Nimlivolivon 28:8 - Seysyo No Tao

⁸ No kanang am nimeyngen o velek na ni ama na ni Popaydi a kapeyingwat na pa sya. Mangay jya si Pawlo am paoptahen na o lima na do kataotao na a meynozi nya. Ori o nikapya na rana.

Nimlivolivon 28:8 ပူးပေါင်းရင်းမြစ်များ

Matay 10:1

Lovoten na ni Yeso o rarwa so ikakarwan (12) a macinanao jya a kapanta na nira so oyowyat da ipamozwaw da so kalamsoyan ni Satan a kapangiwakwak da so meykeyngeyngen a tao.

Matay 10:8

Iwakwakan nyo sira o meykeyngeyngen a tao. Avyain nyo sira o nimawakwak a tao, kapya da no omlabyab so kolit a tao a kapamozwaw nyo so kalamsoyan ni Satan a komovot do tao. Yabo o ngina na no oyowyat ni Ama ta do to a nitoro na jinyo. So icyakman nyo sang a ji macyami do sidongen nyo a tao.

Matay 12:13

Maniring rana si Yeso do meykazakazain so lima tao am, “Zanet pala o lima mo.” Zaneten na am todapya rana, kapeyyangay na rana no lima na.

Matay 9:18

Macisirsiring pa jira si Yeso am mai o asa ka meymatmatngeh no peyneynozyan a tao a meylilitod do tangain na ni Yeso. Maniring am, “Na kawakwak pa no anak ko a mavakes. Kapakamo mo am mangay mo pa parapongen o lima mo do anak ko a kavyay na rana.”

Make 16:18

Tana to da minani o tokza, omyop so makazazakat a kosozi am apya sira. No paoptahen da o lima da so meyngen a tao am todapya sira.”

Make 5:23

Maniring am, “Yatey makdeng o ingingnen no anak ko a mavakes. Mangay mo pa parapongen o lima mo jya keywakwak mo jya kapya na rana.”

Make 6:5

Am ori o ji na nimapeyvazai so mapeyzokab a vazay do ili da. So nikapereh no tao a niparapongan na so lima na a omiwakwak jira.

Make 7:32

Makarahan am yai da no tao o ji makamizing a ji makabnebnek a tao do tangain ni Yeso. Ta ipanci da si Yeso a mapaopta so lima na jya.

Locya 13:13

Paoptahen na o lima na ni Yeso am ji nimeyyahahay ori a matazineng rana so kataotao. Ori o nisarayan na nya ji Ama ta do to.

Locya 4:40

Somipsip o araw do makoyab am yai da no aro a tao o meykeyngeyngen ji Yeso kapaopta na so lima na jira ni Yeso a kapya da rana.

Nimlivolivon 28:7

Amyan dang so tao a macisngen so nihakawan a meyngaran si Popaydi a panirsirngen da. Macita na yamen am yangay na yamen do vahay da a taotawwen so katlo araw.

Nimlivolivon 28:9

Mamizing da o vazay ni Pawlo no tao do dang am meykayyai o meykeyngeyngen a tao. So ikamimin da apya rana a nipeynozi ni Pawlo.

Nimlivolivon 9:40

Karahan am powboten na sira ni Pite a kapeylilitod na meynozi a somazap so kataotao na ni Tapitay. Maniring am, “Mo Tapitay, peyvangon rana.” Meyratateng am meyvezezeng o mata na a makacita si Pite kapeyvangon na rana amlisna.

1 Kedinto 12:28

Do kyokay na ni Ama ta do to am yamakakaday o tao a nipamnekan na mahap so vazay na. O ney manma na am nipamnekan na ni Yeso a amlivolivon no ciriciring na. Tomonton am mangononong so ciriciring na. O ikatlo na am mangnanao no ciriciring na, katwatonton na rana no meyvazay so mapeyzokab a vazay a kapacyangay da rana no manvonas so ingingnen no tao a kano marilaw no icyatatao da kano makayokod no aro a sinjya kano meyzezyak so macitarek a ciring.

1 Kedinto 12:9

Yakman sang, ta na itoro do yasa ka tao o kakdeng no nakenakem na ji Ama ta do to, a na katoro nya do yasa ka tao so oyowyat na a yamvonas so ingingnen no tao.