Nimlivolivon 4:27 - Seysyo No Tao

²⁷ So nipangononong no nang a mina vazay da do Yelosaleng eya. Ta si Helote rana kani Pangsyo Pilato a kano karwan da tao do Yotay a kano beken a tao do Yotay am nimalovot sira nimnakenakem so kazakat da si Yeso a ji meylimoteng so onowned a nipamnekan mo a mahap so vazay mo.

Nimlivolivon 4:27 ပူးပေါင်းရင်းမြစ်များ

Matay 14:1

No kanang am o panirsirngen no Cyadidi a meyngaran so Helote am mamizing na o vazay ni Yeso.

Matay 14:3

O cinawakwak na ni Yowani am o panirsirngen a meyngaran so Helote am to ney mehsa o mavakes no kakteh na a meyngaran so Veydipo. O ngaran no mavakes am si Helotiya. Masangib si Yowani a mazyak nya, do kato ney nakawan so kataned na do vahay no kakteh na. Am ori o nipanovoy na ni Helote so tao no kanang a omrakep si Yowani a kangay da nya do pamemtengan.

Matay 14:6

Araraw no cinatazak na tao ni Helote am maganam o anak na mavakes ni Helotiya do tangain no nipanoyon na tao. Ikakza ni Helote o ganam na.

Matay 21:28

Maniring si Yeso am, “Naknakmen nyo pala o ko pehngehngain a ciring. Ikongo ahahapan nyo sya. Amyan so asa ka tao a rarwa so anak. Maniring do rakerakeh am, ‘Mangay ka, manganako, do nihakawan ta an.’

Matay 23:37

“Inyo rana tao do Yelosaleng am nyo niwakwak o panoyonoywan na so ciring ni Ama ta do to a nyo kabhebhes jira wakwaken so yana nitovoy jinyo ni Ama ta do to a lamlamsoy na. Ko ikakza o kapahawa ko jinyo do kanginanawan nyo, akman so manok a komalopkop so ananak na no panid na. Am nyo jyakzan.

Matay 27:2

Ahapen da si Yeso am vaoden da yangay a itoro do panirsirngen da no Loma a meyngaran so Pilato.

Make 10:33

Maniring am, “Citahey kamo, do tamo ipeypangay do Yelosaleng an, da kapanazang nyaken a Nipamnekan na ni Ama ta do to a tao no panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a tao. Ipanci da o kawakwak da jyaken, katoro da nyaken do beken a tao do Yotay.

Make 15:31

Akman sang sira o panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a meykeykaming nya. Maniring sira am, “Na mavyay o karwan no tao a na jyatenngi o kataotao na avyain.

Locya 1:35

Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to.

Locya 22:63

O tomita si Yeso a tao am peyyaliliman da kasipsipzot da jya,

Locya 23:1

Meyratateng am mamimin sira o tao a mangay ni Yeso do tangain na ni Pilato,

Locya 4:18

“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.

Locya 9:22

Maniring pa jira am, “Yamai o aro alalaw ko a Nipamnekan na ni Ama ta do to an, a peymakarwan da no kamanrarakehan a kano kabedbedan da rana panipanirsirngen no mapatanatanang so nakem da si Ama ta do to a kano mangnanao so iwawalam ni Ama ta do to a tao a kawakwak da rana jyaken. Am ikatlo na araw am mirwa ko a mavyay.”

Yowani 1:11

Mangay do pacikeylyan na am to da nazibwan no tao do dang.

Yowani 10:36

Am yaken rana am na nitovoy yaken ni Ama do teyrahem. Ko ipanci pa am Anak na yaken ni Ama ta do to. Ikongo nyo pancyan nyaken a yajyaninig ni Ama ta do to.

Yowani 18:28

Madagdag am hapen da si Yeso do yanan ni Keyava a vahay a kangay da nya do meymatmatngeh nira Loma tao a meyngaran so Pilato. Am ji sira nimacisdep o tao do Yotay. Ta raten da no nakem o kapacisdep da do vahay no beken a tao do Yotay do ipamaringan da so kanen a ingaran da Iyeci. Ta no si macisdep sira am ji da mya sira macipamaring so kanen jira.

Yowani 18:29

Am ori o nyangay ni Pilato do pantaw a mapacici sira. Maniring am, “Ikongo nyo oyyan no tao eya. Ikongo na karatan.”

Yowani 19:34

Am asa ka itaysang no Loma o nisomobsob no cinalolot so tagtagzang ni Yeso a kavoyog no rala na kano aswasoy no kataotao na.

Nimlivolivon 10:38

Nioyatan na no Seyzi si Yeso a tao do Nasale. So nilivolivon na mangiwakwak so meykeyngeyngen a tao a mamozwaw so kalamsoyan ni Satan a komovot do tao, do kapacikaop na jya ni Ama ta do to.

Nimlivolivon 2:27

Ta mo ji mya o pahad ko a to ngyan do yanan da no nimawakwak a tao. So ji na macirapai do tana no kataotao ko, ta nipeyvazay ko na o vazay mo.

Nimlivolivon 4:30

So pacittan mo no oyowyat mo a mangiwakwak so ingingnen no tao a keyyan no mapeyzokab a vazay namen a mangozay do ngaran ni Yeso a nipamnekan mo a mahap so vazay mo.”

Sipolay 7:26

So yana ikanoyong ni Yeso a ney manokdwan na a ta ipeyhanhan a mapatanatanang nyaten so nakem ta ji Ama ta do to. Ta yabo na karatan a yabo so raraten. Iya rana am na nipapinpin ni Ama ta do to do yameyraraten a tao. So ikanoyong na rana ney mazway na do teyrahem a kado teyngato.