Nimlivolivon 24:14 - Seysyo No Tao

¹⁴ Am yasa ka vazay pa o ko ji naywa jimo. Ori rana am ko anoyngan o da iraralay no ineynapo namen. Ko anoyngan o iwawalam ni Moyse a kano nivatvatkan da no panoyonoywan na so ciring ni Ama ta do to. So na ikanoyong no ko kahap so yada ipanci a malas a nanao.

Nimlivolivon 24:14 ပူးပေါင်းရင်းမြစ်များ

Matay 10:32

“Ko pa ciring jinyo am omanoyong jyaken do tangain no tao am anoyngan ko ori do tangain ni Ama ta do to.

Matay 22:40

Yatodamimin o iwawalam ni Moyse a kano nanao no panoyonoywan na so ciring ni Ama ta do to a yamangozay do yameykadwa a nanao ang.”

Matay 7:12

No si kakzeben nyo o kapya da so nakem jinyo no icyatatao nyo am akman kamo sang so nakem jira. Ta ori o na agagazan no nivatvatkan ni Moyse a kano panoyonoywan na so ciring ni Ama ta do to.

Locya 1:70

Akman so nipaziman ni Ama ta do to no kakwa pa nitoyo na jira do panoyonoywan na so ciring,

Locya 16:16

“Oyowyat no nitaid ni Moyse a kano panoyonoywan na so ciring ni Ama ta do to am o nimanaktak a si Yowani o pamindan na a kapeylimwang rana no Mapasaray a Ciriciring, do na katalamozong ninyo ni Ama ta do to. Ta abo tao a jyakza no katalamozong na nira.

Locya 16:29

Maniring si Apolahan am, ‘Cyaha, ta yamyan so da pangozayan a ciriciring na ni Moyse a kano panoyonoywan na so ciring ni Ama ta do to.’

Locya 24:27

Meyratateng am pangozayan na o nivatvatkan ni Moyse a kano panoyonoywan na so ciring ni Ama ta do to a kaononong na rana do mina ciring da sya do Seysyo a omagaz do kataotao na.

Locya 24:44

Meyratateng am maniring jira si Yeso am, “O aro a vazay rana ya am nimalavat ko na jinyo no kakwa pa. O nivatvatkan ni Moyse a kano panoyonoywan na so ciring ni Ama ta do to a kano nivatvatkan a Anwanood a yaomagaz jyaken am yarana nimangononong.”

Yowani 1:45

Makala ni Veydipo si Natannay. Maniring jya am, “Namen rana nimacita o yadomket do iwawalam ni Moyse a kano ciring da no panoyonoywan na so ciring ni Ama ta do to do Seysyo. Ori rana am si Yeso anak ni Yoseyvo a yameyvahay do Nasale a ili.”

Nimlivolivon 10:43

Si Yeso o pakacirngan da so ciring da no panoyonoywan na so ciring ni Ama ta do to no kakwa. Ipanci da o ka si Yeso no makavonas so raraten no omanoyong jya tao.”

Nimlivolivon 13:15

Mateyka na vilangan no asa ka tao o nivatvatkan ni Moyse a kano nivatvatkan no panoyonoywan na so ciring ni Ama ta do to am manovoy o panipanirsirngen no peyneynozyan so tao a mapacici sira. Maniring am, “Inyo rana yararwa am si myan so ipait nyo jyamen am ipanci nyo an.”

Nimlivolivon 15:5

Maniring o tatasa ka amraralay ni Yeso a tao a macyagom do Vadisay am, “Jyabo kaji da yongkadan do kataotao da no beken a tao do Yotay a mangozay do iwawalam ni Moyse a.”

Nimlivolivon 19:23

No kanang do Ivoso am amyan so nimakdeng a vazay a ikazyak da. Ori rana am omagaz do kownot da ji Yeso Kizisto.

Nimlivolivon 19:9

Am tatasa jira o ji mapownot so nakem da amraherahet so nipangnanao ni Pawlo a omagaz ji Yeso Kizisto. Am ori o nipalolwan na so sinjya ni Pawlo a komaro jira. So nipangday da so araw a meysirisiring do pangananawan na vahay no meyngaran so Tilano a tao.

Nimlivolivon 22:14

Maniring jyaken am, ‘Yana nipamnekan imo no Tao do to da no ineynapo ta a mahap so vazay na, do mo kanimakacita si Yeso a Anak na ni Ama ta do to, do kanimakamizing mo so ciring ni Yeso.

Nimlivolivon 24:22

Si Veydise rana am katenngan na o vazay da no amraralay ni Yeso. Am ori o ji na nimyai rana so tao a meyzezyak. Maniring do mangamizing a tao am, “Nanalahen ta pa o panirsirngen no itaysang a meyngaran so Disiya a kapacici ko na jimo.”

Nimlivolivon 24:5

Namen katenngan si Pawlo a na yapwan no ipeyvonag no tao do Yotay do peycyamahamahatawan na, a panirsirngen da no tao a yaomanoyong ji Yeso a tao do Nasale.

Nimlivolivon 25:8

So nitovisan na jira ni Pawlo. Maniring am, “Yabo o ko mina vazay a yamacisala do iwawalam namen a tao do Yotay. Ko jya niraherahet o rako a panaralayan namen do Yelosaleng a kano rako a panirsirngen ta do Loma.”

Nimlivolivon 26:22

Yato ngai sicyaraw eya o na nisidongan jyaken ni Ama ta do to a meylimwang no ciriciring na do meynakem a tao a kano ipangoyongoyod da tao. O nipeylimwang ko am meyyangay a kano nipeylimwang ni Moyse a kano panoyonoywan na so ciring ni Ama ta do to no kakwa.

Nimlivolivon 26:27

Mo Aglipa a panirsirngen, mo anoyngan o ciring da no panoyonoywan na so ciring ni Ama ta do to no kakwa pa? Ko katenngan mo kanoyong jya.”

Nimlivolivon 26:4

“O iwawalam ko no kalyalikey ko, na kai sicya rarakeh ko na ya do ili namen a kado Yelosaleng am yada mamimin a katenngan no tao do Yotay.

Nimlivolivon 26:6

Sicyaraw rana ya am ko myan do tangain nyo a nyo pacicin, ta ko anoyngan o kanoyong na no nipanci na ni Ama ta do to do ineynapo ta do keypirwa da mavyay no nimawakwak a tao.

Nimlivolivon 28:22

Am pancyan pala jyamen, ta namen katenngan inyo a yamraralay ni Yeso a da pacioyyan no aro a tao do peycyeylilyan na.”

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

Nimlivolivon 3:13

Beken a yamen ori. Ta si Ama ta do to a yada iraralay no ineynapo ta si Apolahan a kani Isa kani Yakebo o niomiwakwak jya. So ikanoyong na mazway ni Yeso. Iya rana am nitoro nyo do aro a panipanirsirngen a karaherahet nyo sya do tangain ni Pilato. Pasawain na ni Pilato am ji nyo mya.

Nimlivolivon 5:30

Si Yeso rana nipadket nyo do jyojika niwakwak nyo am yana rana nivyay no Tao do to da no ineynapo ta.

Nimlivolivon 7:32

‘Yaken rana am Tao do to da yaken no ineynapo nyo si Apolahan a kani Isa kani Yakebo.’ So nizikzik na ni Moyse a maonib nya. Ori ji na nitomitai sya.

Nimlivolivon 9:2

ta kakzeben na o kapeyteygami na no tomalamozong no aro a peyneynozyan da no tao do Yotay do Tamaseke a ili a manci no kapya da sya omrakep so amraralay ni Yeso a tao, tana mahakay a tana mavakes am miminen na sira yangay do pamemtengan do Yelosaleng.

Loma 1:9

Na katenngan ni Ama ta do to o ko kasangib a yameynozi ninyo, do yako ikowyat a yamahap so vazay na yameylimwang no Mapasaray a Ciriciring no Anak na.

Loma 3:21

Sicyaikwaya am na rana nipananao jyaten o na kabnek jyaten ni Ama ta do to a abo so raraten do tangain na. Ori rana am beken a iwawalam na ni Moyse, ta monganay do kapeyhanhan ni Yeso Kizisto akman so mina ciring da no panoyonoywan na so ciring ni Ama ta do to.

1 Kedinto 11:19

So na jyalasi no nyo kasyasyay so nakem. Ta ori o ipakateneng do manoyong rana so nakem ji Ama ta do to.

Cyalatay 5:20

manaralay so malas a iraralay a kano mamnek a kano meyliliman a kano maoyaoyahen a kano mararaten a kano mapeysyasyay so nakem no tao,

2 Timotay 1:3

Yako isaray ji Ama ta do to o namen kapeyyangay a kano ineynapo namen a yaji meylimoteng so nakem a yamraralay nya. Yamangday no ko meynozi do mahep a kado maraw o yako kapakanakem jimo.

Tito 3:10

O yapwan no ipeygalagal a ipeyvwak da no sinjya a tao am ipidwa nyo sira pazimanen. No mirwa pa sira am to nyo na ngaroi sira.

1 Pite 1:11

O Seyzi na ni Kizisto amyan jira am ori o nipaziman jira so keyyan no alalaw ni Kizisto a kapakaranes na rana no kazwayan na. Am ori o nipakanakman da no panoyonoywan na so ciring ni Ama ta do to so kapakateneng da do araraw na kano agcigcinan na no vazay ang.

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”