Nimlivolivon 24:25 - Seysyo No Tao

²⁵ Karahan am ononongan na rana ni Pawlo jira a meyyaven do vahay o kapiya no icicirawat a omzat do onowned mangay do ikarateng no araraw na no ipeykapyapinpin na so tao ni Ama ta do to. Mamizing na ori ni Veydise am manyahey rana o onowned na. Maniring ji Pawlo am, “Angay rana. No ipanci ko imo am mai ka.”

Nimlivolivon 24:25 ပူးပေါင်းရင်းမြစ်များ

Matay 22:5

Am to da nazibwan no nitaidan na tao, do kasanga da no vazay da. O asa am nimangay do nihakawan na. O asa am nimangay a tomita so pananazangan na.

Yowani 16:8

Si mai ori am patwawen na do tao do karawan o meyngongyod a raraten a kano meyngongyod a apya vazay a kano ipasingkad na so tao ni Ama ta do to.

Nimlivolivon 10:42

Nipakoyokoy na jyamen o kapeylimwang namen no kanoyong na ni Yeso a nipamnekan ni Ama ta do to a mapacici so mavyay a kano nimawakwak a tao.

Nimlivolivon 17:13

Am mamizing da no tao do Yotay a meyili do Tesalonicya si Pawlo a meylimwang no ciriciring na ni Ama ta do to do Peyloya am mangay sira o tao do Yotay a mapeyvonag so aro a mangamizing a tao.

Nimlivolivon 17:2

So to na mangozai ni Pawlo do mina iwawalam na no kakwa pa mangay do peyneynozyan. Ipitlo do ipeywalam no tao a macinekanekad do tao a mangnanao no nivatvatkan a Ciriciring na ni Ama ta do to,

Nimlivolivon 17:32

Mamizing da si Pawlo a manci no keyyan no nimawakwak a tao a nimirwa mavyay am ipeykeykaming da. Maniring o tatasa jira am, “Namen tey kakza pa yamizngen o mo ipangnanao.”

Nimlivolivon 2:37

Mamizing da no aro a tao am marahet o onowned da. Am ori o nipacicyan da si Pite a kano kararay na a nipamnekan ni Yeso a omlivolivon no ciriciring na. Maniring sira am, “Manga kakteh, makongo namen so wanjin eya.”

Nimlivolivon 24:15

Ko akman sira yaomanoyong do keypirwa da mavyay no nimawakwak rana tao, tana marahet a tana yapya so vazay a tao am to sira meyyangangay a mirwa mavyay.

Nimlivolivon 24:26

O pancyan na no akman sang am kakzeben na si Pawlo a mantan nya so nizpi. Am ori o ikasangib na amrara si Pawlo.

Nimlivolivon 26:28

Maniring si Aglipa ji Pawlo am, “Mo panopen yaken a yaomanoyong ji Kizisto?”

Nimlivolivon 9:6

Peyvangon rana mangay do ili, ta yamyan so asa ka tao a manci nya jimo so vazay ko jimo.”

Loma 12:1

Manga kakteh, ko vavagan inyo an. Ta yatey rako na kasyan nyaten ni Ama ta do to. Am ori o torwan nyo no kataotao nyo a italamozong na a komaro do raraten nyo. Ta ori sarayan na ninyo ni Ama ta do to a meyngongyod so onowned a amraralay nya.

Loma 14:12

No si akman sang am mamimin tamo a mangay do tangain na pacicin na ni Ama ta do to no makwa.

Loma 2:16

O yako ipeylimwang a Mapasaray a Ciriciring na ni Ama ta do to am no si marateng rana o yai ni Yeso Kizisto a mapeykapyapinpinan so tao am patwawen na rana o makakaday a taywen no tao do onowned da.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

2 Kedinto 5:10

Ta mamimin tamo eya a mangay do tangain ni Yeso Kizisto a pacicin na. To na palololwa do mina vazay ta do karawan o itoro na jyaten.

2 Kedinto 6:2

Ta maniring si Ama ta do to am, “No katawag nyo jyaken am nimamizing ko na inyo an. No keyyan no alalaw nyo am nisidong ko inyo an.” Amizngen nyo an. Ta sicyaikwa rana ya am na pantan yaten so pangangasyan na ni Ama ta do to. Sicyaraw eya am manoyong a araraw no na isidong jyaten ni Ama ta do to.

Cyalatay 3:22

Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Cyalatay 5:23

ji mapahama so nakem, ji to mangozangozay do nakem. So ikabo no pasobnan na a ciriciring na ni Ama ta do to no akman sang a tao.

2 Timotay 4:1

Yako vavagan imo do tangain na ni Ama ta do to a kani Yeso Kizisto. Katenngan ta, ta no makwa am meygegcin si Yeso Kizisto a tomalamozong no vayo a karawan. Ta iya o mapeykapyapinpin so mavyay a kano nimawakwak rana tao.

Tito 1:8

Isaray na o kapanaotao na so tao. Isaray na o kapanidong na so tao. Apzatan na o onowned na, kapiya na no icicirawat na. Akmey mazngang o onowned na a ji nala so nakenakem.

Sipolay 12:21

So ikanoyong na tey manganyahey no nimacita da. Am ori o nipancyan na nya ni Moyse so, “Ko na to zikzik a yamanyahey.”

Sipolay 3:13

Mangday kamo do araraw a amvavaga do kadwan jinyo do yanyo ikavyay pa ya. Ta kalittan o tatasa jinyo a to nazibo ni Ama ta do to.

Sipolay 4:1

Am ori o naknakman nyo so kato nyo ngotokotan so nakem a omanoyong ji Ama ta do to. Ta no si ji kamo manganoyong am ji kamo macikaop ji Ama ta do to.

Sipolay 6:2

a kano nanao na jyaten do manaktak a kano panlanlagan da nyaten no tao a mapaopta so lima da jyaten a kano nanao a omaing do mirwa mavyay a kano nanao na omaing do peykapyapinpinan na so tao ni Ama ta do to. Ta o akman rana sang am yatey masangib rana ori a yata mamizing.

Sipolay 9:27

Mamimin o tao a ipisa mawakwak. Am no mawakwak o tao am pacicin na ni Ama ta do to.

Yake 2:19

Apya o kanoyong ta ji Ama ta do to a abo so ikararwa. Am ji pa makanet o akman sang. Ta tana o kalamsoyan ni Satan am anoyngan da o keyyan na ni Ama ta do to. Am kazikzik da a manyahey nya.

1 Pite 3:15

Ji kamo a haha so nakem ji Kizisto. Iraralay nyo a panadnaden o Panirsirngen nyo. Mangday kamo do araraw a omnakenakem so itovis nyo do mapacici jinyo, do raralayan nyo ni Ama ta do to a mapatazadang jinyo do teyngato.

2 Pite 1:6

Apzatan nyo o onowned nyo do icyatatao nyo. Meypahagnat kamo so onowned a ji mapeyyan do onowned nyo so makakaday a alalaw. Ta ori o ikakdeng nyo rana so nakem a amraralay ni Ama ta do to.

1 Yowani 3:10

O peytarkan no anak ni Ama ta do to a kano macibedbed pa ji Satan am o macibedbed pa ji Satan am ji dakzan o apya. Ji da arilawan o icyatatao da.

1 Yowani 3:7

Manga ovay, ji kamo a litai an. O apya so icicirawat a tao am manoyong o akman sang a ji meylimoteng so onowned a tao, akman si Kizisto a ji meylimoteng so onowned.