Nimlivolivon 7:8 - Seysyo No Tao

⁸ Meyratateng am ipanci na ni Ama ta do to ji Apolahan o keyyan na no yongkad na jira do ananak na mahakay, do kaji da makahamangan do nipanci na jira ni Ama ta do to. Am matazak a tao si Isa am niyongkadan na o kataotao na do ikawao na pa araw. Akman sang vazay ni Isa do anak na si Yakebo. Akman sahang o vazay na ni Yakebo do rarwa so ikakarwan a ananak na mahakay a ineynapo ta tao do Yotay no kakwa.”

Nimlivolivon 7:8 ပူးပေါင်းရင်းမြစ်များ

Matay 1:2

O anak na ni Apolahan am si Isa. O anak na ni Isa am si Yakebo. O anak na ni Yakebo am si Yoda kano kakakteh na.

Yowani 7:22

Am nipanci na inyo ni Moyse a amyongkad do kataotao nyo. Am beken a nimapo ji Moyse o kayongkad do kataotao, ta nimapo do ineynapo nyo. Ta yanyo yongkadan o ananak nyo do yaipeywalam no tao.

Nimlivolivon 2:29

Maniring pa si Pite am, “Manga zipos, ta katenngan o ineynapo ta si Tawey a nimawakwak rana no kakwa kabobo da nya. Ta katenngan o nibobwan da nya.

Loma 4:10

Ikongo nikapwan no akman sang. No kaji da pa nimyongkadan ji Apolahan an? No kateyka na rana niyongkadan da. Jyabo kaji na nimyapwan no kaji da niyongkadan do kataotao na.

Cyalatay 3:15

Manga kakteh, o ahahapan sya no tao am no meysirisiring o rarwa ka tao do vazay da am to da na mamneki o apyahen da. So ikabo rana no mapasobna do nipamnekan da vazay, do kabo rana no nipeyras da vazay.

Cyalatay 3:17

O peypeypangayan no ciring ko am ji meyyopowpas o nimanmanma a nipamnekan na ni Ama ta do to a ciring na. Tana nimanownowji o iwawalam ni Moyse so atlo a poo so ikasikalima ranaw (430) so awawan am jyablis o mina ciring na ni Ama ta do to ji Apolahan.

Sipolay 7:4

Naknakmen nyo pala. Jyabo na kajyahamahaman pa ni Mocisete do kanimapasina na no ineynapo ta si Apolahan so ineynahap na so asa vovonongan ji Mocisete.