Nimlivolivon 6:14 - Seysyo No Tao

¹⁴ O nimamizing namen a nipanci na am si Yeso a tao do Nasale am kavahen na o rako a panaralayan eya, kablis na do iwawalam ni Moyse a nitaid na jyaten.”

Nimlivolivon 6:14 ပူးပေါင်းရင်းမြစ်များ

Matay 26:61

“Nipanci no tao ang o kabalinas na so yata raralayan ni Ama ta do to a kapatnek na rana sya do ikatlo na araw.”

Make 14:58

“Namen nimamizing ori a yanimanci no yana kakavakava so yanyamaog no lima no tao a rako a panaralayan. Si katlo araw am mapatnek so asa ka panaralayan a jya nyamaog no lima no tao.”

Locya 21:24

So ikawakwak da do tarem no ipangan a karakep da so tatasa jira yangay do matarek a pongso. So to da makasii no tao na no Yelosaleng a peyyaliliman da no beken a tao do Yotay, mangay no si ipanci na ni Ama ta do to sira omtad no kazapas da so tao do Yelosaleng.

Locya 21:6

“O nyo macita rana ya am no marateng o araraw na am jyabo kavezed na no asa ka vato do jya, do kazdazday da sya.”

Yowani 2:19

Maniring si Yeso am, “Tana kavakavahen nyo o panaralayan eya am cyaha, ta si katlo na araw am patanken ko.”

Yowani 4:21

Maniring jya si Yeso am, “Mo kavakes, anoyngan mo yaken. No si marateng rana o araraw na am jyabo rana o tao a mai do tokon eya kado Yelosaleng a amraralay ni Ama ta do to a.

Nimlivolivon 15:1

Amyan so tao a apo do Yotay a nimai do Antia a omnanao so sinjya do dang. Maniring sira am, “No si ji nyo mangozai o iwawalam na ni Moyse a amyongkad do kataotao nyo a meyngongyod a Isedi am ji na patazadanga inyo ni Ama ta do to do teyngato.”

Nimlivolivon 21:21

Mamizing da imo a nimangnanao so tao do Yotay a meyili do beken a ili da no tao do Yotay am nipanci mo kono o kataosya da so iwawalam ni Moyse. Nipanci mo kono o kataosya da rana so kayongkad do kanakan.

Nimlivolivon 25:8

So nitovisan na jira ni Pawlo. Maniring am, “Yabo o ko mina vazay a yamacisala do iwawalam namen a tao do Yotay. Ko jya niraherahet o rako a panaralayan namen do Yelosaleng a kano rako a panirsirngen ta do Loma.”

Nimlivolivon 26:3

Ta mo katenngan o iwawalam da no tao do Yotay a kano da kazyakan nyaken. Am ori o amizngan mo so ciring ko.

Nimlivolivon 28:17

Ikatlo na araw am lovoten na sira ni Pawlo o panipanirsirngen da no tao do Yotay. Maniring jira si Pawlo am, “Manga kahakay, yaken rana am tana ko jya niraherahet o keylyan ta a yajya nimapasobna do iwawalam no ineynapo ta am da todey amtenga yaken do Yelosaleng a da kangay nyaken do panirsirngen no Loma a pacicin.

Cyalatay 3:19

Am ikongo peypeypangayan na no iwawalam ni Ama ta do to a nitaid na ji Moyse. O iwawalam rana ori am ipakateneng no tao do raraten da mangay do yai no sivovoong ni Apolahan a si Kizisto. Am no kano nang am tinsi o nitomoro nya ji Moyse so iwawalam ang a katoro na rana nya do tao.

Cyalatay 3:23

Am no kabo pa ni Yeso a ipeyhanhan ta am apya, ta amyan so iwawalam ni Moyse a omzat do onowned ta.