Nimlivolivon 3:21 - Seysyo No Tao

²¹ Am to ngyan pa do teyngato si Yeso a mangay no si yavaywen ni Ama ta do to o makakaday amyan do teyrahem eya. Ta oya rana am nipanci ni Ama ta do to no kakwa pa do panoyonoywan na so ciring na.

Nimlivolivon 3:21 ပူးပေါင်းရင်းမြစ်များ

Locya 1:70

Akman so nipaziman ni Ama ta do to no kakwa pa nitoyo na jira do panoyonoywan na so ciring,

Nimlivolivon 1:11

“Inyo rana a tao do Cyadidi am ikongo nyo ipeytatanek do jya a yatomangara so hanit. Ta si Yeso eya yakomaro rana jinyo a yamangay rana do teyngato am akman sang, ta mirwa pa meysinaoli do teyrahem a maciralay do cinalab.”

Nimlivolivon 10:43

Si Yeso o pakacirngan da so ciring da no panoyonoywan na so ciring ni Ama ta do to no kakwa. Ipanci da o ka si Yeso no makavonas so raraten no omanoyong jya tao.”

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Nimlivolivon 3:20

Ta ipanta na inyo so vayo a ikasaray no onowned nyo. Ta yarana nimai si Yeso a Misayya a nitovoy ni Ama ta do to.

Sipolay 1:1

No kakwa pa am masangib si Ama ta do to a somapasapa so pazyazimanan na so ciriciring na do ineynapo ta. O ciriciring na rana am patwawen da no panoyonoywan na so ciring ni Ama ta do to.

2 Pite 1:21

Ta o ciring no panoyonoywan na so ciring ni Ama ta do to a tao am beken a monganay jira. Ta o oyowyat no Seyzi o nisomidong sira. So ikanoyong no ciring da apo ji Ama ta do to.

2 Pite 3:2

Inaoy si mamimin nyo peyyanen do onowned nyo o mina ciring da no panoyonoywan na so ciring ni Ama ta do to a kano mina ciring na ni Yeso a Panirsirngen ta a mapatazadang jyaten do teyngato a ninanao da jinyo no nipamnekan na a omlivolivon no ciriciring na.

Ipaziman 18:20

“Somaray kamo do teyngato, ta yarana nimabalinas o rako a ili a meyngaran so Papilon. Inyo a yaomanop ji Ama ta do to a kano amlivolivon no ciriciring na ni Ama ta do to a kano panoyonoywan na so ciring am somaray kamo, ta na rana nipangonong inyo ni Ama ta do to. So na rana nipasingsingtan jya.”

Ipaziman 22:6

Maniring jyaken o tinsi am, “Yabo na kalalasan no ciring eya. Ta si Ama ta do to a yaniomoyat do panoyonoywan na so ciring am yanimanovoy so tinsi a mapaziman so yaomanam pa vazay do aro a lamlamsoy na. Ta ji rana meyyahahay a mai.”