Nimlivolivon 26:23 - Seysyo No Tao

²³ Ta o nipeylimwang da da Moyse am manoyong keyyan no alalaw ni Kizisto a wakwaken da. So ika iya na no ney manma na a nimirwa a mavyay. Ta iya o mapatazadang jyaten a tao do Yotay a kano beken a tao do Yotay.”

Nimlivolivon 26:23 ပူးပေါင်းရင်းမြစ်များ

Matay 26:24

Akman so ciring do Seysyo, ta mangay o kawakwak da so Nipamnekan na ni Ama ta do to a tao. Am o manazang nya tao am to makasi. Apyapya rana o kaji na nimatazakan a tao do karawan.”

Matay 27:53

Mirwa mavyay si Yeso am karwan da o heseb da a mangay rana do Yelosaleng. So ikaro no tao a nimakacita sira ang.

Locya 2:32

Iya rana am akmey araw a tomiray so beken a tao do Yotay. So torwan mo no azwazway mo jyamen a Isedi a tao.”

Locya 24:26

Manngwa, nyo jyatenngi o kangay no akman sang a alalaw no Misayya a kai na rana no azwazway na?”

Locya 24:46

Maniring pa jira am, “O nivatvatkan da do Seysyo a ciriciring am amyan so alalaw ni Kizisto. Ikatlo na araw am mirwa pa mavyay.

Yowani 10:18

Abo o tao a makapehes so inawan ko, ta yaken o yatomalamozong no kawakwak ko, kaji ko a wakwakan. Nakenakem ko kangay no inawan ko. To ko ngonongonongi o keypirwa ko a mavyay, ta nakenakem ni Ama o kahap ko so akman sang a vazay.”

Yowani 11:25

Maniring si Yeso am, “Yaken o mapeyvangon so nimawakwak a tao. Yaken o yapwan no inawan no tao. Tana nimawakwak rana sira o omanoyong jyaken am mirwa pa sira mavyay.

Nimlivolivon 13:34

Si Ama ta do to rana a nimapeyvangon sya do heseb na a ji mamyapya nya mirwa a mawakwak am maniring am, ‘To ko peynara ji Tawey o aryarilaw ko jinyo.’

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Nimlivolivon 26:8

Am inyo rana a tao do Yotay am ikongo nyo ji nganoyngi ji Ama ta do to a mapeyvangon so nimawakwak rana tao.

Nimlivolivon 3:18

No kakwa pa am nipanci na rana ni Ama ta do to do aro a panoyonoywan na so ciring o kapaziman da si Yeso a pakakasi nyo. Am yana nipangononongan sicyaikwaya o akman sang.

Nimlivolivon 3:24

Maniring pa si Pite am, “Tana si Samoar a kano yamapalipalit a panoyonoywan na so ciring ni Ama ta do to am nimamimin da rana nipanci o akman sya vazay sicyaraw eya.

1 Kedinto 15:3

Ninanao ko na jinyo o yaney makdeng na nimahap ko ji Yeso. Ori rana am nimawakwak si Yeso no raraten ta. So na idket do Seysyo no ciring eya.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

Kelosi 1:18

Yaten rana a yamraralay nya am akma ney kataotao yaten ni Yeso Kizisto. So ika iya na no yameymatmatngeh nyaten. Iya o na yapwan no to meyyonong a ikavyay no pahad ta. Iya am Anak na ni Ama ta do to a nimirwa mavyay. So ika iya na no ney manokdwan na do karawan.

Sipolay 2:10

O alalaw na ni Yeso Kizisto am ori o na nipazanodan jyaten akma ney anak ni Ama ta do to a macikasaray do azwazway na. Ta si Ama ta do to rana a nimangamaog so karawan a tomketken do karawan am yatey manoyong o vazay na. Ta si Yeso Kizisto o meypalanginan nyaten a mangay ji Ama ta do to.

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.