Nimlivolivon 8:20 - Seysyo No Tao

²⁰ Maniring si Pite am, “Paciralay do nizpi mo a matemtem, ta yamalas o aktokto mo do kanginangina mo so oyowyat na ni Ama ta do to no nizpi mo.

Nimlivolivon 8:20 ပူးပေါင်းရင်းမြစ်များ

Matay 10:8

Iwakwakan nyo sira o meykeyngeyngen a tao. Avyain nyo sira o nimawakwak a tao, kapya da no omlabyab so kolit a tao a kapamozwaw nyo so kalamsoyan ni Satan a komovot do tao. Yabo o ngina na no oyowyat ni Ama ta do to a nitoro na jinyo. So icyakman nyo sang a ji macyami do sidongen nyo a tao.

Matay 15:19

O mapo do onowned am amyan dang so makakaday a nakenakem no tao a ipeyraraten a mangap so tao, mangzakza, manakaw, mangalalas, manamwad.

Nimlivolivon 1:18

Amyan so asa ka hakawan a nipalit da no nizpi a ngina no inawan na ni Yeso. Do dang o nikazakatan ni Yota. Ta nilalavicin na o kataotao na a kakas na kavotdak no velek na kapeytotwaw no cinai na.

Nimlivolivon 10:45

Am ori o nipeyzokab da no tao do Yepey a omraralay ni Yeso a nimacihza ji Pite, ta nipanta na sira ni Ama ta do to so Seyzi o beken a tao do Yotay.

Nimlivolivon 11:17

So nikanoyong ni Ama ta do to a yatomoro no Seyzi do beken a tao do Yotay, akman jyaten a nipanta na so Seyzi no kanoyong ta ji Yeso Kizisto a Panirsirngen ta. A yako ikongo a kato ko makazazatan do vazay ni Ama ta do to.”

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Nimlivolivon 8:19

Maniring am, “Itoro nyo jyaken oyowyat ori a torwan ko inyo so nizpi, kapaopta ko so lima ko do tao a keyyan na rana jira no Seyzi.”

Nimlivolivon 8:22

So ipamlis mo na komaro do malas a nakenakem mo a kapeynozi mo ji Ama ta do to. Ta ala vonasen na o marahet a nakenakem mo.

1 Timotay 6:9

O komakzeb so karo no nizpi da am makeykai sira kalittan, ta masanga sira no abo so angangayan a vazay a maozoz so nakenakem. O kapalit no akman sang am mangay sira do makotokotod a lila no apoy a mangay no makwa.

Yake 5:3

Mangay karaci no nizpi nyo. O raci no nizpi nyo am yongkad no kababayo nyo. So icyakma ney apoy no nizpi nyo a ombalinas jinyo. Ikeykongo kamo a yato ngimong no kangangay nyo, do yana ikakeykai rana no araraw no peyoyaoyyan na ni Ama ta do to.

Ipaziman 18:15

O meypananazangan do ili ori a nimakanizpi a tao am makararai sira do kahawa da no kapazanod na sira do pasingsingtan ni Ama ta do to.