Nimlivolivon 7:37 - Seysyo No Tao

³⁷ Si Moyse o nimanci nya do Isedi a tao so, ‘No makwa am amyan pa do sivosivovoong nyo so panoyonoywan na so ciring ni Ama ta do to a tovoin na jinyo akman jyaken a nitovoy na jinyo a Isedi.’

Nimlivolivon 7:37 ပူးပေါင်းရင်းမြစ်များ

Matay 21:11

Maniring sira o aro a tao a macihza ji Yeso am, “Iya rana am yapo do Cyadidi a yameyvahay do Nasale a panoyonoywan na so ciring ni Ama ta do to a meyngaran so Yeso.”

Make 9:7

Makarahan am to ngyan so cinalab a macita da a ambengbeng do teyngato da. Meyratateng am to ngyan so ciring a meyzezyak. Maniring am, “Iya rana am ney kaglaw ko a Anak. Amizngen nyo o ciring na.”

Locya 9:35

Meyratateng am amyan so ciriciring do cinalab a manci no, “Iya rana am nipamnekan ko Anak ko. So amizngan nyo sya an.”

Yowani 18:37

Maniring si Pilato jya am, “Ka manoyong a panirsirngen an?” Maniring si Yeso am, “Imo yamanci nyaken a panirsirngen. O ko nikatazak do karawan am yameykasa o peypeypangayan na. Ori rana am meylimwang no manoyong a nanao. O tao rana a makza no manoyong a nanao am ori o omamizing so ciring ko.”

Nimlivolivon 7:38

Si Moyse o nipacisirsirngan no tinsi do tokon a meyngaran so Sinay, no keyyan da pa no ineynapo ta do kabwan no nihakawan no tao. Iya o torwan na no nivatvatkan a to meyyonong a Ciriciring ni Ama ta do to a nitaid na jyaten.