Nimlivolivon 26:18 - Seysyo No Tao

¹⁸ Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Nimlivolivon 26:18 ပူးပေါင်းရင်းမြစ်များ

Matay 4:10

Tovisan ni Yeso am, “Angay rana mo Satan! Ta o ciring do Seysyo am, ‘Iraralay nyo o Panirsirngen a Tao do to nyo. So ika iya na no iraralay nyo. Ta abo o ikararwa na a iraralay nyo an.’ ”

Matay 4:16

o amyan do yakasarisaryan a manyahey no kawakwak da am macita da rana o na cirain ni Ama ta do to a mapatazadang sira.”

Locya 1:77

Ipanci mo do omraralay nya tao o yana kavonas so raraten da ni Ama ta do to. So ikanoyong na mapatazadang sira do teyngato an,

Locya 1:79

a kaciray na so ji pa makateneng ji Ama ta do to a manyahey no kawakwak da tao, a kapangonong na nyaten do kapyapyan.”

Locya 2:32

Iya rana am akmey araw a tomiray so beken a tao do Yotay. So torwan mo no azwazway mo jyamen a Isedi a tao.”

Locya 24:45

Ori o icyakma dey mababa so nakenakem. So ipakateneng da do Ciriciring no Seysyo.

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Locya 4:18

“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.

Yowani 17:17

Peyyanen mo o ciring mo do onowned da. So ikanoyong da rana ji meylimoteng so onowned. Ta o ciring mo am tey manoyong.

Yowani 3:19

O Anak ni Ama ta do to am akmey zezak a nimai do teyrahem a amzezak so tao do karawan. Am ji dakzan no tao o kazngangan, ta ikeykakza da pa o kasarisaryan. Ta meyraraten pa sira. Ori o peypeypangayan no na pancyan nira a meyraraten.

Yowani 4:10

Maniring si Yeso am, “No mo katenngan o itoro na jimo ni Ama ta do to a mo kapakateneng do yamacyami jimo so ranom am ka ji mapasyasi jya. Ji na mantan imo so to meyyonong a ikavyay no pahad mo a ranom a.”

Yowani 4:14

Am o amyop so itoro ko a ranom am to sira meyyonong a ji rana awaw. O itoro ko jya ranom am akmey atbod do onowned na a komalangboy. So ikanoyong na makahap so to meyyonong a ikavyay no pahad na.”

Yowani 8:12

Maniring si Yeso jira am, “Yaken rana am zezak no karawan. O macilolo jyaken a tao am amyan jira o zezak no onowned da. So ji da rana ngyani do kasarisaryan.”

Yowani 9:39

Maniring si Yeso am, “O peypeypangayan no yako nyai do teyrahem am ko mapeykapyapinpin so tao. Ko iwangan o mata da no yakmey mavota so pahad a tao a kapakacita da rana. O mapakateneteneng do nanao na ni Ama ta do to am meyvaliw rana sira akmey mavota, abo so katentenngan.”

Yowani 9:5

No keyyan ko pa do teyrahem eya am zezak nyo yaken a tao do karawan.”

Nimlivolivon 10:43

Si Yeso o pakacirngan da so ciring da no panoyonoywan na so ciring ni Ama ta do to no kakwa. Ipanci da o ka si Yeso no makavonas so raraten no omanoyong jya tao.”

Nimlivolivon 13:47

Ta yamyan so na nipakolivava rana jyamen ni Ama ta do to a ciring na. Maniring jyamen am, ‘Ko na nipamnekan inyo a akma dey zezngang no beken a tao do Yotay. Ipeylimwang nyo do peycyamahamahatawan na o kapatazadang ko sira do teyngato.’ ”

Nimlivolivon 15:9

pacittan na no kapeyyangangay na jyaten a patazadangen do teyngato. Na nivonas o raraten da no beken a tao do Yotay, do da kanoyong rana ji Yeso.

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 20:32

“Sicyaikwaya am ko na to norwan inyo ji Ama ta do to. Ta ko ipeyhanhan o pangangarilawan na ni Ama ta do to a somidong jinyo a to ngotokot so nakem a meyhanhan nya. No si makman kamo sang am mahap nyo na o igeygeglaw na so omraralay nya tao.

Nimlivolivon 26:19

“Am ori mo Aglipa a panirsirngen, o ko to mangozai do yana nipanci jyaken ni Yeso no kapakacita ko sya.

Nimlivolivon 26:23

Ta o nipeylimwang da da Moyse am manoyong keyyan no alalaw ni Kizisto a wakwaken da. So ika iya na no ney manma na a nimirwa a mavyay. Ta iya o mapatazadang jyaten a tao do Yotay a kano beken a tao do Yotay.”

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Nimlivolivon 5:31

So na rana iyan do wanan na ni Ama ta do to a Panirsirngen ta a yamapatazadang jyaten do teyngato. Na kakzeben yaten a Isedi a tao a mamlis so nakenakem, ta ori o ivonas na so raraten ta.

Loma 8:17

No manoyong o kakma tey anak ni Ama ta do to am manoyong keyyan no itoro na jyaten no makwa. So ikakman ta sang a macikasaray do Anak na si Yeso Kizisto. Ta yaten rana am no macyanod ta do alalaw na ni Kizisto am macikazway ta do azwazway na.

1 Kedinto 1:30

Am si Ama ta do to o yanimapanop jinyo ji Yeso Kizisto. So na ikanoyong a na yapwan no teneng ta. Iya o na niyapwan no yamvonas so raraten ta. Am ori o na abnekan jyaten ni Ama ta do to a abo so raraten do tangain na. So icyakma tey matnaw a ranom so onowned a macilovot ji Ama ta do to a ji na rana nalamozongan no raraten.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

2 Kedinto 6:14

Ji kamo macizanod so onowned do ji manaralay a tao an. Ta ji meyyangay o pangtoktwan nyo a ka nira. Ta jyabo kapeyzavoz no apya kano marahet a. Akman sang o mazngang a kano kasarisaryan, ta ji meyzavoz.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

Cyalatay 3:14

O nikakman na sang ni Yeso Kizisto am ikakza na o aryarilaw na ni Ama ta do to si Apolahan a mangay na itoro do beken a tao do Yotay. So ta rana ikamimin a makahap so Seyzi a nipanci na itoro na jyaten ni Ama ta do to, do kapeyhanhan ta nya.

Cyalatay 3:2

Pancyan kamo pala jyaken. Iwawalam na ni Moyse o yanyo ipakahap so Seyzi na ni Ama ta do to? No yapo do yanyo nimamizing a Mapasaray a Ciriciring na ni Ama ta do to.

Ivoso 1:11

O makakaday do karawan am abo ji mangozay do ahahapan na sya ni Ama ta do to. So na to mangozai do nakenakem na a mapanop jyamen a amraralay ni Yeso Kizisto a tao do Yotay a akma ney anak a macikaop ji Kizisto.

Ivoso 1:14

O Seyzi na ni Ama ta do to am ori o akma tey yongkad a somidong jyaten a omamoon so nipanci na itoro ni Ama ta do to do monganay jya tao. So ikanoyong na ni Ama ta do to a mapatazadang jyaten do teyngato a yaomanoyong jya tao. So sarayan ta ni Ama ta do to a tey mazway a Tao do to!

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Ivoso 2:8

Na nyahap inyo do peyraratenan nyo, ta nyo rana ipeyhanhan si Kizisto. O nyo ipakahap so sang am beken a oyowyat nyo, ta omagaz do pangangarilawan na ni Ama ta do to a na yazaw jinyo.

Ivoso 4:18

Onowned da am yakmey kasarisaryan. Yabo da kasngesngenan do vayo a onowned a yapo ji Ama ta do to. So da ikanoyong a yaji macipayok so nakenakem ji Ama ta do to.

Ivoso 5:11

Ji nyo nginara o marahet a vazay da no amyan do kasarisaryan a yameyraraten a tao. Ta apyapya o kapacimalag nyo so apya vazay nyo jira. Ta ori o ipakateneng da do marahet a vazay da.

Ivoso 5:14

Am ori o pancyan da nya, “Kayokay rana yamitkeh a tao. Pamlis kamo na, yapa meyraraten. Ta cirain na inyo ni Kizisto.”

Ivoso 5:8

Ta no kakwa am nimyan kamo do kasarisaryan a ji makateneng ji Ama ta do to. Am sicyaikwaya am kamo na macikaop ji Yeso Kizisto a Panirsirngen ta. So yanyo iyan rana do kazngangan. Am ori o inaran nyo so icicirawat da no tao a yamakateneng rana do ciriciring na ni Ama ta do to.

Ivoso 6:12

Ta yaten rana am beken a ta macililiman do tao. Ta tamo macililiman ji Satan a kano aro a kalamsoyan na yatomalamozong no meyraraten a tao do karawan.

2 Timotay 2:26

Tana meypasngen sira do raraten da omamizing so ciring na ni Satan am amyan so kasaraw a ikaro da do littan na jira.

Sipolay 10:10

Na nipangononongan ni Yeso o nakenakem ni Ama ta do to a yamahap so vazay na a yamapasansan so kataotao na do jyojika. Am yaipisaha na kato miminan so raraten ta yanivonas.

Sipolay 10:14

Ipisa si Yeso a nimvoyog so rala a kavonas na rana no raraten da no omanoyong jya tao a mangay do kaidan no karawan.

Sipolay 11:6

No abo panganoyngan no tao am ji na narayan ni Ama ta do to. O mai do tangain ni Ama ta do to a tao am anoyngan da o keyyan ni Ama ta do to a macikaop jira a marilaw no komakzeb sya tao.

Sipolay 9:15

So ikanoyong ni Kizisto a yatomalamozong no vayo a pangozayan a ciring na ni Ama ta do to a somidong so nipamnekan na tao a omahap so nakem na jira. So na ikanoyong ni Kizisto a niomagag sira do raraten da a ji ngonot do manmanma pangozayan a ciring a nitaid na ji Moyse ni Ama ta do to.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

1 Pite 1:4

So tamo ikanoyong a yaomamoon so peymeymasaodan na ni Ama ta do to a omanoyong jya tao. To meyyonong o itoro na jinyo do teyngato ni Ama ta do to.

1 Pite 2:25

Kamo akmey mavozaw a kagling a ji makateneng do rarahan. Am na rana nipaoli inyo. So yanyo ipacilolo rana jya a yana apzatan so pahad.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

1 Yowani 1:9

Am no si ji ta naywa o raraten ta ji Ama ta do to a yaji mapeycyakaban so tao am vonasen na o raraten ta, do kapangononong na do ciring na. So icyakma tey nikowyasan a malavang so onowned a abo rana so karatan.

1 Yowani 2:12

Ko ipeyteygami inyo a akma koy anak, ta o raraten nyo am yana rana nivonas ni Ama ta do to, do kanimawakwak na nyaten ni Kizisto.

1 Yowani 3:8

O meyraraten pa tao am macibedbed pa ori ji Satan. Ta nimeycicinda no kakwa o kapeyraraten na ni Satan. Ori na nyai no Anak ni Ama ta do to a ombalinas so vazay ni Satan.

1 Yowani 5:19

Tamo katenngan o kapacikaop ta ji Ama ta do to. So ta pakatenngan do kapacikownongan da ji Satan no yaji manganoyong a tao do karawan.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.

Ipaziman 21:27

Am o meyraraten a kano marahet so iwawalam a kano mangalalas am ji sira makasdep. O amyan so ngaran do vakong no Kagling a yanan rana no to meyyonong a ikavyay no pahad da am ori o makasdep.