Nimlivolivon 7:38 - Seysyo No Tao

³⁸ Si Moyse o nipacisirsirngan no tinsi do tokon a meyngaran so Sinay, no keyyan da pa no ineynapo ta do kabwan no nihakawan no tao. Iya o torwan na no nivatvatkan a to meyyonong a Ciriciring ni Ama ta do to a nitaid na jyaten.

Nimlivolivon 7:38 ပူးပေါင်းရင်းမြစ်များ

Yowani 1:17

O iwawalam na ni Ama ta do to o nipangnanao na ni Moyse a onotan ta. Am o pangangarilawan na kano manoyong a nanao na ni Ama ta do to am ori o nyai na ni Yeso Kizisto do tao do karawan.

Yowani 6:63

O yamanta no tao so to meyyonong a ikavyay no pahad na am Seyzi. So ikabo no oyowyat no tao a ipakahap sya. O ko ipanci jinyo a ciriciring am apo do Seyzi na ni Ama ta do to. Ori rana am ikavyay ori.

Nimlivolivon 7:30

“Mahatas rana o sikapat a ngarnan (40) awawan am mangay si Moyse do kabwan no nihakawan no tao a meyngaran so Sinay a tokon. So nipakacita na dang so asa ka tinsi amyan do amlila tazici.

Nimlivolivon 7:35

“Si Moyse rana am ji dakzan no keylyan na a somidong sira. Maniring sira am, ‘Sino nimamnek jimo a yatomalamozong nyamen.’ Am iya rana am nipamnekan ni Ama ta do to a amyokod nira a komaro do Ayci, do kanisomidong na sya no tinsi a nimacisirsiring jya do amlila tazici ang.

Nimlivolivon 7:53

Inyo o nitorwan da nya no tinsi so iwawalam ni Ama ta do to am nyo ji peyvazaya.”

Loma 3:2

Yaro peypeypangayan no nang. O ney manma na am na nitoro jira ni Ama ta do to o ciriciring na.

Loma 9:4

Sira rana Isedi a tao am nipamnekan na ni Ama ta do to a akma ney anak do karawan. So yada rana nipakacita so azwazway na ni Ama ta do to. Sira o nitorwan na no pangozayan da ciring a kano iwawalam na. So da pakatenngan rana do da kararalay ni Ama ta do to. So da rana nipakahap so nakem na jira ni Ama ta do to.

Cyalatay 3:19

Am ikongo peypeypangayan na no iwawalam ni Ama ta do to a nitaid na ji Moyse. O iwawalam rana ori am ipakateneng no tao do raraten da mangay do yai no sivovoong ni Apolahan a si Kizisto. Am no kano nang am tinsi o nitomoro nya ji Moyse so iwawalam ang a katoro na rana nya do tao.

Sipolay 2:2

O nipeylimwang no tinsi do ineynapo ta a iwawalam na ni Ama ta do to am yamanoyong rana. Ta sira rana yaji ngahap so nanao eya am yarana nimeydedna jira o peyoyaoyyan na ni Ama ta do to.

Sipolay 4:12

O Ciriciring na ni Ama ta do to am tey rako o oyowyat na. So ikowyowyat na pa kano matarem a takzes a to makatjip so asisi a kano totowang. So ikakman na sang so kowyowyat no Ciriciring na ni Ama ta do to a makateneng do onowned a nakenakem no tao.

Sipolay 5:12

No kamo mowyat a yamacinanao am kamo na mangnanao. Am asyosyo kamo eya a yada pananawen no tao no yatodalapit a ciring na ni Ama ta do to. So nyo icyakmey metdeh a yapa somoso.

1 Pite 4:11

O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.