Nimlivolivon 4:21 - Seysyo No Tao

²¹ Meyratateng am peyparowen da o ciring da yalalaw da sira kapasaway da rana sira. Ta ji da kala o karatan da, a macyoman pa o kanyahey da no aro a tao ang a somaray nya ji Ama ta do to, do mapeyzokab a vazay na do nimapilay ang.

Nimlivolivon 4:21 ပူးပေါင်းရင်းမြစ်များ

Matay 15:31

Macita da no aro a tao o ji makabnebnek a kano nimakasapa kano mapilay a kano mavota a to rana apya am isavasavak da. So nyazwazwayan da rana so Tao do to da no Isedi a tao.

Matay 21:46

Am ori o naknakman da rana so karakep da sya. Am kanyahey da no aro a tao. Ta anoyngan da no aro a tao si Yeso a panoyonoywan na so ciring ni Ama ta do to.

Matay 26:5

Am maniring sira am, “Ji ta pa peyvazaya do ipamarimaring so kanen no tao, ta meyvonag sira o tao.”

Matay 9:33

Vozwawen ni Yeso o kalamsoyan ni Satan do kataotao na am to rana makabnebnek o tao ang. Ori o nisavasavakan da nya no aro a tao. Maniring sira am, “Abo pa o akman so sya vazay a nimacita namen do Isedi!”

Matay 9:8

Macita da no tao am nisavasavak da a kazwazway da si Ama ta do to, ta nipakemkem na do tao o oyowyat na.

Locya 13:17

Mamizing da o ciring ni Yeso no maoya nya tao am meylatlatlat sira. Am nisaray da no aro a tao o mina vazay na jira.

Locya 20:19

O mangnanao no iwawalam ni Ama ta do to a kano panipanirsirngen da no mapatanatanang so nakem da si Ama ta do to am makazazap da o nanao ni Yeso a paingen na jira. Am ori o naknakman da so karakep da sya. Am ikanyahey da o aro a tao.

Locya 20:6

Am no si kwan ta o kapo na do tao am jyabo kaji da ngagsahan jyaten no tao a. Ta da anoyngan si Yowani a panoyonoywan na so ciring ni Ama ta do to.”

Locya 22:2

O panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to am naknakmen da o ahahapan da si Yeso do limanan da sya. Am ikanyahey da o aro a tao.

Locya 5:26

So nipeyzokaban da nya no aro a tao a isaray ji Ama ta do to a manci no, “Sicyaraw rana ya am yanamen nimakacita so yamapeyzokab a vazay.”

Nimlivolivon 4:17

Marahet si meyparo tao a makateneng do akman sang a vazay. Apyapya o kalalaw ta sira, kaji da makadketan do ngaran ni Yeso a ipeylimwang do tao.”

Nimlivolivon 4:22

O kakawakawan na no nimapilay a tao ori am to ngyan so ikasikalima (50) no awawan na ang.

Nimlivolivon 5:13

Ikanig da sira no tao do Yelosaleng. Am ji dadkeci no tao o kapacivaoy da jira.

Nimlivolivon 5:26

Am ori o nyangay da no mamzamzat a kano panirsirngen da amrakep sira. Am ji da bakbaki sira, ta ikamogaw da o tao. Ta ihawa da sira gomsagseh jira.

Nimlivolivon 5:40

Karahan am pasdepen da sira bakbakan, kapanci da nira ji rana meylimwang no ngaran ni Yeso a kapasaway da rana sira.