Nimlivolivon 24:17 - Seysyo No Tao

¹⁷ “Yarana meyyawawan o ko nikarwan do Yelosaleng. Am o ko nipeysinaoli a mangay do Yelosaleng am ko yangay o kingking da no akma koy kakteh do cinai a da isidong so tao do Yelosaleng. So nyangay ko pa do rako a panaralayan a mapatanang so nakem ko si Ama ta do to.

Nimlivolivon 24:17 ပူးပေါင်းရင်းမြစ်များ

Nimlivolivon 20:16

Nakenakem na ni Pawlo o kaji namen neykedan do Ivoso, ta ihawa na kasengseng namen do Yasiya, ta meybezbez si Pawlo a mangay do Yelosaleng. Ta ikakza na o kapakapis na so pamaringan da so kanen no tao do Yotay do Osinci.

Nimlivolivon 20:31

Ori o apzatan nyo do onowned nyo an. Manakem nyo o ninanao ko jinyo a nimeykaoo ninyo an. Ta mina katlo a kawan ko a mangday so araraw a kano ahep a amnanao jinyo.

Nimlivolivon 21:26

Ikadwa na araw am palolwen na sira o papat a ka tao ang ni Pawlo a mangay mahap so iwawalam da no tao do Yotay. So nyangay ni Pawlo do rako a panaralayan a mapaziman sya do mapatanatanang so nakem da si Ama ta do to a mapatanang na nira so nakem da si Ama ta do to no papat a kararay na.

Nimlivolivon 24:26

O pancyan na no akman sang am kakzeben na si Pawlo a mantan nya so nizpi. Am ori o ikasangib na amrara si Pawlo.

Loma 15:31

Ipeynozi nyo yaken, a kaji da manaptan jyaken no ji manaralay a tao a meyvahay do Yotay, a kasaray da no sinjya do Yelosaleng a mahap so kingking a yako yangay jira.

2 Kedinto 8:6

Am ori o namen kakzeban si Tito a to ngyan jinyo do dang a somidong jinyo a mapakavos so nipamnekan nyo a vazay a marilaw no akma nyoy kakteh do cinai.

2 Kedinto 8:9

Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

2 Kedinto 9:12

Ta o kingking nyo am yamanoyong yamakasidong so sinjya. So ikanoyong da no aro a tao a somaray nya ji Ama ta do to.

Cyalatay 2:10

Da kakzeben yamen a makanakem so makcin a tao do Yelosaleng. O akman rana sang am yamangday ori a yako naknakmen a vazay.