Nimlivolivon 8:30 - Seysyo No Tao

³⁰ Am ori o nipalayo na a mangay ni Veydipo. So nipakamizngan na so tao ang a omvilang do vakong ni Isayya. Maniring jya si Veydipo am, “Mo katenngan o mo vilangan ang?”

Nimlivolivon 8:30 ပူးပေါင်းရင်းမြစ်များ

Matay 13:19

O tao a makamizing so nanao a omagaz do italamozong na ni Ama ta do to a kaji makatenngan jya am akman so nizomsi do rarahan ang. No mai si Satan am pehsen na jya o ciring na ni Ama ta do to amyan do onowned na.

Matay 13:23

O nizomsi do apya so tanatana am katonodan no tao a omamizing so ciring na ni Ama ta do to a makateneng rana jya a pangozayan a peyvazain. So icyakma ney malasi so makapoo (100) a kano sikanem a ngarnan (60) a kano sikatlo a ngarnan (30) so kasahasahang.”

Matay 13:51

Maniring si Yeso jira am, “Nyo mamimin o ciring eya yakatenngan?” Maniring sira am, “Namen todamimin a yakatenngan.”

Matay 15:10

Lovoten na ni Yeso o aro a tao do tangain na am maniring jira am, “Amizngen nyo a kapakateneng nyo jya.

Matay 24:15

“Macita nyo no makwa o nipanci ni Taniar a mapaoya a somazovaz si Ama ta do to a mangay da patneken do ji nyo mamyapyan a tankan na. (No vilangan nyo o ciring eya am to nyo na naknakma o peypeypangayan na.)

Make 13:14

“Macita nyo o mapaoya a somazovaz si Ama ta do to a mangay da patneken do ji nyo mamyapyan a tankan na. (No vilangan nyo a ciring eya am to nyo na naknakma o peypeypangayan na.) No si marateng ori am o meyvahay do Yotay am mangay sira tomayo do takey.

Yowani 4:34

Maniring si Yeso jira am, “O kanen ko am onotan ko a pakavosen o vazay no yanitomovoy jyaken.

Yowani 5:39

O nyo ipeyvilang a Seysyo am nyo naknakmen o nyo kapakahap do dang so to meyyonong a ikavyay no pahad nyo. Am na malavat no Seysyo am yaken.

Nimlivolivon 8:27

Karahan am mangay rana si Veydipo. Amyan do rarahan am macita na o asa ka maizay a tao do Isopiya a tomalamozong no nizpi no panirsirngen da mavakes a meyngaran si Kantaci. O yangay na do Yelosaleng am iraralay na si Ama ta do to. Meysinaoli rana mangay do ili da am vilangan na do aleleh na o vakong na no panoyonoywan na so ciring ni Ama ta do to a meyngaran si Isayya.

Nimlivolivon 8:29

Maniring o Seyzi ji Veydipo am, “Mangay ka macikasngen do aleleh ang.”

Nimlivolivon 8:31

Maniring am, “Si myan so amnanao jyaken am ori o ipakateneng ko jya.” Am ori o nipancyan na ni Veydipo a somakay do aleleh na.

Nimlivolivon 8:5

O asa jira am si Veydipo am nimangay do asa ka ili do Samadiya a meylimwang no kanoyong na ni Yeso a Misayya a nitovoy ni Ama ta do to do teyrahem.

1 Kedinto 14:19

Am no malwalovot a meynozi am apyapyahen ko pa o alima ka ciring a katenngan da amizngen no tao a makananao sira a kano meykazivozivo a ciring a ji da tenngi amizngen no tao.

Ivoso 5:17

Ji ta todabwabo so nakem. Ta katenngan ta o apya vazay a pahanhanan na jyaten ni Ama ta do to.

Ipaziman 13:18

O mateneng a tao am to da na tenngi o peypeypangayan no vilang a ngaran no omalalam. Ta o peypeypangayan no vilang am asa ka tao. O vilang am yanem o neykasikapito a poo no neykapito a ranaw (666).