Nimlivolivon 9:27 - Seysyo No Tao

²⁷ Am kanisomidong na sya ni Parnapo a mangay tomita so nipamnekan ni Yeso a omlivolivon no ciriciring na a kapanci na nya jira so mina kapakacita na ni Sawlo si Yeso do rarahan a nisomirisiring sya a kapanci na pa nya jira so kaji na mogawan ni Sawlo a meylimwang ni Yeso do Tamaseke.

Nimlivolivon 9:27 ပူးပေါင်းရင်းမြစ်များ

Nimlivolivon 11:22

Mamizing da no omraralay ni Yeso do Yelosaleng o akman sang a vazay am tovoin da si Parnapo a mangay do Antia.

Nimlivolivon 11:25

Meyratateng am mangay rana si Parnapo do Tasose a komala si Sawlo.

Nimlivolivon 12:25

Mateyka da rana o vazay da da Parnapo a kani Sawlo do Yelosaleng am palolwen da si Yowani Make a kapeysinaoli da do Antia.

Nimlivolivon 13:2

No kararalay da ni Ama ta do to a ji mangakaday am maniring jira o Seyzi am, “Pamnekan nyo si Parnapo a kani Sawlo a mapeyvazay so vazay ko.”

Nimlivolivon 15:2

Si Pawlo a kani Parnapo am nimakdeng sira nimacigalagal jira do akman sang a malas a nanao. Am ori o nipamnekan da ji Pawlo a kani Parnapo a kano tatasa ka sinjya a mangay do Yelosaleng a macisirsiring nya do nipamnekan ni Yeso a omlivolivon no ciriciring na kano panipanirsirngen do kyokay.

Nimlivolivon 4:13

Macita da no panipanirsirngen do peykeykaygyan si Pite a kani Yowani a mowyat so onowned am manakem da rana sira todna ka tao a jya nimeyvatvatek. Am ori o nipeyzokaban da nira. Meyratateng am katovilan da rana sira nimacilocilolo ji Yeso.

Nimlivolivon 4:29

Am ori o pakatenngan mo jira so onowned a yaomalalaw jyamen. So sidongan mo jyamen, mo Panirsirngen a mahap so vazay mo a kaji namen a mogawan a meylimwang no ciriciring mo.

Nimlivolivon 4:36

Akman sang o vazay na no asa ka Diwey a tao do Saypolose a pongso a meyngaran so Yoseyvo. O ingaran da jya no nipamnekan na ni Yeso a omlivolivon no ciriciring na am si Parnapo. O peypeypangayan no ngaran na ori am “Mapayyait so nakenakem.”

Nimlivolivon 9:17

Am ori o nyangay na rana ni Ananiya. Somdep rana do vahay am paoptahen na o lima na do kataotao na ni Sawlo. Maniring am, “Mo kakteh, o mo nimacita do rarahan a Panirsirngen ta si Yeso am na nitovoy yaken a mai a tomazogaw nimo. Ta kakzeben na imo a makacita rana a italamozong no Seyzi.”

Nimlivolivon 9:29

No kanang am nimacisirsiring a kapacinekanekad na do tao do Yotay a meyzezyak so ciring da no tao do Sila. Am naknakmen da o kazakat da si Sawlo.

1 Kedinto 15:8

Ney manowji na am mapacita jyaken. So yako ipacipanownowji a niomanoyong ji Yeso.

1 Kedinto 9:6

Manngwa, abo nakenakem nyo jyamen si Parnapo a yamnanao jinyo no ciriciring na ni Ama ta do to a kato namen ngonongonongan do kahakakaw namen a amyaw so velek namen?

Cyalatay 2:13

Macita da no karwan da no tao do Yotay si Pite a akmey jya nikoman am to da nginara si Pite. So nikakman na sang ni Parnapo.

Cyalatay 2:9

Am katenngan da no panipanirsirngen do kyokay a si Yake a kani Pite a kani Yowani o ka yaken na no nipanta na ni Ama ta do to so oyowyat a meylimwang no Mapasaray a Ciriciring na do beken a tao do Yotay am isaray da yaken a kani Parnapo. Am ori o mina to da macipanadngi jyamen a meylimwang no Mapasaray a Ciriciring na ni Ama ta do to do beken a tao do Yotay. Am sira am to sira tarek a mapamizing so tao do Yotay.