Nimlivolivon 26:4 - Seysyo No Tao

⁴ “O iwawalam ko no kalyalikey ko, na kai sicya rarakeh ko na ya do ili namen a kado Yelosaleng am yada mamimin a katenngan no tao do Yotay.

Nimlivolivon 26:4 ပူးပေါင်းရင်းမြစ်များ

Nimlivolivon 22:3

“Yaken rana am tao do Yotay ko a nimatazak a tao do Tasose a macinapnap do Cidicya am nimamno ko do Yelosaleng eya. Nimeyvilang ko ji Cyamadi a tey mateneng a mangnanao no iwawalam ta tao do Yotay. Ori o nikakman ko jinyo a makdeng a omahap so iwawalam no ineynapo ta.

Nimlivolivon 24:14

Am yasa ka vazay pa o ko ji naywa jimo. Ori rana am ko anoyngan o da iraralay no ineynapo namen. Ko anoyngan o iwawalam ni Moyse a kano nivatvatkan da no panoyonoywan na so ciring ni Ama ta do to. So na ikanoyong no ko kahap so yada ipanci a malas a nanao.

Cyalatay 1:13

Nyo katenngan o iwawalam ko no kapacibedbed ko pa do anodan namen a tao do Yotay. Ta tey makdeng ko a mapakakasi so amraralay ni Yeso Kizisto a tao. Naknakmen ko o kawakwak ko sira.

Veydipi 3:5

Kawao araw ko pa nimatazak a tao am niyongkadan da na yaken no iweywawalam ta. Ta manoyong ko a Isedi a tao a macitetngehan ji Penyaming. So ikanoyong ko a macikownongan do Sipolay a tao. No hapen ta do iwawalam ta tao do Yotay am makdekdeng ko pa a mangozay jya, do kapacitetngehan ko do tao a macyagom do Vadisay.

2 Timotay 3:10

Imo rana mo Timotay am mo na nyahap o nanao ko a kano icicirawat ko a kano ahapan ko so vazay do karawan a kano onowned ko ji Ama ta do to. Mo katenngan yaken a ji macimaza do vazay ko ji Ama ta do to a kano pangangarilawan ko so icyatatao ko.