Nimlivolivon 26:24 - Seysyo No Tao

²⁴ Ji na pa teyka ni Pawlo o ciring na am to na amizing si Veyseto a amlololos. Maniring am, “Ka zomyak eya an? Ta yateywara rana o mo naknakmen a vazay.”

Nimlivolivon 26:24 ပူးပေါင်းရင်းမြစ်များ

Make 3:21

Mamizing da o akman sang a vazay no inyapwan na kada wari na am naknakmen da o kangay da nya do vahay da. Ta mamizing da o ciring no tao a manci nya zomyak.

Yowani 7:15

Isavasavak da no panipanirsirngen da no tao do Yotay. Maniring sira am, “Asyo o tao eya yateywara so ciring a yajya nimeyvatvatek asyo.”

Yowani 8:48

Maniring sira o tao do Yotay ji Yeso am, “Namen ipanci imo a tao do Samadiya a yakovotan. Manngwa, yamalas ori?”

Yowani 8:52

Maniring sira o tao do Yotay jya am, “Namen rana katenngan imo a yakovotan. Yarana nimawakwak si Apolahan a kano panoyonoywan na so ciring ni Ama ta do to. Am no ka maniring am, ‘O mahap so nanao ko am to meyyonong o akman sang a tao a ji rana wakwak.’

Nimlivolivon 17:32

Mamizing da si Pawlo a manci no keyyan no nimawakwak a tao a nimirwa mavyay am ipeykeykaming da. Maniring o tatasa jira am, “Namen tey kakza pa yamizngen o mo ipangnanao.”

Nimlivolivon 22:1

“Manga maran, manga kakteh, amizngen nyo o ko ipanci jinyo, manga keypong an.”

Nimlivolivon 24:25

Karahan am ononongan na rana ni Pawlo jira a meyyaven do vahay o kapiya no icicirawat a omzat do onowned mangay do ikarateng no araraw na no ipeykapyapinpin na so tao ni Ama ta do to. Mamizing na ori ni Veydise am manyahey rana o onowned na. Maniring ji Pawlo am, “Angay rana. No ipanci ko imo am mai ka.”

Nimlivolivon 24:27

Marateng o kadwa kawan am palitan na si Veydise no meyngaran so Pocyo Veyseto a meypanirsirngen. Am ikongo do kakzeben na ni Veydise no kaglaw da nya no tao do Yotay, am ori o ji na nimapasawai si Pawlo do pamemtengan.

Nimlivolivon 26:11

Masangib ko sira a pakakasin do peyneynozyan da a kapanci ko nira omalalas ji Yeso a iraralay da. So nikakdeng ko a macioya jira. Tomakatakaw kangay ko do teyhesa ka ili a mapakakasi sira.

1 Kedinto 1:23

Am yanamen ipeylimwang si Kizisto a nipadket da do jyojika. O akman rana sang do tao do Yotay am ipacimanig da. Am no citahen da o akman sang no beken a tao do Yotay am abwata o ayyaingan na.

1 Kedinto 4:10

Da ipanci yamen no tao do karawan a abo so kapsepsekan, do namen kapangnanao no ciriciring na ni Kizisto. Am inyo am nyo ipanci o kataotao nyo a mateneng a meyhanhan ni Kizisto. So nyo ikowyowyat pa ka nyamen. So da kolalahan jyamen a da kanig ninyo.

2 Kedinto 5:13

Tana ipanci da yamen no tao a meylamraw am cyaha, ji namen rata ori an, do namen kahap so vazay ni Ama ta do to. Am no si katenngan namen o apya kano marahet am cyaha, ta ipeypapya nyo.

2 Timotay 3:15

Ta mo manakem no ka kanakan mo pa am katenngan mo rana o Seysyo a yamnanao jimo. So ikatopos mo a meyhanhan ni Yeso Kizisto a mapatazadang jimo do kapyapyan.