Nimlivolivon 9:17 - Seysyo No Tao

¹⁷ Am ori o nyangay na rana ni Ananiya. Somdep rana do vahay am paoptahen na o lima na do kataotao na ni Sawlo. Maniring am, “Mo kakteh, o mo nimacita do rarahan a Panirsirngen ta si Yeso am na nitovoy yaken a mai a tomazogaw nimo. Ta kakzeben na imo a makacita rana a italamozong no Seyzi.”

Nimlivolivon 9:17 ပူးပေါင်းရင်းမြစ်များ

Matay 19:13

Amyan so tao a mangay no kanakan do tangain ni Yeso a komakzeb so kapanlanlag na nira ni Yeso a meynozi nira. Macita da sira no macinanao jya am azahen da sira ioya.

Make 5:23

Maniring am, “Yatey makdeng o ingingnen no anak ko a mavakes. Mangay mo pa parapongen o lima mo jya keywakwak mo jya kapya na rana.”

Make 6:5

Am ori o ji na nimapeyvazai so mapeyzokab a vazay do ili da. So nikapereh no tao a niparapongan na so lima na a omiwakwak jira.

Locya 1:41

Mamizing na ni Idisapay si Madiya am mina to meygonagonay o alavaten na a kowyat na ji Idisapay no Seyzi.

Locya 1:67

So nioyatan na ji Sacyadiya no Seyzi na ni Ama ta do to a manci no,

Locya 1:76

Imo rana manganako am abneken da rana imo a manoyonoyo so ciriciring no ney manokdwan na Tao do to an. Ta imo rana am manmanma ka mapaziman sya do tao so kai na no Panirsirngen ta.

Locya 15:30

Am si wari rana am yana nipeyvwak o kangangay mo do na peyvozawan. Yameysinaoli am yamo ipangap so ney yapiya na vinyay ta.’

Locya 15:32

Am si wari mo rana am yakmey nimawakwak a na kavyay an. Yakmey yanimabo a apzapzatan a na kapeytotwaw rana an. Am ori o ji na alasi no kasaray ta nya an.’ ”

Locya 2:11

Sicyaraw rana ya am yanimatazak a tao o asa ka Panirsirngen nyo do karawan eya do ili ni Tawey. Iya rana am si Kizisto a mapatazadang jinyo do teyngato.

Nimlivolivon 10:36

Nyo katenngan rana o Mapasaray a Ciriciring na ni Ama ta do to a nipeylimwang na jyamen a Isedi a tao. Ori rana am na ipanta yaten so ikapiya no onowned ta. So ikabo na rana no oyyan na nyaten ni Ama ta do to, ta nitovoy na si Yeso Kizisto a Panirsirngen no tao do peycyamahamahatawan na.

Nimlivolivon 13:3

Mateyka sira meynozi a ji mangakaday am paoptahen da o lima da ji Parnapo a kani Sawlo a ipowyat da sira do vazay da katovoy da rana sira mangay do peycyeylilyan na.

Nimlivolivon 13:52

Masasaray sira o amraralay ni Yeso a tao do Antia do kowyat na jira no Seyzi.

Nimlivolivon 19:6

kakadain na sira paoptan na so lima na ni Pawlo. Karahan am meydedna jira o Seyzi. So nipeyzezyak da so matarek a ciriciring no Seyzi a kapeylimwang da no ciriciring na ni Ama ta do to.

Nimlivolivon 2:4

Am ori o nioyatan na jira no Seyzi a kapanci da no meycyataretarek a ciriciring do kowyat na jira no Seyzi.

Nimlivolivon 21:20

Mamizing da no akma nameney kakteh do cinai am isaray da ji Ama ta do to. Am maniring sira ji Pawlo am, “Mo kakteh, do namen naknakman sya am ala sira rana amlaksa o tao a omanoyong ji Yeso Kizisto a tao do Yotay. Sira rana ori am makdeng sira mahap so iwawalam na ni Moyse.

Nimlivolivon 26:15

Maniring ko jya am, ‘Mo Panirsirngen, sino ka.’ Maniring am, ‘Yaken rana am si Yeso ko a mo pakakasin.

Nimlivolivon 4:31

Mateyka sira meynozi am todagoyogoyon o peynozyan da a kamimin da nioyatan no Seyzi. Ori o nikowyat da a meylimwang no ciriciring na ni Ama ta do to. Ori ji da rana mogawi.

Nimlivolivon 6:6

So nipancyan da nira meytatanek do tangain da no nipamnekan ni Yeso a omlivolivon no ciriciring na a meynozi nira maparapong so lima da jira ipowyat da sira do akman sang a vazay da.

Nimlivolivon 8:17

Am ori o nipaoptan da jira so lima da da Pite a kani Yowani a ipanlanlag da. Ori o niyan na rana jira no Seyzi.

Nimlivolivon 9:18

Mamizing na ni Sawlo o ciring na am mina todakas do mata na o akmey isis no among. So nipakacita na rana. Am ori o nipeyvangon na rana kataktak da jya.

Loma 15:7

Makapya kamo so nakenakem do kadwan jinyo. Ta yakman sang si Yeso Kizisto a apya so nakenakem jyaten. Ta ori sarayan da ni Ama ta do to no tao.

1 Kedinto 15:47

O ney manma na tao a si Adam am nyamaog na ni Ama ta do to no tana. O manowji a Adam am si Kizisto. Iya rana am nimapo do teyngato.

1 Kedinto 15:8

Ney manowji na am mapacita jyaken. So yako ipacipanownowji a niomanoyong ji Yeso.

1 Kedinto 9:1

Jyabo kato ko ngonongonongan do vazay ko a, ta na nipamnekan yaken ni Kizisto amlivolivon no ciriciring na. Manngwa, ko jya nimacita si Yeso a Panirsirngen ta? Manngwa, beken a inyo na kakownongan no vazay ko ji Yeso?

1 Timotay 4:14

Ji mo to nazibwan o oyowyat na jimo no Seyzi a tomalamozong no kyokay. Ta ori rana am nitoro na jimo do kanimanlanlag da nimo no lima da ipeynozi no tomalamozong no kyokay, do mina kapamnek da jimo a mapeyvazay eya.

1 Timotay 5:22

Ji mo to minaknakman o kapamnek mo so tomalamozong no kyokay, ta citahen mo pa o iwawalam na, do kapya na, karahet na. Ta no si myan so raraten na am macilovot ka dang. Ji mo ablisi o apiya nakenakem mo.

2 Timotay 1:6

Am ori o yako pancyan nya jimo, makowyat ka meyvazay an. Ta naknakmen mo o oyowyat a nitoro na jimo ni Ama ta do to no kaparapong ko so lima ko jimo a ipeynozi no kakwa pa.

Veydimeng 1:16

Iya rana sicyakwaya am beken a lamlamsoy an. Ta iya rana am akma tey kakteh do cinai. O akman rana sang a vazay jyaken am manoyong ori an. Kakwakwan ko a imanngo rana do akman jimo. Ta inyo rana am lamlamsoy na rana inyo ni Yeso a akmey meyketeh do cinai.

Sipolay 6:2

a kano nanao na jyaten do manaktak a kano panlanlagan da nyaten no tao a mapaopta so lima da jyaten a kano nanao a omaing do mirwa mavyay a kano nanao na omaing do peykapyapinpinan na so tao ni Ama ta do to. Ta o akman rana sang am yatey masangib rana ori a yata mamizing.

2 Pite 3:15

Naknakmen nyo o kaji na angsahan jinyo a pananalahen ni Ama ta do to. Ta ori o avyayan na jinyo, akman so mina ciring ni Pawlo a akma tey kakteh do cinai do teygami na a mangozay do teneng na ni Ama ta do to.