Nimlivolivon 25:5 - Seysyo No Tao

⁵ So pancyan nyo no kamanrarakehan a macihza jyaken a kapanci da no karatan no tao ang, no si makaranes sira do dang.”

Nimlivolivon 25:5 ပူးပေါင်းရင်းမြစ်များ

Nimlivolivon 18:14

Naknakmen na ni Pawlo o kapeyzezyak na am to na amizing si Cyadien a mapacici so aro a tao do Yotay. Maniring am, “No si marahet o akman so sang a vazay am to ko ngamiznga inyo.

Nimlivolivon 23:30

Mamizing ko o keyyan no amvovo jya wakwaken am ori o ko peyteygamyan nimo a omzat jya. O ko nipanci do tao do Yotay am, ‘Mangay kamo pa do kabtekan ta panirsirngen a manci no agagazan no yanyo nirakpan si Pawlo.’ ”

Nimlivolivon 24:8

Na nipanci yamen ni Disiya o kangay namen ni Pawlo jimo.] Si pacicin mo o tao ito am to mo na tenngi o peypeypangayan no nirakpan namen sya.”

Nimlivolivon 25:16

Am maniring ko jira am, ‘No pangozayan o iwawalam no tao do Loma am no jya nipacici pa kabo no asa ka ciring a nipanci na a omagaz do karatan na am masalit o kato wakwakan so akman sang a tao.’

Nimlivolivon 25:25

Nyamizing ko na o ciring na am abo teywara a karatan na. O na ikakza no tao eya am pacicin no rako a panirsirngen do Loma. Am ori o ko na to novoi sya mangay do Loma.

Nimlivolivon 25:4

Am maniring jira si Veyseto am, “Yapa myan si Pawlo do pamemtengan do Kaysadiya. Cyaha, ta makeykai ko a meysinaoli do dang.

Nimlivolivon 25:6

Mina kapito araw si Veyseto a nimyan do dang a kapeysinaoli na rana a mangay do Kaysadiya. Ikadwa na araw am iwangan na o pacicicyan a kai da rana ni Pawlo do tangain na.