Nimlivolivon 5:31 - Seysyo No Tao

³¹ So na rana iyan do wanan na ni Ama ta do to a Panirsirngen ta a yamapatazadang jyaten do teyngato. Na kakzeben yaten a Isedi a tao a mamlis so nakenakem, ta ori o ivonas na so raraten ta.

Nimlivolivon 5:31 ပူးပေါင်းရင်းမြစ်များ

Matay 1:21

Si Madiya am mangahanas so mahakay. No si malikey am ingaran mo jya si Yeso, ta iya o mapatastas so omraralay nya tao do peyraratenan da.”

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Make 2:10

Ko ipacita jinyo o oyowyat ko a Nipamnekan na ni Ama ta do to a tao a manvonas so raraten no tao do karawan.” Makarahan am maniring do ji makapeyvangon a tao am,

Make 4:12

Akman so ciring do Seysyo. Maniring am, ‘Tana citacitahen da am akma dey jyacita. Tana amyamizngen da am ji da tenngi. Yabo da kasngesngenan jyaken. Makongo ko so wanjin a amvonas so raraten da.’ ”

Locya 2:11

Sicyaraw rana ya am yanimatazak a tao o asa ka Panirsirngen nyo do karawan eya do ili ni Tawey. Iya rana am si Kizisto a mapatazadang jinyo do teyngato.

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Yowani 4:42

Ta maniring sira do mavakes am, “Beken a ciring mo an o namen ipanganoyong rana sicyaikwaya. Ta namen nipacimatan a yaniomamizing so ciring na. Am ori o namen anoyngan rana jya a mapatazadang so tao do karawan.”

Nimlivolivon 11:18

Mamizing da o ciring na jira am ji da rana namwada, ta isaray da si Ama ta do to. Maniring sira am, “Yamanoyong si Ama ta do to a yamarilaw no beken a tao do Yotay a nimamlis rana a na torwan no to meyyonong a ikavyay no pahad da.”

Nimlivolivon 13:23

Si Tawey rana am ineynapo na ni Yeso a nitovoy ni Ama ta do to a mapatazadang jyaten do teyngato a sivosivovoong ni Isedi. Ta ori o nipanci na no kakwa pa ni Ama ta do to.

Nimlivolivon 2:33

So na rana nipeycyakavat a yamyan do wanan na ni Ama ta do to a yamahap so itoro na jya ni Ama ta do to a Seyzi. O nyo macita rana kano nyo mamizing sicyaikwaya am mamimin a yapo do oyowyat na no Seyzi a na nitoro ni Ama ta do to.

Nimlivolivon 2:36

“Am ori an manga zipos a kakteh ko a Isedi a tao am naknakmen nyo an. Ta si Yeso a nyo nipadket do jyojika am yana rana nibnek ni Ama ta do to a Misayya a Panirsirngen ta.”

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Nimlivolivon 3:15

Am ori o nizakatan nyo si Yeso a yapwan no to meyyonong a ikavyay no pahad. Am kanimapeyvangon na sya ni Ama ta do to. Yamen rana am yongkad na yamen a nimakacita sya.

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Nimlivolivon 3:26

Am ori o panmanman na jyaten a tao do Yotay a tovoyan na si Yeso a somidong jyaten a ikaro ta do marahet a icicirawat ta.”

Nimlivolivon 4:11

O ciring do Seysyo no kakwa a omagaz ji Yeso am, ‘O Vato a niwalit da no mapatnek so vahay am meyvoga am ney makdeng na aslet no ai no vahay.’

2 Kedinto 2:10

O peykabobwen nyo so marahet a vazay a tao am to ko macyanod so nakem jinyo. Ta o ikakman ko sang am peyyanowanopen ko inyo so nakem do tangain ni Yeso Kizisto.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Veydipi 3:20

Am yaten rana am italamozong na yaten ni Ama ta do to. So pananalan ta si Yeso Kizisto a Panirsirngen ta a meygegcin a apo do teyngato. Ta iya o mapatazadang jyaten do teyngato.

Kelosi 1:14

Nyagag na yaten ni Yeso Kizisto do peyraratenan ta. So ta ikanoyong rana nimavonas so raraten.

Tito 1:4

Ko ipeyteygami imo, mo Tito. Imo rana do ta raralayan ni Ama ta do to am ka manoyong a akma koy anak. Inaoy no si itoro na jimo ni Ama ta do to a kani Yeso Kizisto o pangangarilawan na kano ikapiya no onowned mo. Ta si Yeso Kizisto rana am mapatazadang jyaten do teyngato.

Tito 2:10

Ji sira manakaw, ta ori o peyhanhanan da nira no mapeyvazay sira mahap so vazay na. No akman sang o makakaday a vazay a apiya am jyabo kaji da azwazwayan so nanao na ni Ama ta do to a mapatazadang jyaten do teyngato a.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Sipolay 2:10

O alalaw na ni Yeso Kizisto am ori o na nipazanodan jyaten akma ney anak ni Ama ta do to a macikasaray do azwazway na. Ta si Ama ta do to rana a nimangamaog so karawan a tomketken do karawan am yatey manoyong o vazay na. Ta si Yeso Kizisto o meypalanginan nyaten a mangay ji Ama ta do to.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

2 Pite 1:11

a macikaop rana do to meyyonong a italamozong na ni Yeso Kizisto a Panirsirngen ta a mapatazadang jyaten do teyngato.

2 Pite 2:20

No si amyan so tao a makateneng do Panirsirngen ta si Yeso Kizisto a mapatazadang jyaten do teyngato a kanikomaro na rana do makakaday a raraten do karawan, a kaoli na pa so mina raraten na am arakorako pa o kanginanawan na no nang.

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.

1 Yowani 4:14

Si Ama ta do to am na nitovoy o Anak na do karawan a mapatazadang jyaten do teyngato. So namen nipakacittan so akman sang, a namen kapeylimwang rana no nang do tao.

Yota 1:25

Si Ama ta do to am abo o ikararwa na a yanitomovoy si Yeso Kizisto a Panirsirngen ta a mapatazadang jyaten do teyngato. Inaoy si mangay jya o azwazway do teyngato a kado teyrahem nimapo no kakwa, na kai sicyakwaya a kangay na do kaidan no karawan. Amin.

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.