Nimlivolivon 5:14 - Seysyo No Tao

¹⁴ Am nimeyparo sira omanoyong ji Yeso a mavakes a kano mahakay a macirapa jira.

Nimlivolivon 5:14 ပူးပေါင်းရင်းမြစ်များ

Nimlivolivon 11:24

Si Parnapo rana am tey yapya o nakenakem na, ta nioyatan no Seyzi. Am ori o ikakdeng na meyhanhan ni Ama ta do to. Ori nipeyparo da no tao a omanoyong ji Yeso.

Nimlivolivon 2:41

So ikaro da no tao a mahap rana so ipangnanao na a kataktak da rana jira. No kanang rana am omanoyong ji Yeso am nikarapan sira so kakatlwan a ranaw (3000) a tao.

Nimlivolivon 2:47

kazwazway da si Ama ta do to. So ikaro no tao a manci no kapiya no icicirawat da. Am ori o nipangday da do araraw a meyparo no tao a omanoyong ji Yeso.

Nimlivolivon 22:4

No kakwa pa am makdeng ko a nimapakakasi so amraralay ni Yeso a tao. So niyan no nimawakwak ko jira ang. Tana mavakes a tana mahakay am abo o ji ko rakpa jira a pain do pamemtengan.

Nimlivolivon 4:4

Am no kanang am aro tao a niomanoyong do nipangnanao da Pite. O vilang da no mahakay am kakaliman a ranaw (5000).

Nimlivolivon 6:7

Am ori o nipeylimwang na rana no ciriciring na ni Ama ta do to. Am ori o to da raparapai jira no omanoyong ji Yeso do Yelosaleng a karo da rana. Tana mapatanatanang so nakem da si Ama ta do to am aro sira omanoyong rana ji Yeso.

Nimlivolivon 8:12

Ipeylimwang na ni Veydipo o Mapasaray a Ciriciring na ni Ama ta do to a omagaz do italamozong na kano ngaran ni Yeso Kizisto am anoyngan da no nimyan dang a mahahakay a kano mavavakes kataktak da jira.

Nimlivolivon 9:2

ta kakzeben na o kapeyteygami na no tomalamozong no aro a peyneynozyan da no tao do Yotay do Tamaseke a ili a manci no kapya da sya omrakep so amraralay ni Yeso a tao, tana mahakay a tana mavakes am miminen na sira yangay do pamemtengan do Yelosaleng.

Nimlivolivon 9:31

No kanang rana am abo rana o ikalaw da no omraralay ni Yeso a tao do Yotay a kado Cyadidi a kado Samadiya. So nikakdeng da rana so nakem ji Yeso. Ta arako o nisidongan na sira no Seyzi. Am ori o nikaro no tao a omanoyong ji Yeso. So nikapiya no icicirawat da rana omahap so vazay na ni Ama ta do to.

Nimlivolivon 9:35

Macita da ori no aro a tao a meyvahay do Dita kado Salon am anoyngan da rana si Yeso.

Nimlivolivon 9:42

O akman rana sang a vazay am nimamizing da rana no tao do Yepey. Ori o nipeyparo da rana no tao a omanoyong ji Yeso do Yepey.

2 Kedinto 6:15

Jyabo kapacizanod ni Kizisto ji Satan a. Jyabo kapeyyangay no amraralay ni Ama ta do to a kano ji manaralay a tao a.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.