Nimlivolivon 26:17 - Seysyo No Tao

¹⁷ Ko tovoin imo a meylimwang nyaken do tao do Yotay a kano beken a tao do Yotay. No si myan so omraherahet jimo am cyaha, ta apzatan ko imo.

Nimlivolivon 26:17 ပူးပေါင်းရင်းမြစ်များ

Nimlivolivon 13:50

Am pasozisozin da no tao do Yotay o maizay a mahakay a kano meynakem a mavakes a omraralay ni Ama ta do to a mapakakasi si Pawlo a kani Parnapo. Ori o nipowbotan da sira do ili da.

Nimlivolivon 16:39

Am ori o nyangay da do pamemtengan a meyminaminasi nira kapowbot da rana sira komaro do ili da.

Nimlivolivon 17:10

Mahep rana am yangay da si Pawlo a kani Sila no akma dey kakteh do cinai do Peyloya. Makaranes rana sira do dang am somdep sira do peyneynozyan no tao do Yotay.

Nimlivolivon 17:14

Am ori o nyangayan da ni Pawlo no sinjya do minato. Si Sila kani Timotay am nimavezed sira do Peyloya.

Nimlivolivon 18:10

ta amyan ko a macikaop jimo. So ikabo no makagogad nimo. Ta do ili rana ya am sira aro o tao meypaza pa omanoyong jyaken.”

Nimlivolivon 25:3

a kapanci da ni Veyseto a omya so tao a mangay ni Pawlo do Yelosaleng. Ta naknakmen da o kavat da ji Pawlo do rarahan a zakaten da sya.

Nimlivolivon 28:28

Maniring pa si Pawlo am, “Inyo rana am anoyngan nyo si Ama ta do to a yarana mapatazadang so beken a tao do Yotay no ciriciring na, do da kapeyhanhan nya.”

Nimlivolivon 9:15

Maniring jya si Yeso am, “Mangay ka, ta ko nipamnekan si Sawlo a mahap so vazay ko a meylimwang no ngaran ko do beken a tao do Yotay a kano aro a panipanirsirngen, pacyangayan nyo a Isedi a tao.

Loma 11:13

Yako pacisirsirngan inyo a beken a tao do Yotay. Yako tey masaray a nipamnekan ni Yeso Kizisto a omlivolivon no Mapasaray a Ciriciring na ni Ama ta do to jinyo a beken a tao do Yotay.

Cyalatay 2:9

Am katenngan da no panipanirsirngen do kyokay a si Yake a kani Pite a kani Yowani o ka yaken na no nipanta na ni Ama ta do to so oyowyat a meylimwang no Mapasaray a Ciriciring na do beken a tao do Yotay am isaray da yaken a kani Parnapo. Am ori o mina to da macipanadngi jyamen a meylimwang no Mapasaray a Ciriciring na ni Ama ta do to do beken a tao do Yotay. Am sira am to sira tarek a mapamizing so tao do Yotay.

1 Timotay 2:7

O nipamnekan na jyaken a omlivolivon no ciriciring na do beken a tao do Yotay am nanawen ko sira a kapakateneng da rana jya a meyhanhan no manoyong a nanao. So ko ji mangononongi so malas. Ta yamanoyong o ko ipanci.

2 Timotay 1:11

Na nipamnekan yaken ni Ama ta do to a amlivolivon a meylimwang no Mapasaray a Ciriciring na a ipangnanao so tao.

2 Timotay 3:11

Mo katenngan o ko kato nazibwan no aro a alalaw ko do Antia kado Ikenyan a kado Disetela. Am kanisomidong na jyaken ni Yeso a komaro do akman sang a nipeyrarehtan da jyaken no tao.