira o makasi a tao a yamacikaop jinyo. So ji na salici jinyo no kasidong nyo sira. Am yaken am ko jyasangib, ta yalikey rana o ipacikaop ko jinyo.

Make 14:8

Am iya rana am na paminmindan rana ya no nakem na jyaken an, a yamapaglo do kataotao ko so yamahangno a haneng. Ta ori rana am yavat na ori do bobwan da jyaken.

Locya 24:44

Meyratateng am maniring jira si Yeso am, “O aro a vazay rana ya am nimalavat ko na jinyo no kakwa pa. O nivatvatkan ni Moyse a kano panoyonoywan na so ciring ni Ama ta do to a kano nivatvatkan a Anwanood a yaomagaz jyaken am yarana nimangononong.”

Yowani 12:8

Yamasangib sira o makasi a tao a yamacikaop jinyo. Am yaken am yalikey rana ipacikaop ko jinyo.”

Yowani 17:12

No kapacikaop ko pa jira am nipzatan ko sira no oyowyat mo a nitoro mo jyaken. So ikabo no asa ka tao jira nimavozaw, do kapzat ko jira. Am o manazang nyaken a tao am nidomket rana do Seysyo o kapeyparaherahet na.

Nimlivolivon 1:13

Makaranes sira do Yelosaleng am somdep rana sira do kavava no vahay a peyvahayan da. Sira rana am si Pite a kani Yowani a kani Yake a kani Antele a kani Veydipo a kani Tomase a kani Patolomaw a kani Matay a kano anak na ni Alevey a si Yake a kano ipanci da macikagom do macioya do Loma a meyngaran so Simong a kano anak na ni Yake a si Yota.

Nimlivolivon 20:35

Am ori o inaran nyo jyaken an. So ipakowyat nyo a meyvazay an. Ta ori o ipakasidong nyo so ji makahakaw a tao. Manakem nyo o mina ciring na jyaten ni Yeso a Panirsirngen ta. Ta maniring si Yeso am, ‘Rakorako pa o sarasaray no onowned no mangazaw a kano azawen da tao.’ ”

Nimlivolivon 6:1

No kanang rana am meyparo sira omraralay ni Yeso. Am amyan so tao do Yotay a mapeyciring so ciring da no Sila a meyoyaoya. Ta ikarahet da sira o tao do Yotay a mapeyciring so ciring da no Sipolay. Ta ano meyvonong sira so isidong da sira am ji da pa vononga sira o vao a mavakes a meyzezyak so ciring da no tao do Sila.

Nimlivolivon 9:41

Am ori o nyalakan na so lima na ni Pite a patanken a kapanci na no aro a vao a mavakes a kano karwan da omraralay ni Yeso a somdep rana. So nipakacittan da rana si Tapitay a nimirwa a mavyay.

2 Kedinto 8:12

No si manoyong kamo so onowned no meykingking kamo am jyabo kaji na narayan ninyo ni Ama ta do to a. Ta o kakzeben na jinyo ni Ama ta do to am beken a karo na, ta o myamyan jinyo.

Ivoso 4:28

O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

1 Tesalonicya 4:13

Manga kakteh, o nimawakwak rana tao am inaoy no si katenngan nyo o peypeypangayan na a kaji nyo na zababan so onowned. Ji nyo nginarai o yaji manaralay a tao a yaji makateneng do peypeypangayan na.

1 Timotay 5:3

O vao rana mavakes a abo so mapeylamnay sira am peyveyveknen nyo sira an.

1 Timotay 5:5

O vao a mavakes rana abwata so mapeylamnay sya am ipeyhanhan na si Ama ta do to kapangday na meynozi do maraw a kano mahep a mapasyasi jya somidong sya.

1 Yowani 3:18

Manga ovay, taosya o ciring so pangangarilawan an. Ta o manoyong a pangarilawan na am macita do icicirawat na o panidongan na so tao.