Nimlivolivon 4:13 - Seysyo No Tao

¹³ Macita da no panipanirsirngen do peykeykaygyan si Pite a kani Yowani a mowyat so onowned am manakem da rana sira todna ka tao a jya nimeyvatvatek. Am ori o nipeyzokaban da nira. Meyratateng am katovilan da rana sira nimacilocilolo ji Yeso.

Nimlivolivon 4:13 ပူးပေါင်းရင်းမြစ်များ

Matay 11:25

No kanang am maniring si Yeso am, “Mo Ama a Panirsirngen do teyngato a kano karawan, ko isaray jimo, ta mo nibengbeng do mapakateneteneng a tao o aro a vazay, a mo kapatwaw sya do yamapehbo so nakem da a tao,

Matay 26:71

Karahan am mangay do ngoso no pazezevngen am macita na pa no asa ka mavakes a lamlamsoy da. Maniring do aro a tao a amyan dang am, “O tao eyto am kararay na ori no tao do Nasale a meyngaran si Yeso.”

Matay 26:73

Mownay am to da rana limota si Pite no meytatanek do dang a tao. Maniring sira ji Pite am, “Ka manoyong a kararay da nira ori. Ta yameyyangay o ciriciring nyo.”

Locya 22:8

Am ori o nitovoyan na ni Yeso si Pite a kani Yowani. Maniring jira am, “Mangay kamo pa manita so pamaringan ta so kanen an.”

Yowani 19:26

Macita na ni Yeso si ina na kano ney kaglaw na a macinanao jya a meytatanek do dang am maniring ji ina na am, “Mo ina, to mo na abneka anak mo.”

Yowani 7:15

Isavasavak da no panipanirsirngen da no tao do Yotay. Maniring sira am, “Asyo o tao eya yateywara so ciring a yajya nimeyvatvatek asyo.”

Yowani 7:49

Peydednan na sira no peyoyaoyyan na ni Ama ta do to omanoyong jya tao. Ta da jyatenngi o iwawalam ni Moyse.”

Nimlivolivon 4:14

Am ori o ji da rana tenngi a meyzezyak, ta macita da o nipeypapya da so ai a meytatanek do tangain da.

Nimlivolivon 4:19

Am maniring si Pite a kani Yowani am, “Do tangain ni Ama ta do to am amizngen namen o ciring nyo an? Ano amizngen namen o ciring ni Ama ta do to. Naknakmen nyo pala.

Nimlivolivon 4:29

Am ori o pakatenngan mo jira so onowned a yaomalalaw jyamen. So sidongan mo jyamen, mo Panirsirngen a mahap so vazay mo a kaji namen a mogawan a meylimwang no ciriciring mo.

Nimlivolivon 4:31

Mateyka sira meynozi am todagoyogoyon o peynozyan da a kamimin da nioyatan no Seyzi. Ori o nikowyat da a meylimwang no ciriciring na ni Ama ta do to. Ori ji da rana mogawi.

Nimlivolivon 9:27

Am kanisomidong na sya ni Parnapo a mangay tomita so nipamnekan ni Yeso a omlivolivon no ciriciring na a kapanci na nya jira so mina kapakacita na ni Sawlo si Yeso do rarahan a nisomirisiring sya a kapanci na pa nya jira so kaji na mogawan ni Sawlo a meylimwang ni Yeso do Tamaseke.

Nimlivolivon 9:28

Am ori o nikabwangan da rana ji Sawlo no nipamnekan ni Yeso a omlivolivon no ciriciring na. So ji na nimamogawi a meylimwang ni Yeso do Yelosaleng.

1 Kedinto 1:27

Am nipamnekan na ni Ama ta do to o ipangoyongoyod da a jyateteneng a tao do karawan, mangay na ipeyleylak so mapahama so nakem a tao do karawan.

1 Kedinto 14:25

O meyyomomon do onowned na a raraten am jyabo kaji na ngablisan jya a omraralay rana ni Ama ta do to, do kanoyong na do kapacikaop na jinyo ni Ama ta do to.

2 Kedinto 3:12

Yanamen manoyong a meyhanhan no akman sang. Am ori o yanamen jyaonibi rana a meylimwang no ciring na ni Yeso Kizisto.