Nimlivolivon 9:13 - Seysyo No Tao

¹³ Maniring si Ananiya am, “Mo Panirsirngen, ko nimamizing rana do aro a tao o marahet a vazay na do keyyan da no aro a nipakakasi na a omraralay nimo do Yelosaleng.

Nimlivolivon 9:13 ပူးပေါင်းရင်းမြစ်များ

Matay 10:16

“Amizngen nyo an, ta akma kamoy kagling a ko tovoin do kokoman so tao. Am ori o ipeytataziman nyo a makapiya so nakenakem jira.

Nimlivolivon 22:4

No kakwa pa am makdeng ko a nimapakakasi so amraralay ni Yeso a tao. So niyan no nimawakwak ko jira ang. Tana mavakes a tana mahakay am abo o ji ko rakpa jira a pain do pamemtengan.

Nimlivolivon 9:1

No kanang rana am ji namtadan ni Sawlo o kalalaw na so omraralay ni Yeso a tao a zakaten. Am ori o nyangay na do rako a panirsirngen no mapatanatanang so nakem da si Ama ta do to,

Nimlivolivon 9:21

Mamizing da no aro a tao am isavasavak da. Ori o nipancyan da nya do kadwan jira so, “Beken a oya asyo o nimapakakasi so omraralay ni Yeso a tao do Yelosaleng? O na nyai do jya am ala na littan sira a yavaoden a yangay na do panipanirsirngen no mapatanatanang so nakem da si Ama ta do to do Yelosaleng.”

Nimlivolivon 9:32

Si Pite rana am nilivolivon na o peycyeylilyan na angayan na tomazogaw no omraralay ni Yeso a tao. Makaranes do Dita am,

Nimlivolivon 9:41

Am ori o nyalakan na so lima na ni Pite a patanken a kapanci na no aro a vao a mavakes a kano karwan da omraralay ni Yeso a somdep rana. So nipakacittan da rana si Tapitay a nimirwa a mavyay.

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

Loma 15:31

Ipeynozi nyo yaken, a kaji da manaptan jyaken no ji manaralay a tao a meyvahay do Yotay, a kasaray da no sinjya do Yelosaleng a mahap so kingking a yako yangay jira.

Loma 16:15

Ko ipeyminaminasi pa si Veyaytaw a kani Yodiya kani Nidiya kano kakteh na mavakes a kani Awdinpa kano aro a sinjya a kararay da.

Loma 16:2

Taotawwen nyo ori an, ta ori o vazay ta akmey meyketeketeh do cinai. No amyan so kakzeben na am sidongen nyo. Ta iya rana ori am ney makdeng a nisomidong so aro a tao. So nisidongan na jyakehen.

1 Kedinto 14:33

Ta o yaomoyat jira Tao do to am beken a yamapeyzavozavoz so vazay. Ta na twatontonen o vazay na. O iwawalam do peycyakyokyokayan na am,

1 Kedinto 16:1

O peysinsinmowen rana isidong so sinjya do Yelosaleng am to nyo manginarai o mina ciring ko so peycyakyokyokayan na do Cyalatay.

1 Kedinto 6:5

Tey macimasnek o akman sang. Manngwa, yabwata rana jinyo o yasa ka mapatak a tao a mangay omzavat so ikazyak da no akma tey kakteh do cinai?

Ivoso 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yako ipeyteygami inyo a yamraralay ni Ama ta do to a tao do Ivoso a yato ngotokot so nakem ji Yeso Kizisto.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Veydipi 4:22

Sira mamimin o sinjya do jya kano tao do vahay na ni Kaysa a yameyminaminasi ninyo.

Kelosi 1:2

yanamen ipeyteygami inyo a yameyili do Kelosi a sinjya a yatey makdeng so nakem ji Kizisto. Inaoy si itoro na ni Ama ta do to o pangangarilawan na kano ikapiya no onowned nyo.

Sipolay 13:24

Ipeyminaminasi nyo pa sira o yamyokod ninyo do kyokay a tao a kapeyminaminasi nyo pa no aro a sinjya. Da ipeyminaminasi inyo no kakteh ta yapo do Itadi.

Yota 1:3

Manga keypong, nimanakem ko o kapeyteygami ko ninyo a pancyan ko no kapatazadang na jyaten ni Ama ta do to do teyngato. Am apyapya pa o kavavaga ko jinyo a kowyat nyo a mangozay do nipeylimwang da rana jinyo no nipamnekan na ni Yeso a amlivolivon no ciriciring na ni Ama ta do to. Ta oya rana am yajyablis a pangozayan no amraralay nya tao.