Nimlivolivon 25:25 - Seysyo No Tao

²⁵ Nyamizing ko na o ciring na am abo teywara a karatan na. O na ikakza no tao eya am pacicin no rako a panirsirngen do Loma. Am ori o ko na to novoi sya mangay do Loma.

Nimlivolivon 25:25 ပူးပေါင်းရင်းမြစ်များ

Locya 23:14

Maniring jira am, “O nyo nyai jyaken a tao eya am yakmey yamapasozisozi so aro a tao. Am ko pacicin do nyo tangain am ko ji makakala so yasa ka raraten na.

Locya 23:4

Meyratateng am ipanci na ni Pilato do panipanirsirngen da no mapatanatanang so nakem da si Ama ta do to a kano aro a tao. Maniring am, “Ko ji makakala so yamakdeng a raraten no tao eya.”

Yowani 18:38

Maniring si Pilato am, “Ikongo o manoyong a nanao.” Karahan am makowbot si Pilato. Maniring do aro a tao do Yotay am, “Ko ji makakala so yasa ka raraten na a yako pangozayan a oyyan ko nya.

Nimlivolivon 23:29

O nioyyan da nya am ipanci da o kaji na ngapan no iwawalam da no tao do Yotay. Am ko jyatenngi o peypeypangayan no da wakwakan sya, da aptengan sya.

Nimlivolivon 23:9

So nikarakorako pa no ilololosan da. So nipeytatanek da no karwan da no tao a macyagom do Vadisay a mangnanao no iwawalam ni Ama ta do to. Maniring sira am, “Namen jyakala o na karatan no tao eya. Tana yamyan so tinsi a kano pahad a macisirsiring jya am ta karatan nya.”

Nimlivolivon 25:26

Am yabo o ko nivatvatkan a karatan na a citahen no panirsirngen no Loma. Am ori o ko nyayyan nya jimo, mo Aglipa a panirsirngen namen, a ka ninyo a aro a tao a yaomamizing sya. Ta sidongen nyo pa yaken a manci no karatan na, kavatvatek ko jya. Ta ori o iyan no vatvatkan ko a citahen no panirsirngen do Loma.

Nimlivolivon 26:31

Amyan rana sira do pantaw am maniring sira do kadwan jira am, “Ikongo peypeypangayan no kato tamtengan sya, kato ta wakwakan sya.”

Nimlivolivon 27:1

Ikongo do nipamnekan da no panipanirsirngen o kangay da ni Pawlo do Itadi, am ori o nitorwan da ni Pawlo a kano aro a nipteng da do mimong no itaysang no Loma a meyngaran si Sodian.

Nimlivolivon 28:18

No kapacici da jyaken am ji da kala o karatan ko a izakat da jyaken. Ori o naknakman da so kapasaway da jyaken.