Nimlivolivon 4:33 - Seysyo No Tao

³³ O nipamnekan na rana ni Yeso a omlivolivon no ciriciring na am mowyat sira meylimwang no mina kapirwa na ni Yeso a mavyay. So nisidongan na sira ni Ama ta do to so omraralay nya tao.

Nimlivolivon 4:33 ပူးပေါင်းရင်းမြစ်များ

Make 16:20

kangay da rana no nimacinanao ji Yeso a meylimwang no Mapasaray a Ciriciring na ni Ama ta do to do peycyeylilyan na. So ikanoyong ni Yeso a macikaop jira a manta nira so oyowyat da a mapeyvazay so mapeyzokab a vazay. Ori rana am yongkad no kanoyong no Mapasaray a Ciriciring na ni Ama ta do to a ipeylimwang da.]

Locya 2:52

To macihza o nakem na ni Yeso do kataotao na a meycyakatkat. So sarayan na nya ni Ama ta do to a kano tao.

Yowani 1:16

Yateywara o pangangarilawan na a na itoro jyaten. O aryarilaw na jyaten am yabo yakasaraw a na ipeywalam.

Nimlivolivon 1:8

Am meyhekas jinyo o Seyzi. So iyan no rako a oyowyat nyo a meylimwang nyaken do Yelosaleng a kado peycyeylilyan na do Yotay a kado Samadiya a mangay do peycyamahamahatawan na.”

Nimlivolivon 2:47

kazwazway da si Ama ta do to. So ikaro no tao a manci no kapiya no icicirawat da. Am ori o nipangday da do araraw a meyparo no tao a omanoyong ji Yeso.

Nimlivolivon 4:30

So pacittan mo no oyowyat mo a mangiwakwak so ingingnen no tao a keyyan no mapeyzokab a vazay namen a mangozay do ngaran ni Yeso a nipamnekan mo a mahap so vazay mo.”

1 Tesalonicya 1:5

Ta o namen nipeylimwang a Mapasaray a Ciriciring na ni Ama ta do to jinyo am beken a ciriciring namen ori. Ta namen ipeyhanhan o oyowyat no Seyzi a kano yameysominogat a onowned namen so ciriciring na ni Ama ta do to. Ta nyo mamimin a katenngan o onowned namen no kapacikaop namen pa jinyo do dang.

Sipolay 2:4

Yakman sang, ta nioyatan na sira ni Ama ta do to a mapeyvazay so makakaday a yamapeyzokab a vazay a yongkad no kanoyong no ipangnanao da. So yana ikakman sang ni Ama ta do to a yamangozay do nakem na a yamvonong so teneteneng a kano oyowyat no Seyzi do omanoyong jya tao a isidong da so icyatatao da.