Nimlivolivon 5:26 - Seysyo No Tao

²⁶ Am ori o nyangay da no mamzamzat a kano panirsirngen da amrakep sira. Am ji da bakbaki sira, ta ikamogaw da o tao. Ta ihawa da sira gomsagseh jira.

Nimlivolivon 5:26 ပူးပေါင်းရင်းမြစ်များ

Matay 14:5

Ori o naknakman na sya ni Helote si Yowani a wakwaken. Am ikanyahey na o aro a tao. Ta ipanci da si Yowani a panoyonoywan na so ciring ni Ama ta do to.

Matay 21:26

No si kwan ta o kapo na do tao am jyabo kaji da oyyan nyaten no aro a tao a, do da kanoyong ji Yowani a panoyonoywan na so ciring ni Ama ta do to a.”

Matay 26:5

Am maniring sira am, “Ji ta pa peyvazaya do ipamarimaring so kanen no tao, ta meyvonag sira o tao.”

Matay 26:58

To na macyazizazawi si Yeso ni Pite. Makaranes sira do tezantehed no vahay no panirsirngen da no mapatanatanang so nakem da si Ama ta do to am somdep si Pite a kapacihezsad na do pamzaten da tao a tomita so vazay da ji Yeso no aro a tao.

Locya 20:19

O mangnanao no iwawalam ni Ama ta do to a kano panipanirsirngen da no mapatanatanang so nakem da si Ama ta do to am makazazap da o nanao ni Yeso a paingen na jira. Am ori o naknakman da so karakep da sya. Am ikanyahey da o aro a tao.

Locya 20:6

Am no si kwan ta o kapo na do tao am jyabo kaji da ngagsahan jyaten no tao a. Ta da anoyngan si Yowani a panoyonoywan na so ciring ni Ama ta do to.”

Locya 22:2

O panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to am naknakmen da o ahahapan da si Yeso do limanan da sya. Am ikanyahey da o aro a tao.

Locya 22:4

Meyratateng am mangay si Yota do panipanirsirngen no mapatanatanang so nakem da si Ama ta do to a kano panipanirsirngen no omzat do rako a panaralayan a macisirsiring no kahap na si Yeso a itoro jira.

Nimlivolivon 4:21

Meyratateng am peyparowen da o ciring da yalalaw da sira kapasaway da rana sira. Ta ji da kala o karatan da, a macyoman pa o kanyahey da no aro a tao ang a somaray nya ji Ama ta do to, do mapeyzokab a vazay na do nimapilay ang.

Nimlivolivon 5:13

Ikanig da sira no tao do Yelosaleng. Am ji dadkeci no tao o kapacivaoy da jira.

Nimlivolivon 5:22

Am makaranes sira dang am abo rana sira. Am ori o nipeyoli da rana a mangay manci nya do aro a tao do rako a peykeykaygyan.

Nimlivolivon 5:24

Mamizing da no panirsirngen da no mamzamzat do rako a panaralayan a kano panipanirsirngen da no mapatanatanang so nakem da si Ama ta do to am ikarahet da, ta ji da tenngi o nyangayan da no nipamnekan ni Yeso a omlivolivon no ciriciring na.

Nimlivolivon 5:25

Am keyyan no asa ka tao a nimai a manci nya jira. Maniring am, “O nyo nyaneban a tao am sira mangnanao so tao do rako a panaralayan.”