Nimlivolivon 3:26 - Seysyo No Tao

²⁶ Am ori o panmanman na jyaten a tao do Yotay a tovoyan na si Yeso a somidong jyaten a ikaro ta do marahet a icicirawat ta.”

Nimlivolivon 3:26 ပူးပေါင်းရင်းမြစ်များ

Matay 1:21

Si Madiya am mangahanas so mahakay. No si malikey am ingaran mo jya si Yeso, ta iya o mapatastas so omraralay nya tao do peyraratenan da.”

Matay 15:24

Maniring si Yeso do mavakes am, “O na pahanhanan jyaken ni Ama ta do to am ko sidongen o Isedi a tao a yakmey nimavozaw a kagling na.”

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Yowani 4:22

Inyo rana tao do Samadiya am nyo jyatenngi o yanyo iraralay. Yamen a tao do Yotay am namen katenngan o namen iraralay. Ta o mapatazadang so tao a mangay do teyngato am apo do tao do Yotay.

Nimlivolivon 1:8

Am meyhekas jinyo o Seyzi. So iyan no rako a oyowyat nyo a meylimwang nyaken do Yelosaleng a kado peycyeylilyan na do Yotay a kado Samadiya a mangay do peycyamahamahatawan na.”

Nimlivolivon 13:26

Maniring pa jira si Pawlo am, “Manga kakteh a sivosivovoong na ni Apolahan a ka ninyo a yamraralay ni Ama ta do to a beken a tao do Yotay, yaten o nipeylimwangan na no ciriciring a omagaz do kapatazadang na jyaten do teyngato ni Ama ta do to.

Nimlivolivon 2:24

Am mina kapirwa na sya avyain ni Ama ta do to. So ikabo rana no alalaw na ikawakwak na.

Nimlivolivon 2:32

“Ta si Yeso am nivyay ni Ama ta do to. Ta yamen rana am yongkad no akman sang a vazay. Ta nimacita namen rana ori a nimavyay. So namen pancyan nya jinyo.

Nimlivolivon 26:20

Nimanma na do Tamaseke a kado Yelosaleng o nyangayan ko a kangay ko na do peycyeylilyan na do Yotay a kado peyilyan da no beken a tao do Yotay amvavaga jira a komaro do peyraratenan da a somazap si Ama ta do to a mapacita rana no apiya icicirawat da, do kanoyong da rana nimamlis.

Nimlivolivon 3:13

Beken a yamen ori. Ta si Ama ta do to a yada iraralay no ineynapo ta si Apolahan a kani Isa kani Yakebo o niomiwakwak jya. So ikanoyong na mazway ni Yeso. Iya rana am nitoro nyo do aro a panipanirsirngen a karaherahet nyo sya do tangain ni Pilato. Pasawain na ni Pilato am ji nyo mya.

Nimlivolivon 3:15

Am ori o nizakatan nyo si Yeso a yapwan no to meyyonong a ikavyay no pahad. Am kanimapeyvangon na sya ni Ama ta do to. Yamen rana am yongkad na yamen a nimakacita sya.

Nimlivolivon 3:20

Ta ipanta na inyo so vayo a ikasaray no onowned nyo. Ta yarana nimai si Yeso a Misayya a nitovoy ni Ama ta do to.

Nimlivolivon 3:22

Ta nipanci na pa ni Moyse am, ‘Si Ama ta do to a Tao do to nyo am amyan so pamnekan na keylyan ta Isedi a panoyonoywan na so ciring na akman jyaken a nipamnekan na meylimwang nya jinyo. O ipanci na jinyo a ciring na am ahapen nyo an.

Nimlivolivon 3:25

Yaten o mahap so nipanci da no panoyonoywan na so ciring ni Ama ta do to a kano nipanci na ji Apolahan. Ta maniring am, ‘Mamnek ko do sivosivovoong mo so asa ka tao a tomeneng a mapeypapya so tao do karawan.’

Loma 1:16

Ko ipeyhanhan o Mapasaray a Ciriciring na ni Ama ta do to. Ta ori rana am oyowyat na ni Ama ta do to a omahap so omanoyong jya tao do kapyapyan. Oya rana am manmanma a nipeylimwang do tao do Yotay a kapacitonton da no beken a tao do Yotay.

Loma 15:29

Ko katenngan, ta si mangay ko jinyo do dang am arako o sarasaray ta a itoro na jyaten ni Kizisto.

Loma 15:8

Naknakmen nyo an, ta o na nyai ni Kizisto do teyrahem am sidongen na o tao do Yotay a makateneng do kanoyong na ni Ama ta do to a mangononong do mina ciring na do ineynapo da no kakwa pa.

Ivoso 1:3

Isaray ta ji Ama ta do to a Ama na ni Yeso Kizisto a Panirsirngen ta. Ta yatamo na macibedbed ji Kizisto. So yana rana nitorwan so makakaday a aglaglaw na jyaten a na ipasaray jyaten.

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

1 Pite 3:9

Ji nyo patonggali o karatan no kadwan jinyo. Ji kamo masyavavay. Ta kaovayovay nyo so kadwan jinyo. Ta no kapanop na jinyo ni Ama ta do to am akman so sang o nakenakem na jinyo.

Yota 1:24

Apzatan na inyo ni Ama ta do to a kaji nyo meyraratenan. So ikanoyong nyo a masaray a abo so karatan a mangay do tangain na ni Ama ta do to a macikazway jya.