Nimlivolivon 27:29 - Seysyo No Tao

²⁹ Ikongo do ikanyahey da kasahag no avang, am ori o nipakasan da so apat a ka ipanenbong namen do maoji a omapanala so karaw na.

Nimlivolivon 27:29 ပူးပေါင်းရင်းမြစ်များ

Nimlivolivon 27:17

Mateyka namen rana pakedkeden o tataloran am imatkan namen no ovid o avang namen. Ta ihawa namen a makava. Ikongo do ikanyahey namen o avang a mangay somahag do kananayan do Siarti, am ori o nipakarwan namen so rako a vilad namen, kato namen rana macyocyozayan do angayan na nyamen no pagpag.

Nimlivolivon 27:26

Cyaha, ta amyan so asa ka likta pongso a kazadawan ta.”

Nimlivolivon 27:28

Paliwaten da o ovid a iktokto da do kararahem no awa am to ngyan so ikasi kapat na (40) anet no kararahem na. Ipirwa da aktoktwan am to ngyan so ikasi katlo na (30) anet.

Nimlivolivon 27:30

Ikongo do meykagcigcin sira o tao no avang, am ori o nipagcinan da so tataloran da. Am o karwan da am mangay sira do morong na akmey mapagcin so ipanenbong.

Sipolay 6:19

Yamyan rana jyaten so yata ipeyhanhan. So icyakma ney nitkehnan a lalitan no pahad ta, yarana jyagonagonay a meypangay nyaten do tangain na ni Ama ta do to.