Nimlivolivon 6:11 - Seysyo No Tao

¹¹ Am ori o nipeykala da so tao a katoro da jira so nizpi a meykala so karatan na ni Setiven. Maniring sira am, “O tao rana ya am namen nimamizing a yamraherahet si Moyse a kani Ama ta do to.”

Nimlivolivon 6:11 ပူးပေါင်းရင်းမြစ်များ

Yowani 1:17

O iwawalam na ni Ama ta do to o nipangnanao na ni Moyse a onotan ta. Am o pangangarilawan na kano manoyong a nanao na ni Ama ta do to am ori o nyai na ni Yeso Kizisto do tao do karawan.

Yowani 16:3

O ikakman da sang so vazay jinyo no tao am ji da tenngi si Ama ka nyaken.

Yowani 9:29

Namen katenngan o kanimacisirsiring ni Ama ta do to ji Moyse. Am o tao ori am tamo jyatenngi o na nikapwan.”

Nimlivolivon 15:21

Ta nimakalapo no kakwa do ipeywalam no tao o keyyan no tao do peyneynozyan amvilang do iwawalam ni Moyse. So na icyakman sang do peycyeylilyan na a yada ipeylimwang do tao.”

Nimlivolivon 18:6

Am ji da ngamiznga, ta o karaherahet da sya. Am ori o nitoktokan na ni Pawlo do talili na so ibeybek. Maniring pa jira am, “Si amyan so oyaoyyan na ninyo ni Ama ta do to no makwa am beken a yaken o raraten an, ta monganay jinyo an. To ko na papwa sicyaraw eya o kangay ko na a mangnanao so beken a tao do Yotay.”

Nimlivolivon 21:28

Maniring sira am, “Inyo rana Isedi a tao am sidongen nyo yamen an. Ta si Pawlo rana am yaro na nipanci a macisala do iwawalam ta, na niraherahet yaten a Isedi a tao a na kapazagom pa sya a yarehrehten so iwawalam na ni Moyse a kano rako a panaralayan ta. Ta sicyaikwa rana ya am na todey rara sira a yasomdep o beken a tao do Yotay do rako a panaralayan ta. So ikanoyong na nya ya meyraraten.”

Nimlivolivon 25:3

a kapanci da ni Veyseto a omya so tao a mangay ni Pawlo do Yelosaleng. Ta naknakmen da o kavat da ji Pawlo do rarahan a zakaten da sya.

Nimlivolivon 25:7

Mai rana si Pawlo am o apo do Yelosaleng aro a tao am limoten da a kapanci da no itawwen da ciring a iraherahet da sya. Am abo do dang o manoyong a ciring da.

Nimlivolivon 26:11

Masangib ko sira a pakakasin do peyneynozyan da a kapanci ko nira omalalas ji Yeso a iraralay da. So nikakdeng ko a macioya jira. Tomakatakaw kangay ko do teyhesa ka ili a mapakakasi sira.

Nimlivolivon 6:10

Am ji da tenngi a pasapan o ciring ni Setiven, ta nipanta na no Seyzi so teneteneng na.

Nimlivolivon 6:12

Ori o nisozi da no aro a tao a kano kamanrarakehan a kano mangnanao no iwawalam ni Ama ta do to. Ori o nirakpan da si Setiven a yangay do rako a peykeykaygyan.

Nimlivolivon 6:13

So niyan da do dang no nipanta da so nizpi a tao a mangamaog so malas a ciring a iraherahet da sya. Maniring sira am, “O tao rana ya am yamangday a yamraherahet so rako a panaralayan ta ya kano iwawalam ni Moyse.

Loma 3:8

“Ikongo ta jyangai a meyraraten a kapeypapya ta nya.” So da iyan no tao a yamanci no kapeyciring ko so sang, do da karaherahet jyaken. So ikanoyong da no akman sang a tao a peydednan na no oyaoyyan na ni Ama ta do to.

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.