Nimlivolivon 28:31 - Seysyo No Tao

³¹ a kapangnanao na no italamozong na ni Ama ta do to a kano omagaz ji Yeso Kizisto a Panirsirngen ta. So ikabo no ikamogaw na. So ikabo rana no itaysang a omza sya a meylimwang no ciriciring na ni Ama ta do to.

Nimlivolivon 28:31 ပူးပေါင်းရင်းမြစ်များ

Matay 4:23

Nilivolivon ni Yeso o peycyeylilyan na do Cyadidi a kapangnanao na so tao do peyneynozyan da do dang a meylimwang no italamozong na ni Ama ta do to a kapangiwakwak na so meykeyngeyngen a tao do dang.

Make 1:14

Aneban da si Yowani am mangay si Yeso do Cyadidi a meylimwang no Mapasaray a Ciriciring na ni Ama ta do to.

Locya 8:1

Meyratateng am nimlivolivon do peycyeylilyan na si Yeso a pangananawan na no Mapasaray a Ciriciring do katalamozong na nyaten ni Ama ta do to. O macihza jya am rarwa so ikakarwan a macinanao jya,

Nimlivolivon 20:25

“No keyyan ko pa jinyo am nipanci ko na jinyo o omagaz do italamozong na ni Ama ta do to. Am ko na to mancyan jinyo am ji nyo na cita yaken.

Nimlivolivon 23:11

Mahep rana am mai si Yeso do katangked ni Pawlo. Maniring am, “Ji ka onib, mo Pawlo an. To mo peynara no kapeylimwangan mo nyaken do Yelosaleng a meylimwang nyaken do Loma.”

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

Nimlivolivon 28:30

Mina kadwa kawan si Pawlo a nimeyvahay do nivood na vahay a kasaray na a tomaotao so mey manangangay nya tao,

Nimlivolivon 4:29

Am ori o pakatenngan mo jira so onowned a yaomalalaw jyamen. So sidongan mo jyamen, mo Panirsirngen a mahap so vazay mo a kaji namen a mogawan a meylimwang no ciriciring mo.

Nimlivolivon 4:31

Mateyka sira meynozi am todagoyogoyon o peynozyan da a kamimin da nioyatan no Seyzi. Ori o nikowyat da a meylimwang no ciriciring na ni Ama ta do to. Ori ji da rana mogawi.

Nimlivolivon 5:42

Mangday so araraw kangay da do rako a panaralayan a kado kavahayan a mangnanao so tao a meylimwang no Mapasaray a Ciriciring ni Yeso, do kanoyong na Misayya a nitovoy ni Ama ta do to do teyrahem.

Nimlivolivon 8:12

Ipeylimwang na ni Veydipo o Mapasaray a Ciriciring na ni Ama ta do to a omagaz do italamozong na kano ngaran ni Yeso Kizisto am anoyngan da no nimyan dang a mahahakay a kano mavavakes kataktak da jira.

Veydipi 1:14

Ta yada ikowyowyat so nakenakem ji Ama ta do to no akma tey kakteh do cinai a yajyanyahey a meylimwang no ciriciring na ni Ama ta do to.

2 Timotay 2:9

Am ori o ko nipeyrarahet a nivaod da no nilalin da vahalang. Am o ciriciring na ni Ama ta do to am jyasengsengi. So ikabo no makazazat jya.

2 Timotay 4:17

Am si Ama ta do to o yamyan do katangked ko a somidong jyaken a manta nyaken so oyowyat ko a meylimwang no ciriciring na do beken a tao do Yotay a kavyay na pa jyaken no kavovo da jyaken a wakwaken.