Nimlivolivon 24:16 - Seysyo No Tao

¹⁶ Am ori o ko ikakdekdeng a mahap so yapiya vazay do tangain ni Ama ta do to a kado tangain no tao.

Nimlivolivon 24:16 ပူးပေါင်းရင်းမြစ်များ

Nimlivolivon 23:1

Singkadan na sira ni Pawlo o macipeykaygi a tao. Maniring jira am, “Manga kakteh, o iwawalam ko no kalyalikey ko am abo pasagpyanan ko so nakenakem ko do tangain ni Ama ta do to a yato ngai sicyaraw eya an.”

Loma 2:15

O apya icicirawat da am yongkad na ori no keyyan na do onowned da no iwawalam na ni Ama ta do to. Ta katenngan da o apya kano marahet a nakenakem da.

Loma 9:1

Sicyaikwa rana ya am yamanoyong ko ipanci jinyo. Ji ko palasa o ciring ko, ta ko macikaop ji Kizisto. Yako katenngan o ko ipanci, ta o Seyzi am ori o tomalamozong no onowned ko.

1 Kedinto 10:32

Am ori an, ji nyo mamyapyai no kapacinara da jinyo a meyraraten no tao do Yotay a kano beken a tao do Yotay a kano tao do peycyakyokyokayan na.

1 Kedinto 4:4

Yako jyatenngi o keyyan no ko karatan. Am yako ji mancyan o kabo na. Ta si Ama ta do to o manoyong a makateneng jya.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 4:2

Namen ji ngapa o macimanig a vazay. Namen ji mangalalas. Namen ji palasa o ciriciring na ni Ama ta do to, ji powziba o nanao ni Ama ta do to. Ta ipacita namen do tao o icicirawat namen, do kanoyong namen a lamlamsoy na ni Ama ta do to.

1 Tesalonicya 2:10

No kapacikaop namen pa jinyo do dang am o ciriciring namen a kano icicirawat namen am apiya macita nyo. Abo o malas a vazay namen. Cyaha, ta inyo a kani Ama ta do to am yongkad no vazay namen ang.

1 Timotay 1:19

So peyhanhanan mo ni Yeso a kahap mo so apiya nakenakem mo. Ta amyan so tao a mapasala so nakenakem da. Am ori o ikatarek na no anoyngan da.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

1 Timotay 3:9

Ney yapya na am ji meylimoteng o onowned da omanoyong do nanao ni Yeso Kizisto.

2 Timotay 1:3

Yako isaray ji Ama ta do to o namen kapeyyangay a kano ineynapo namen a yaji meylimoteng so nakem a yamraralay nya. Yamangday no ko meynozi do mahep a kado maraw o yako kapakanakem jimo.

Tito 1:15

Ta o ji meypinarek so onowned a tao am abo marahet jira kanekanen da. Am o meyraraten a ji manaralay a tao am abwata o asa ka vazay da apya, mangay do nakenakem da kano onowned da ji macipayok.

Sipolay 10:22

Am ori o ikanoyong ta jyablis so onowned a akmey nioyasan so onowned a kano kataotao a omanop ji Ama ta do to.

Sipolay 13:18

Ji nyo amtadan yamen a ipeynozi. Ta namen anoyngan o kapya no vazay namen do tangain no tao a kani Ama ta do to.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

1 Pite 2:19

No abo kalasan nyo a to nazibwan no peyrarehtan da jinyo am isaray na o akman sang ni Ama ta do to. Ta onowned nyo am ahapen nyo o vazay na ni Ama ta do to.

1 Pite 3:16

Am panalawbowen nyo o nakem nyo a tomovis do akman sang a tao. Ji kamo meylimoteng so onowned a kanig da no mapanyanig jinyo, do kapiya no icicirawat nyo a omahap so nanao ni Kizisto.

1 Pite 3:21

O henep rana am kehngehngay na no ranom a da itaktak jyaten do kyokay. Am sicyaikwa rana ya am nyo rana ipeyhanhan si Yeso Kizisto a nimirwa a mavyay a mapatazadang jinyo do teyngato. So ji na monganai do kanownaw no kataotao nyo. Ta monganay jyaten a manci nya ji Ama ta do to so kanoyong ta na mahap so vazay na.