Nimlivolivon 9:16 - Seysyo No Tao

¹⁶ Ta pazimanen ko jya o karo no alalaw na do ipeyvazay na jyaken.”

Nimlivolivon 9:16 ပူးပေါင်းရင်းမြစ်များ

Matay 24:9

“No marateng ori am rakpen da inyo a pakakasin a kawakwak da jinyo. So pacioyyan da jinyo a mahap so vazay ko.

Matay 5:11

“No monganay jyaken o ji da ninigan ninyo no tao a pakakasin a tamwaden no marahet a ciring am manoyong katey yapya nyo.

Yowani 15:20

Peyyanen nyo do onowned nyo o yako nipanci jinyo. Ji na meyhavasi no lamlamsoy o mapavahay sya tao. No si peyrarehten da yaken am akman kamo sang a peyrarehten da. No si onotan da o ciring ko am onotan da o ipangnanao nyo a ciring.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 21:11

Nimai a tomita jyamen. Mai ori am ahapen na o abtek na ni Pawlo a kato na ngonangan do lima na kano ai na a vaoden. Maniring am, “Yamaniring o Seyzi am, ‘O mapeyyabtek rana so sya am vaoden da no tao do Yotay do Yelosaleng a katoro da nya do beken a tao do Yotay.’ ”

Nimlivolivon 21:13

Am maniring si Pawlo am, “Ikongo nyo lavyan jyaken a ko ikarahet no onowned. Cyaha, ta ko ahapen o vazay ni Yeso a Panirsirngen ta. Tana vaoden da yaken do Yelosaleng a mawakwak do dang am cyaha, ta nakenakem ko an.”

Nimlivolivon 21:4

Nimakacita namen dang so sinjya. Ori o nisan namen dang so kapito araw. Mangay rana si Pawlo am pakeken da si Pawlo a jyangay do Yelosaleng, ta amyan dang so nipanci na no Seyzi a ikanginanawa na ni Pawlo.

Nimlivolivon 9:14

Iya rana am nipya da no panipanirsirngen no mapatanatanang so nakem da si Ama ta do to a mangay a omrakep so omraralay nimo a tao.”

Nimlivolivon 9:6

Peyvangon rana mangay do ili, ta yamyan so asa ka tao a manci nya jimo so vazay ko jimo.”

2 Kedinto 6:4

Yamen rana do yamakakaday a vazay am yanamen akmey tongbowa o yameykamadadayan a alalaw, do namen kanoyong a lamlamsoy ni Ama ta do to.

1 Tesalonicya 3:3

a kaji da oniban so nakem no kadwan jinyo no peyrarehten da inyo. Ta kangay na ori no alalaw ta a omraralay ni Yeso Kizisto.

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

2 Timotay 3:11

Mo katenngan o ko kato nazibwan no aro a alalaw ko do Antia kado Ikenyan a kado Disetela. Am kanisomidong na jyaken ni Yeso a komaro do akman sang a nipeyrarehtan da jyaken no tao.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.