Nimlivolivon 24:5 - Seysyo No Tao

⁵ Namen katenngan si Pawlo a na yapwan no ipeyvonag no tao do Yotay do peycyamahamahatawan na, a panirsirngen da no tao a yaomanoyong ji Yeso a tao do Nasale.

Nimlivolivon 24:5 ပူးပေါင်းရင်းမြစ်များ

Matay 10:25

O macinanao a tao am amyan so kasaraw a ipacingay da do amnanao sira. Akman sang o peylamsoin da tao, ta amyan so kasaraw a ipacikto da do mapeylamsoy sira tao. No ngaranan da o makayokod no asa ka vahay so marahet a ngaran a Peysepo am jyabo kaji da to macizagoman no macivahay jya tao a.

Matay 2:23

O meyngaran so Nasale a ili am ori rana o nikaplinan da meyvahay. O icyakman na sang no vazay am todey mangononong o mina ciring no panoyonoywan na so ciring ni Ama ta do to. Ta maniring sira am, “Iya rana am ngaranan da tao do Nasale.”

Make 1:24

Maniring a amlololos am, “Imo a Yeso a tao do Nasale am ikongo mo kakzeben jyamen. Mo yamen balinasen? Ko imo katenngan. Imo am na nitovoy imo no Tao do to a tey yapya so nakenakem a tao.”

Locya 23:19

Si Palapa rana am mapasobsobna do seyvo a kapanwakwak na so tao. Am ori o niptengan da sya.

Locya 23:2

a kalavat da rana so iraherahet da sya. Maniring sira am, “Namen nimacita ya yamapasozisozi so keylyan ta a na kapanci pa no ji noro so deyking do panirsirngen a na kapanci no kataotao na si Kizisto a panirsirngen.”

Locya 23:25

Meyratateng am pasawain na si Palapa a nipteng da nimapasobsobna do seyvo a nimanwakwak so tao a katoro na ni Yeso jira a peyyaliliman da.

Locya 23:5

Am ikavevevek da amlololos no tao a manci no, “Yanimangnanao ori do Yotay eya. Am na papwen do Cyadidi yana kangay nya do jya so na pasozisozyan so aro a tao.”

Nimlivolivon 15:5

Maniring o tatasa ka amraralay ni Yeso a tao a macyagom do Vadisay am, “Jyabo kaji da yongkadan do kataotao da no beken a tao do Yotay a mangozay do iwawalam ni Moyse a.”

Nimlivolivon 21:28

Maniring sira am, “Inyo rana Isedi a tao am sidongen nyo yamen an. Ta si Pawlo rana am yaro na nipanci a macisala do iwawalam ta, na niraherahet yaten a Isedi a tao a na kapazagom pa sya a yarehrehten so iwawalam na ni Moyse a kano rako a panaralayan ta. Ta sicyaikwa rana ya am na todey rara sira a yasomdep o beken a tao do Yotay do rako a panaralayan ta. So ikanoyong na nya ya meyraraten.”

Nimlivolivon 22:22

Mamizing da no tao o niononongan ni Pawlo am amlololos sira manci no, “Zakaten ta si Pawlo. Zakaten ta si Pawlo. Jyabo kavyay so akman sya ya.”

Nimlivolivon 24:14

Am yasa ka vazay pa o ko ji naywa jimo. Ori rana am ko anoyngan o da iraralay no ineynapo namen. Ko anoyngan o iwawalam ni Moyse a kano nivatvatkan da no panoyonoywan na so ciring ni Ama ta do to. So na ikanoyong no ko kahap so yada ipanci a malas a nanao.

Nimlivolivon 24:4

Yabo a yamasalit a ko isanga jimo am amizngen mo pa o alinged a ciring namen.

Nimlivolivon 25:7

Mai rana si Pawlo am o apo do Yelosaleng aro a tao am limoten da a kapanci da no itawwen da ciring a iraherahet da sya. Am abo do dang o manoyong a ciring da.

Nimlivolivon 26:5

No si manakem da o mina vazay ko no kakwa am anoyngan da rana yaken a tey makdeng so nakem a tao a macyagom do Vadisay a ji mapasala do iwawalam namen a tao do Yotay.

Nimlivolivon 28:22

Am pancyan pala jyamen, ta namen katenngan inyo a yamraralay ni Yeso a da pacioyyan no aro a tao do peycyeylilyan na.”

Nimlivolivon 5:17

O rako a panirsirngen da no mapatanatanang so nakem da si Ama ta do to a kano kararay na macyagom do Satokay am ikeynanahet da sira o nipamnekan ni Yeso a omlivolivon no ciriciring na.

Nimlivolivon 6:13

So niyan da do dang no nipanta da so nizpi a tao a mangamaog so malas a ciring a iraherahet da sya. Maniring sira am, “O tao rana ya am yamangday a yamraherahet so rako a panaralayan ta ya kano iwawalam ni Moyse.

1 Kedinto 11:19

So na jyalasi no nyo kasyasyay so nakem. Ta ori o ipakateneng do manoyong rana so nakem ji Ama ta do to.

1 Kedinto 4:13

No yada yamen pasnesneken am namen tovisan sira no apya a ciriciring. Na kai sicyaikwaya no yada pancyan nyamen a akmey ibeybek no karawan, abo so angangayan a tao.

1 Pite 2:19

No abo kalasan nyo a to nazibwan no peyrarehtan da jinyo am isaray na o akman sang ni Ama ta do to. Ta onowned nyo am ahapen nyo o vazay na ni Ama ta do to.